web counter
LEXO PA REKLAMA!

SHKARKO APP

App Store
Google Play

E fundit!

x

Finalja e “Tirana Art Festival”/ Promovimi i talenteve të reja dhe i artit te të rinjtë

27 Maj 2026, 14:51, Kulturë CNA

Qindra të rinj u mblodhën për të parë finalen e Shkollës së Talentëve në Tirana Art Festival.

Të rinjtë garuan në kategori të ndryshme artistike, duke përfshirë këngën, kërcime popullore nga ansamblet e gjimnazeve, kërcime moderne, balet dhe dhe performanca të tjera skenike, duke sjellë një spektakël të vërtetë për të pranishmit.

Finalja e “Tirana Art Festival”/ Promovimi i talenteve të reja

Finalja ka sjellë në skenë të rinj të talentuar të gjimnazeve të Tiranës, të cilët kanë shfaqur aftësitë e tyre përpara një publiku të gjerë, duke u vlerësuar nga juria profesionale. Juria ka ndjekur me vëmendje çdo performancë, duke vlerësuar jo vetëm aftësitë teknike, por edhe origjinalitetin dhe interpretimin artistik të konkurrentëve.Organizatorët e festivalit kanë theksuar se qëllimi kryesor i këtij aktiviteti është zbulimi dhe mbështetja e talenteve të reja, si dhe krijimi i një platforme ku ata mund të shfaqin potencialin e tyre.

Finalja e “Tirana Art Festival”/ Promovimi i talenteve të reja

Për publikun e pranishëm, veçanërisht për të rinjtë, kjo finale ka nxitur pasionin për artin dhe kulturën tek të rinjtë në Shqipëri. Spektakli ka vijuar me performanca të shumta deri në momentin e shpalljes së fituesve, të cilët janë vlerësuar për paraqitjet e tyre dhe për nivelin e lartë artistik të treguar në skenë.

Në përfundim të aktivitetit, janë shpallur edhe fituesit e këtij edicioni, ku çmimi i madh u fitua nga gjimnazi “Sami Frashëri”.

Finalja e “Tirana Art Festival”/ Promovimi i talenteve të reja

Në përmbyllje të aktivitetit, organizatorët kanë falënderuar të gjithë pjesëmarrësit dhe publikun, duke theksuar se “Tirana Art Festival” do të vazhdojë të mbetet një hapësirë e rëndësishme për promovimin e talenteve të reja dhe zhvillimin e artit mes të rinjve.





Lajmet e fundit nga