web counter
LEXO PA REKLAMA!

SHKARKO APP

App Store
Google Play

Kompanitë guackë të inceneratorëve/ PD publikon emrat e zbuluar nga CNA.al

16 Gusht 2022, 12:10, Denoncim CNA

Kompanitë guackë të inceneratorëve/ PD publikon emrat

Partia Demokratike po vijon të ngrejë zërin për aferën e inceneratorëve duke u bazuar në të dhënat dhe dokumentet e zbuluara nga investigimi i CNA.al.

Anëtari i Këshillit Kombëtar të PD-së, Jamarbër Malltezi, i ka risjellë në vëmendje të opinionit publik, por edhe në kujtesë të SPAK-ut.

Ashtu siç ka shkruar në vijimësi CNA.al, të katër kompanitë: Integrated Energy - Geogenix - Almares Management dhe Residence Corporate Services janë guaca pa staf dhe pa asnjë eksperiencë pune me mbeKompanitë guackë të inceneratorëve/ PD publikon emrattjet, por të krijuara veç për të fshehur gjurmët e lëvizjeve të parave publike.

 

Të katërta këto kompani që janë risjellë në vëmendje sot nga Malltezi kanë të njëjtën adresë (Delflandlaan 1, Queens ToWer – Office 916, 1062 EA Amsterdam) siç e kanë edhe qindra kompani të tjera guacë.

Buxheti i secilës

Sipas dokumenteve nga regjistri i kompanive në Holandë, Guaca “Geogenix” (ish - Integrated Energy) ka vetëm 50 mijë euro të krijuara vetëm nga transferta “bujare” e Klodian Zotos, e cila nga ana e saj vjen nga qindra miliona eurot e dhuruara bujarisht nga Rama-Ahmetaj-Agaçi-Veliaj.

Kompanitë guackë të inceneratorëve/ PD publikon emrat

Guaca “Almares” që kontrollon ka vetëm 18 mijë euro. Po kaq ka edhe guaca që zotëron Almares.

Punonjësit e secilës kompani

Sipas dokumenteve nga Holanda, guaca “Geogenix" ka zero staf. Po zero staf ka edhe guaca “Almares Management”, ndërsa pronarja “Residence Corporate Services” ka dy stafe. Këto na ishin kompanitë me eksperiencë të madhe të të cilave Edi Rama u dha 8 pikë dhe përcaktoi se ku do të shkonin 128 milionë euro për inceneratorin inekzistent të Tiranës.

Kompanitë guackë të inceneratorëve/ PD publikon emrat

Kompania Geogenix (ish-Integrated Energy) – me zero staf dhe 50 mijë euro dhuratë bujare të Klodian Zotos, është kompania bazë me të cilën po veprojnë Zoto –Mërtiri - Gugallja, por edhe sekserë të tjerë të qeverisë si studio Tashko - Pustina. Kompania, apo me saktë GUACA “Geogenix”, kontrollohet nga “Almares Management”, pra GUACA NËNË, një kompani me zero staf dhe vetëm18 mijë euro buxhet.

Kompanitë guackë të inceneratorëve/ PD publikon emrat

Pronare e “Almares Management” është GUACA GJYSHE që quhet “Residence Corporate Services”, që gjithashtu ka vetëm 18 mijë euro dhe vetëm 2 punonjës/drejtorë për firmat, nga të cilat njëri ështe ai që firmos me Zoton ose Garganellin sipas rastit, e tjetra është pronarja A. Jangildina e lindur në Bashkimin e Republikave Socialiste Sovjetike./CNA.al





Lajmet e fundit nga