web counter
LEXO PA REKLAMA!

SHKARKO APP

App Store
Google Play

E fundit!

x

Aldor Nini i “Acromax” nën hetim pasuror/ Faktet për SPAK-un

28 Shkurt 2025, 11:15, Acromax / Aldor Nini CNA

Aldor Nini i “Acromax” nën hetim pasuror/ Faktet për

Sot në mëngjes u paraqit në SPAK famozi i kompanisë “Acromax”, Aldor Nini.

Në fakt, ky ishte një veprim i paralajmëruar prej tij, pasi një ditë më parë ka kontaktuar gazetarët dhe qartazi një veprim për të shpërqendruar vëmendjen pas lajmeve të fundit se Drejtoria e Përgjithshme e Parandalimit të Pastrimit të Parave, pasi ka kryer një hetim të shpejtë, ka bërë një kallëzim në Prokurorinë e Tiranës ndaj shtetasit Aldor Nini. (LEXO KETU)

Aksioneri dhe menaxheri i “Acromax” është nën hetim pasuror.

Gjithashtu shtetasi Aldor Nini është në gjykim te Gjykata e Tiranës për një çështje për përndjekjen e ish-të fejuarës së tij, një histori, e cila e çoi në pranga dhe më pas e liroi me garanci pasurore.

Aldor Nini është njeriu kryesor censor i mediave, njeriu që ka fshirë me mijëra materiale audiovizive dhe shkrimet në rrjetet sociale kundër Erion Veliajt, korrupsionit të familjarëve të tij, Ajola Xoxës, dosjes “5D”, dosjes së inceneratorëve, bashkëpunëtorëve të inceneratorëve, siç janë Vjollca Hoxha dhe aksionerët e tjerë të “Top Channel”.

Aldor Nini i “Acromax” nën hetim pasuror/ Faktet për
E-mail nga "YouTube" për bllokimin e kronikës

Qindra faqe, dokumente, materiale, video dhe audio të fshira nga Aldor Nini në mënyrë abuzive, edhe pse shumë nga klientët e tij kanë dhënë autorizimet përkatëse për përdorimin e imazheve të tyre.

Aldor Nini është njeriu që në vitin 2018 për t’i shërbyer Erion Veliajt gjoja në emër të së drejtës së autorit tentoi të mbyllte website-n “cna.al” për një shkrim në lidhje me kryebashkiakun Erion Veliaj dhe të ndjerin Ardit Gjoklaj.

Aldor Nini i “Acromax” nën hetim pasuror/ Faktet për
Emaili për bllokimin e lajmit të Veliajt nga "Acromax"

Aldor Ninit sot në SPAK duhej t’i merrej telefoni, i cili do të tregonte se si ai fshinte dhe shkatërronte fjalën e lirë apo se si ai bashkëpunonte me ato që i quajti media anonime, se si ishte bashkëpunëtor i tyre dhe se si shkonin pagesat drejt tyre, se si ishte bërë menaxhuesi i një tregu monopol të medias duke u sjellë si të ishte prokuror dhe gjykatës i fjalës së lirë ku në fakt është vetëm një censor.

I renditëm këto të gjitha për t’i treguar SPAK-ut, institucionit, prokurorëve, se nuk kanë të bëjnë me një “engjëll”, por pas tij fshihet një “djall”, i cili është nën hetim, i cili ka luftuar fjalën e lirë, i cili ka qenë bashkëpunëtor i Erion Veliajt, duke i fshirë qindra mijëra video gjoja në emër të së drejtës së autorit.

Duke luftuar fjalën e lirë për të mbrojtur me apo pa dashje korrupsionin e zyrtarëve të lartë përfshirë këtu dhe kryebashkiakun e Tiranës, drejtorët e “5D”, njerëzit e inceneratorëve e të tjerë.

Pra, Aldor Nini është thjesht dhe vetëm një njeri me probleme me drejtësinë dhe nuk mund të jetë kurrë ai garantuesi i fjalës së lirë, apo monitorimit të zgjedhjeve me SPAK-un.

Ai është thjesht dhe vetëm një instrument i medias së korruptuar në Shqipëri, një instrument i pazareve të pista të medias me klasën politike, një instrument bashkëpunëtor i aksionerëve dhe bashkëpronave të inceneratorëve dhe një bashkëpunëtor i mediave anonime dhe faqeve që ngjallin gjuhën e urrejtjes, shpifjes dhe shantazhit në median online.

Edhe deri te denigrimi siç është rasti që po kalohet tashmë në gjykatë në lidhje me video apo materiale të ish-të fejuarës së tij publikuar prej tij apo njerëzve afër tij./ CNA

 





Lajmet e fundit nga