"NOA", kompania e skandaleve/ Nga energjia, tek ujësjellësit dhe koncesionet 

22 Korrik 2022, 10:03, Denoncim CNA

"NOA", kompania e skandaleve/ Nga energjia, tek ujësjellësit

Kompania "NOA", duket të jetë e preferuara e Rilindjes. Një kompani, e cila del në shumë koncesione apo tendera skandalozë të Qeverisjes së Rilindjes, ku janë përfshirë disa institucione, por çuditërisht për të nuk ka asnjë reagim as nga Opozita.

Pra, kompania "NOA", duket të jetë e preferuara e të gjithëve.

Koncesione që kalojnë nga një kompani, e cila qartazi është pjesë e kanaleve të pushtetit politik të Rilindjes, që kalon nga Bashkia e Tiranës, nëpërmjet matësve dhe tenderave në Ujësjellës. Që kalon nëpërmjet KESH-it, nëpërmjet një kontrate skandaloze për depozitimin e energjisë elektrike. Kontratë e cila favorizonte firmën për të fituar miliona euro, ndërsa korporata shtetërore merrte thërrime.

E para, fillon me një kontratë që është lidhur me KESH-in, mbi depozitimin e energjisë elektrike. Kompania "NOA" kishte firmosur një kontratë spektakolare. E merrte energjinë në kohën e pikut, dhe e tregtonte atë me qindra euro. Ndërkohë, e kthente gjatë natës duke fituar vetëm nga diferenca e çmimit, me miliona euro.

 

Më pas, tentakulat e kompanisë "NOA" dalin edhe në tenderat e Bashkisë së Tiranës. Pikërisht tek Ujësjellësi, ku zhvillohen tendera, kualifikohet ndonjë kompani, sipas procedurave ligjore. Por, më pas del një shpikje korruptive, për interes të "NOA"-s.

Ka pasur denoncime se ofertat merren dhe i tregtohen palës tjetër, e kështu me radhë. Gjithmonë në favor të "NOA"-s. Tenderin e fiton gjithmonë "NOA", tek Ujësjellësi i Tiranës.

Një tjetër koncesion, është ai në lidhje me vulosjen e pompave të furnizimit me karburant. Një koncesion 70 milionë euro.

Fillimisht ministria e miratoi qetë, në heshtje. Opozita nuk denoncoi. Mediat e mëdha heshtën dhe hap pas hapi u shkua deri në marrjen e kontratës.

Pra, firmosjen e kontratës koncesionare gati tri vite më parë, në vitin 2019, kur "NOA" krijoi edhe një kompani tjetër, "NOA Control", e cila do të ishte ajo që do të merrte koncesionin për vulosjen e pompave të karburanteve.

Por, pavarësisht se ka pasur denoncime nga mediat, turpësisht në lidhje me "NOA"-n, hesht edhe Opozita, e cila nuk thotë asnjë fjalë.

Kështu ndodhi edhe me inceneratorët. Kështu ka ndodhur dhe me shumë PPP të tjera.

Dikush duket se ia ka mbyllur gojën Opozitës, siç ndodhi për vite me radhë edhe për skandalin e inceneratorëve. Dhe duke heshtur thjeshtë dhe vetëm miraton koncesionet skandaloze të Rilindjes, me kompaninë "NOA", e cila del në disa institucione./CNA.al

 

Lajmet e fundit nga