LEXO PA REKLAMA!

SHKARKO APP

E fundit!

x

Ku i gjeti Lefter Gështenja paratë për shkollimin e fëmijëve në Angli dhe Holandë?

12 Gusht 2022, 15:50, Denoncim CNA
Ku i gjeti Lefter Gështenja paratë për shkollimin e
Lefter Gështenja dhe Lulzim Basha

CNA.al ka publikuar të dhënat e pasurisë së deputetit të PD-së, Lefter Gështenja.

Gjatë vëzhgimit të deklaratës së pasurisë përveçse se vërehet një paqartësi në transaksionet e deklaruara, ka edhe një detaj tjetër.

Bëhet fjalë për shkollimin e fëmijëve, në Angli dhe Holandë, për të cilët Gështenja nuk deklaron asnjë shifër, se sa ka kushtuar dhe cili ka qenë burimi i të ardhurave.

Me të ardhura nga qiraja, konsulenca apo edhe nga qëndrimi një vit në emigracion, Gështenja deklaron se është pasuruar me prona miliona euro të deklaruara shumë herë më pak, por ka shkolluar dhe fëmijët në Angli e Holandë.

Një shkollim i një fëmije në Angli shkon nga 20-30 mijë euro në vit, sipas cilësisë së universitetit, nga standardet që ka.

Ku i gjeti Lefter Gështenja paratë për shkollimin e
Lefter Gështenja

Përveç kësaj, kërkohet që në llogarinë bankare të studentit të ketë të paktën 1000 paund të tjera në muaj për një total prej 9 muajsh në vit dhe kjo është shifra minimale e qirasë, pa llogaritur shpenzime të tjera për shërbime të ndryshme. Pra, kërkohen minimalisht deri 10,000 paundë të tjerë, pa përfshirë faturën e shkollës.

E njëjta gjë është edhe në Holandë.

Pra, shkollimi i fëmijëve ka kushtuar të paktën 150 deri 200 mijë euro, ku i gjeti Gështenja këto para?

Ai ka qenë zyrtar në shtet me rrogë. Për këto pasuri dhe shkollimin kursesi s’do t'i siguronin aq të ardhura, ose rezulton që s’ka ngrënë e s’ka konsumuar, por vetëm ka mbledhur para e ka jetuar me “frymën e shenjtë”.

Pra, vetëm tarifa e shkollës dhe kostot minimale të jetesës, pa llogaritur biletat e avionit apo kosto të tjera shtesë.

Ku i ka gjetur këto para Lefter Gështenja?

Me çfarë parash i ka shkolluar fëmijët, me paratë e konsulencës apo me paratë e qirave të pronave, apo ka burime të tjera?

CNA.al do të vijojë me verifikimin e të dhënave pasurore të deputetit Lefter Gështenja, i cili paguhet me taksat tona, me taksat e qytetarëve. / CNA.al

Lajmet e fundit nga