Aldor Nini, avokati i inceneratorëve në rrjetet sociale

20 Korrik 2024, 13:39, Aktualitet CNA

Aldor Nini, avokati i inceneratorëve në rrjetet sociale

Aldor Nini në sallën e gjyqit, burimi CNA

Aldor Nini, me kompaninë e tij “Acromax”, ka nisur prej kohësh një sulm ndaj CNA-së, për interesat e tij personale dhe të klientëve të tij.

Aldor Nini ka raportuar videot, investigimet dhe denoncimet tona për kryebashkiakun e Tiranës, Erion Veliaj, për inceneratorët, për dosjen “5D”, për qeverinë, etj. (Lexo këtu)

Përveç shërbimit që i bën Erion Veliajt, ai është kthyer edhe në një avokat të inceneratorëve në rrjetet sociale. (Lexo këtu)

Aldor Nini ka bllokuar lajme dhe kronika në “YouTube” apo edhe në rrjetet tona sociale, gjoja në emër të së drejtës së autorit.

Aldor Nini dhe “Acromax”, përndjekës të fjalës së lirë
11 Qershor, 15:11
Faktet skandaloze/ Ja disa nga rastet kur Aldor Nini dhe Acromax sulmojnë CNA padrejtësisht
11 Qershor, 10:46

Më poshtë ne po sjellim disa nga lajmet e CNA-së për inceneratorët, të cilat janë hequr nga rrjetet sociale pa argumente dhe pa fakte, pasi janë raportuar nga kompania e Aldor Ninit se është shkelur e drejta e autorit.

“Gazetarët e Tigrit/ Strategjia mediatike e Mirel Mërtirit”

Kështu titullohet një nga kronikat e raportuara nga “Acromax”, ku denoncohen pagesat e kompanisë së inceneratorëve të shpërndara në media dhe skema e dezinformimit e përdorur nga gazetarët, televizionet, portalet apo edhe analistët. (Lexo këtu)

“Si po e zhytin mediat e inceneratorëve kryebashkiakun Veliaj në skandalin e shekullit”

Kronikat e raportuara nga "Acromax"

Edhe kjo kronikë e raportuar nga “Acromax” denoncon skemën e mediave të inceneratorëve. Aldor Nini pretendon të drejtë autori për disa sekonda në një investigim të CNA-së, duke dalë hapur si shërbëtor i njerëzve të aferës së shekullit. (Lexo këtu)

“Nuk mjafton Endrit Habilaj/ E vërteta e inceneratorëve të shkojë te Vjollca Hoxha dhe Veliaj”

Kjo është kronika më e fundit që Nini ka raportuar për inceneratorët, ku CNA thekson se duhet të dalin para drejtësisë edhe pronarët e tjerë të mediave, ortakët e njerëzve të aferës, si dhe kryebashkiaku Erion Veliaj. (Lexo këtu)

Edhe në këtë rast, Aldori pretendon 4 sekonda të drejtë autori për një editorial të CNA-së, por nuk janë vetëm këto rastet kur na janë raportuar lajme për inceneratorët.

Njoftimi pë kronikën e raportuar nga "Acromax"

Kështu, ai ka bërë avokatin e inceneratorëve, duke sulmuar një media të lirë, me qëllimin e vetëm censurimin e saj. (Lexo këtu)

Megjithatë, CNA thekson edhe njëherë se nuk do të tërhiqet nga raportimi i së vërtetës për një aferë si ajo e inceneratorëve që e ka investiguar dhe denoncuar për vite me radhë, për korrupsionin me dosjen “5D”, apo edhe çështjet e tjera.

CNA do të vijojë misionin e saj si një media e lirë duke mos u censuruar nga Aldor Nini, që përveçse një përndjekës grash me akuzë nga prokuroria, është edhe një përndjekës mediash. (Lexo këtu)

Aldor Nini në Prokurorinë e Tiranës, burimi LSA

Duke bërë avokatin e inceneratorëve apo edhe të Veliajt, Aldor Nini abuzon me të drejtën e autorit. Në fakt, ai sulmon mediat vetëm kur ka interesa, duke keqpërdorur edhe besimin e klientëve të tij. Raportimet për klientët i bën kur atij i intereson dhe kur nuk i intereson nuk i kryen. (Lexo këtu)

Kjo vërtetohet edhe nga rastet konkrete të raportuara në CNA, apo edhe në media të tjera, ku përndjekësi Nini ka bllokuar video të vjetra, të para disa viteve, me opinione, denoncime dhe investigime që tregojnë shumë të vërteta për klientët e tij dhe për atë vetë./ CNA