web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet një tjetër përndjekës si Aldor Nini

15 Gusht 2024, 09:59, Acromax / Aldor Nini CNA

Specialistët për Hetimin e Krimeve në Komisariatin e Policisë Nr. 4 kanë arrestuar një tjetër përndjekës si Aldor Nini, drejtuesi i kompanisë “Acromax”.

Në pranga është vendosur A.C, 34-vjeç banues në Tiranës pasi dyshohet se ka përndjekur ish-të dashurën e tij.

Ky është një rast i ngjashëm me atë të drejtuesit të Acromax, Aldor Nini. Aldor Nini i kompanisë "Acromax" tashmë është në dyert e gjykatave si përndjekës. (Lexo Ketu)

Aldor Nini akuzohet si përndjekës në jo pak raste dhe për të ka pasur disa kallëzime në polici dhe prokurori.

Arrestohet një tjetër përndjekës si Aldor Nini
Aldor Nini, drejtuesi i Acromax

Drejtuesi i "Acromax"-it është thirrur edhe në prokurori ku i është komunikuar akuza e përndjekjes dhe për këtë ai rrezikon deri në 4 vite burg.

Ish-bashkëshortja e Aldor Ninit, e denoncoi këtë të fundit për dhunë psikologjike dhe përndjekje të vazhdueshme, ndërsa ngriti edhe dyshime se “në mjetin e saj mund të kishte një pajisje, e cila kontrollon lëvizjet e saj”.

Arrestimi i Aldor Ninit si përndjekës

Drejtuesi i kompanisë Acromax, Aldor Nini është personi që u arrestua në datën 4 korrik të 2023-shit, pasi ish-bashkëjetuesja me iniciale S.B., e denoncoi për përndjekje dhe dhunë.

Ai u mbajt në burg nga policia, pasi i publikoi video ish-bashkëjetueses, pa pëlqimin e saj. Më 7 korrik të 2023-shit, Gjykata e Tiranës dha masën e sigurisë “arrest shtëpie” për Aldor Ninin, deri në depozitimin e garancisë pasurore.

Nën akuzat për përndjekje dhe dhunë ndaj ish-bashkëjetueses së tij, Aldor Ninit iu ndalua dalja nga territori i Shqipërisë pa autorizimin e gjyqtarit, masë kjo që do të zbatohet gjatë kohës që ai do të jetë nën masën e sigurimit "garancia pasurore”. 

Rrëmbimi i vajzës

Po ashtu përndjekësi i grave, Aldor Nini është kallëzuar për rrëmbimin e vajzës së tij. Familjarët e ish-bashkëshortes kanë deklaruar në polici se drejtuesi i “Acromax”-it ka marrë vajzën e mitur më 26 maj, ditën kur kishte edhe takimin sipas gjykatës, por nuk ka pranuar ta kthejë mbrapsht. Për këtë arsye, ai do të përballet me një tjetër akuzë penale.

Censuruesi i fjalës së lirë

Drejtuesi i kompanisë Acromax, Aldor Nini përveç një përndjekës grash është dhe një shantazhues dhe përndjekës i fjalës së lirë.

Me kompaninë e tij "Acromax" ai ka keqpërdorur besimin e klientëve, ka sulmuar mediat për interesa klienteliste. Shpeshherë është shfaqur edhe si avokati i inceneratorëve apo mbrojtësi i Veliajt.

Aldor Nini është denoncuar shpeshherë nga mediat për sulme ndaj tyre në emër të të drejtave të autorit, mes të cilave edhe CNA.

CNA ka paralajmëruar se do të ndjekë rrugën ligjore me përdjekësin Nini, pasi prej disa muajsh vijon një sulm kriminal ndaj rrjeteve sociale tona gjoja në emër të së drejtës së autorit.

Ekspertët kërkojnë ashpërsim të ligjit për pëndjekësit

CNA ka sjellë mendimin e ekspertëve të ndryshëm sa i përket fenomenit të përndjekjes. Sipas tyre duhet të ketë një ashpërsim të ligjit për përndjekësit për të parandaluar këto sjellje kriminale.

Ekspertët thanë për CNA se, përndjekja është kthyer në një fenomen shqetësues, ku të gjithë janë të rrezikuar.

Ata kanë ngritur alarmin lidhur me sjelljet e përndjekësve, rrezikshmërinë që ata sjellin jo vetëm te viktimat e tyre, por për të gjithë shoqërinë dhe kryesisht për personat me të cilët ndërveprojnë, qoftë në punë, apo në aktivitete të tjera të jetës së përditshme.

Përndjekësit shpesh përdorin rrjetet sociale për të intensifikuar veprimet e tyre kriminale, për të ngjallur frikë, e shpesh edhe për të shantazhuar shënjestrën e tyre.

Në Kodin e Procedurës Penale, kërcënimi ose ngacmimi i personit me anën e veprimeve të përsëritura, me qëllimin për t’i shkaktuar një gjendje të vazhdueshme dhe të rëndë ankthi apo frike për sigurinë vetjake, të një të afërmi ose të një personi, me të cilin ka lidhje shpirtërore, apo për ta detyruar të ndryshojë mënyrën e tij të jetesës, dënohet me burgim nga gjashtë muaj gjer në katër vjet.

Kur kjo vepër kryhet nga ish-bashkëshorti, ish-bashkëjetuesi apo personi që ka pasur lidhje shpirtërore me të dëmtuarin, dënimi rritet me një të tretat e dënimit të dhënë. /CNA





Lajmet e fundit nga