web counter
LEXO PA REKLAMA!

SHKARKO APP

App Store
Google Play

Një mbrëmje kushtuar Dritëro Agollit në Bernë

18 Qershor 2026, 07:31, Kulturë CNA

Një mbrëmje kushtuar Dritëro Agollit në Bernë

Ambasada e Shqipërisë në Zvicër ka organizuar një mbrëmje në kuadër të 95-vjetorit të lindjes së shkrimtarit Dritëro Agolli.

Të pranishëm në event ishin nxënës shqiptarë, dashamirës të letërsisë si dhe mësues.

Gjithashtu i pranishëm ishte edhe ambasadori shqiptar në Zvicër, Ermal Dredha, i cili në fjalën e mbajtur vlerësoi veprën e Agollit dhe vlerat universale që shkrimtari sjell me prozat dhe poezitë e tij.

Gjatë mbrëmjes po ashtu u shfaqën materiale filike të rralla nga jeta e Agollit.

 

Postimi i Ermal Dredhës

Një mbrëmje kushtuar Dritëro Agollit në Bernë

Ambasada e RSH-së në Bernë organizoi në bibliotekën e kryeqytetit “Kornhausbibliothek” një mbrëmje kushtuar 95-vjetorit të lindjes së poetit dhe shkrimtarit të madh shqiptar, Dritëro Agollit.

Në praninë e rreth 100 pjesëmarrësve, me nxënës shqiptarë, dashamirës të letërsisë, mësues dhe dhe miq të kulturës shqiptare në Zvicër u bëmë pjesë e një udhëtimi artistik në jetën dhe krijimtarinë e një prej figurave më emblematike të letrave shqipe.

Në fjalën time, nënvizova se Agolli, nëpërmjet veprës si krijues dhe intelektual,  ngriti përvojën e njeriut të thjeshtë në art, duke e bërë poezinë dhe prozën e tij pjesë të kujtesës sonë kolektive. Veprat e Agollit do të vijojnë të mbeten aktuale, sepse flasin për vlera universale, dinjitetin njerëzor, dashurinë, vendlindjen dhe marrëdhënien e njeriut me kohën e vet.

Mbrëmja u pasurua me recitime nga nxënësit e shkollave shqipe në Zvicër, interpretime muzikore nga këngëtarja e mirënjohur Mimoza Nazarko dhe vet nxënësit, materiale filmike të rralla nga Jeta e shkrimtarit dhe zërin autentik të vetë Dritëro Agollit.

Falenderoj në mënyrë të veçantë znj. Brikela Andrea dhe “Kornhausbibliothek” Bernë për bashkëpunimin dhe gatishmërinë e saj, po ashtu, mësuesit, nxënësit dhe artistët për performancën e tyre të shkëlqyer.  Njëkohësisht, mirënjohje  për Muzeun “Kadare–Agolli”, që na vendosën në dispozicion dorëshkrimet, skicat dhe gjurmët krijuese të Agollit.

Pas Bernës, Ambasada do të vijojë aktivitetet kulturore të Vitit të Agollit dhe Kadaresë me një veprimtari kushtuar Ismail Kadaresë në Gjenevë gjatë vjeshtës së këtij viti.

 





Lajmet e fundit nga