Prokuroria: Aldor Nini përndjekës!

13 Korrik 2024, 19:06, Acromax / Aldor Nini CNA

Aldor Nini

Prokuroria e Tiranës dërgon në gjyq, Aldor Ninin e “Acromax”. CNA e kishte denoncuar edhe më parë se pronari i “Acromax” përveçse një gjobvënës është edhe një përndjekës i ish familjarëve të tij. Tashmë Aldor Nini është një përndjekës i konfirmuar, kjo pas njoftimit të prokurorisë.

Sipas njoftimit, Aldor Nini në mënyrë të vazhdueshme ka përndjekur ish-bashkjetusen e tij, nëpërmjet publikimeve në rrjetet sociale, me veprime konkludente si kërcënimi, ose ngacmimi i personit me anën e veprimeve të përsëritura me qëllimin për ti shkaktuar një gjendje të vazhdueshme dhe të rëndë ankthi apo frike për sigurinë vetjake, e kanë detyruar të ndryshojë mënyrën e saj të jetesës, duke pasur qëllim që të vijojë lidhjen ose të hakmerret.

Njoftimi i Prokurorisë

Prokuroria pranë Gjykatës së Shkallës së Parë të Juridiksionit të Përgjithshëm Tiranë, dërgon në gjyq shtetasin A.N. për veprat penale të ‘Përndjekjes’ dhe ‘Ndërhyrje të padrejtë në jetën private’ të parashikuara nga nenet 121/a/2 dhe 121/2 të Kodit Penal.

Në përfundim të hetimeve në kuadër të procedimit penal nr. 4275 të vitit 2023, rezultoi se i pandehuri A.N. ka konsumuar plotësisht këto dy vepra penale.

Viktima, shtetasja S.B. e denoncoi për dhunë psikologjike dhe fizike, duke deklaruar se i pandehuri e kontnrollonte, nëpërmjet telefonit e kamerave.

Në hetimet e rastit në fjalë, prokuroria provoi se i pandehuri, ka krijuar faqe në rrjetin social instagram dhe facebook për të shpërndarë video dhe fotografi të ndryshme me qëllim denigrimin e figurës së viktimës.

Videot e publikuara janë filmuar nga vetë i dyshuari në ambiente të tilla si banesë, pa praninë e personave të tretë.

Në lidhje me veprën penale të ‘Përndjekjes’ rezulton se nga personi nën hetim janë konsumuar elementet e kësaj vepre penale, pasi ky shtetas në mënyrë të vazhdueshme nëpërmjet publikimeve në rrjetet sociale, me veprime konkludente si kërcënimi, ose ngacmimi i personit me anën e veprimeve të përsëritura me qëllimin për ti shkaktuar një gjendje të vazhdueshme dhe të rëndë ankthi apo frike për sigurinë vetjake, e kanë detyruar të ndryshojë mënyrën e saj të jetesës, duke pasur qëllim që të vijojë ligdhjen ose të hakmerret.

Për të realizuar qëllimin e tij dhe për të fshehur veprimet ai ka përdorur edhe punonjësen e tij, e cila videot e realizuara prej tij i ka shpërndarë në rjete sociale duike krijuar llogari të posaçme./CNA