web counter
LEXO PA REKLAMA!

SHKARKO APP

App Store
Google Play

E fundit!

x

Hipoteka si grup i strukturuar kriminal

7 Korrik 2026, 20:52, Denoncim CNA

Hipoteka si grup i strukturuar kriminal

Fjala “batërdi” me pronat nuk mjafton. Hipoteka, më shumë sesa një institucion për të ruajtur dhe mbajtur regjistrat e pronave të shqiptarëve, është kthyer në një grup kriminal që grabit ditë e natë pronat. Nuk po flasim për 35 vite histori, kur punonjësit e këtyre zyrave, të kadastrave, hipotekave, bëjnë rolin e hipotekarit, por në fakt, këta janë kriminelët që kanë vjedhur prona. Kanë shkruar mbivendosje. Kanë abuzuar, kanë marrë detin, i kanë gjetur pronar. Kanë marrë lumin, i kanë gjetur pronar. E kanë vjedhur tokën e shtetit për t’ia dhënë një pronari. Ua kanë dhënë kriminelëve, banditëve, kanë vjedhur për vete.

Politikanët, se qytetarët hallexhinj i kanë shtëpitë me mbivendosje. Nuk iu gjenden letrat. Nga këta hipotekarët tanë, të cilët në fakt paguhen nga taksat e shqiptarëve për t'iu vjedhur pronat. Janë një grup i strukturuar kriminal me pagesë brenda shtetit që vjedhin, abuzojnë 24 orë pa ndaluar, pronat e shqiptarëve. Rastet e fundit në lidhje me hetimet që SPAK bëri për AKSHI-n, ku përtej milionave të eurove dhe tenderave, më skandalozi ishte rasti i çështjes së pronave. Se si një pronë ishte marrë, ishte tjetërsuar në emër të një individi dhe ishte zhdukur historia. Pra, dy biznesmenë bëjnë një marrëveshje për një shitje prone, por tjetri e merr, e legalizon pa paguar paratë dhe e bën në emrin e tij duke fshirë historikun e asaj prone të blerë nga biznesmeni tjetër.

Ndodh në Shqipëri, po ndodh.

 

Vjedhja e pronave 

Nuk ua grabitën pronat qytetarëve dhe ua mbivendosën?! A nuk shkuan dhe legalizuan atje nuk ku nuk legalizohej?! A nuk hipotekuan atje ku nuk hipotekohej?! Gjoja me vendime, me harta, me manipulime, me grisje fletësh të tëra. Krimi më i madh që u është bërë shqiptarëve është ai me pronën. Sepse kanë punuar, kanë derdhur djersë dhe nuk e gjejnë dot. Pa folur pastaj për ato dokumentet false në regjistrat e hipotekave, që i kanë bërë prapë këta hipotekarët tanë. SPAK po heton dhe përtej një rasti të veçuar, që është bërë zhurmë mediatike për shkak të personazheve publike të përfshira. Ne nuk po përmendim emra, as biznesmenësh, as humbësish, as përfituesish. Sepse humbësit më të mëdhenj janë shqiptarët në shumicën e tyre, që iu janë vjedhur pronat, iu janë manipuluar pronat, iu janë mbivendosur pronat.

 

Më i humburi nga të mëdhenjt e më të mëdhenjve, është shteti shqiptar. Sërish shqiptarët, ku pronat e tij janë grabitur nga individë, nga kriminelë, nga banditë, nga hipotekarët tanë për 35 vite masakër pronash. Diktatura ishte, Enveri ishte kriminel. Por shteti i ruajti i kishte në arkiva pronat. Dhe në Shqipëri kriminale është që iu vidhen pronat qytetarëve, i vidhen shtetit, i vidhen kishës, i vidhen xhamisë. Hajdutëri dhe batërdi nga hipotekarët tanë. SPAK po vazhdon hetimet. Nuk është ai rasti që u bë publik e gjitha ç’ka ndodhur në hipotekë. Ai institucion duhet të shkundet që nga Korça deri në Durrës, nga Shkodra deri në Sarandë. Nga Gjirokastra në Lezhë, e nga Kukësi në Vlorë. Kudo. Përtej mbivendosjeve të ndodhura me pronat, falsifikimeve dhe vjedhjeve dhe sidomos në Tiranë, në kryeqytet aty ku dhe vlera e pronës është më e madhe. Dhe gjithashtu në zonën bregdetare ku vlera e pronës është më e madhe për shkak të investimeve në turizëm tashmë.

Hajdutëria dhe batërdia e pronave, e bërë nga hipotekarët tanë, është një krim i bërë në vazhdimësi nga njerëz në bashkëpunim. Një individ i vetëm nuk mundet dot të tjetërsojë një pronë. Por duhet ta bëjë në bashkëpunim me atë që ka regjistrin, me atë që lëshon dokumentin, me atë që hedh firmën, me drejtorin rajonal, me drejtorin e përgjithshëm, me arkivin, me gjithçka. E pra, ne kemi të bëjmë me një grup kriminal në shtet që e ka emrin Hipotekë ose Kadastra, me emrin e ri. Një grup kriminal me hipotekarë, a me kadastrarë, që kanë grabitur ditë e natë, papushim pronat e shqiptarëve. Dhe SPAK në qoftë se duhet t'i hyjë një institucioni me themel, ajo është Kadastra e Shqipërisë.

Ku jo vetëm këto vitet e fundit, por prej 35 vitesh janë bërë krime duke vjedhur pronat e shqiptarëve, duke i grabitur ato, pa ndryshuar aspak nga kriminelët e zakonshëm. Jo ata të rrugës, po ata të organizuarit, me laps e me letër, që trafikojnë drogë e pastrojnë para në ndërtim. Ndërsa këta i grabisnin pronat dhe përfitonin para korrupsioni më pas, për të pasur pasuritë e tyre duke grabitur pronat e shqiptarëve./CNA





Lajmet e fundit nga