web counter
LEXO PA REKLAMA!

SHKARKO APP

App Store
Google Play

Skandali- dokumenti/ Acromax i Aldor Ninit raportoi CNA duke abuzuar me RTSH

20 Nëntor 2025, 19:53, Acromax / Aldor Nini CNA
Skandali- dokumenti/ Acromax i Aldor Ninit raportoi CNA duke abuzuar me RTSH
Aldor Nini ne sallen e gjyqit, burimi i fotos: CNA

“Acromax" i Aldor Ninit më 31 tetor të 2025 raportoi videon e filmit “Në fillim të verës” që është një material krahasues me një qëndrim të mbajtur nga Erion Veliaj në Gjykatën Kushtetuese të publikuar nga CNA.

Një skenë filmi e realizuar 50 vite më parë nga kinostudioja "Shqipëria e Re” që ka tematikë luftën dhe pushtimin italian të Shqipërisë.

“Acromax” i Aldor Ninit e raportoi videon e publikuar nga CNA me pretendimin se u përdorën sekuencat e prodhuesit të videogramit që është RTSH.

Skandali- dokumenti/ Acromax i Aldor Ninit raportoi CNA duke abuzuar me RTSH
Video e bllokuar nga Acromax

Prodhuesi i filmit nuk është RTSH-ja, por kinostudioja "Shqipëria e Re" dhe RTSH s’ka të drejtë të mbajtjes së autorit.

Pas këtij raportimi që u bë, CNA i dërgoi një shkresë zyrtare RTSH-së. Ajo është përgjigjur duke thënë ndër të tjera se:

“Nga verifikimi ka rezultuar se pamjet e përdorura nga ana juaj të Erion Veliajt në Gjykatën Kushtetuese dhe të filmit shqiptar “Në fillim të verës”, nuk janë pamje ekskluzive të RTSH-së.

Pamjet e Erion Veliajt në Gjykatën Kushtetuese janë publike për të gjitha mediat, kurse pamjet e filmit të vjetër shqiptar “Në fillim të verës” nuk janë prodhim i RTSH-së por i Kinostudios “Shqipëria e Re”.Për këtë arsye kemi vënë në dijeni zyrtarisht Acromax për të bërë të mundur heqjen e bllokimit të videos tuaj për llogari të RTSH-së”.

Skandali- dokumenti/ Acromax i Aldor Ninit raportoi CNA duke abuzuar me RTSH
Përgjigjja e RTSH-së për CNA

Siç CNA e ka thënë vazhdimisht Acromax i Aldor Ninit është një kompani që abuzon me të drejtat e autorit, raporton mediat për interesa të tjera.

CNA ka theksuar se Acromax i Aldor Ninit ka raportuar CNA-në edhe për foto dhe video të tjera politike.

Gjithashtu Acromax i Aldor Ninit ka raportuar edhe në rastet kur CNA ka pasur lejen apo dhe autorizmet e dhëna nga mediat nga televizionet simotra për të përdorur pamjet, të cilat janë raportuar në mënyrë abuzive.

Ky dokument dhe kjo përgjigje e RTSH-së tregon se veprimet e CNA ndaj medias janë një censurë e përsëritur nga veprime të papërgjegjshme të cilat tregojnë se Aldor Nini dhe kjo kjompani Acromax nuk i shërbejnë të drejtës së autorit dhe të drejtës së fjalës por kanë qëllime  të tjera të cilat qartazi i tregon ky dokument. Kërkoi një armiqësi me mediat, duke mbështetur anonimë, media klienteliste, të korruptuara dhe mbështetëse të qeverisë dhe duke sulmuar fjalën  e lirë dhe mediat që raportojnë të vërtetën pa censurë./ CNA

 





Lajmet e fundit nga