web counter
LEXO PA REKLAMA!

SHKARKO APP

App Store
Google Play

Nuk mjafton Endrit Habilaj/ E vërteta e inceneratorëve duhet të shkojë te Vjollca Hoxha dhe Veliaj

13 Korrik 2024, 15:40, Aktualitet CNA
Nuk mjafton Endrit Habilaj/ E vërteta e inceneratorëve duhet të
Vjollca Hoxha, Mirel Mertiri dhe Erion Veliaj

Sot u njoftua nga mediat zbardhja e disa urdhër-arresteve të dhëna nga GJKKO pas kërkesës së SPAK në lidhje me çështjen e inceneratorëve.

Disa lajme të përsëritura nga CNA, të dhëna disa kohë më parë në lidhje me disa masa sigurie ku ishin përfshirë një pjesë e njerëzve të grupit kriminal të inceneratorëve.

Theksojmë një pjesë pasi shumë të tjerë janë në akuzë janë marrë që nga gushti i vitit të kaluar. Kjo është dora e dytë por për ata që duan të dinë më shumë informacion ka dhe një dorë tjetër.

Ajo që është e rëndësishme është fakti që inceneratorët tashmë nuk janë një vjedhje e lehtë që do të rregullohej apo do të ndërtohej me kohën siç thonin dirigjentët apo gazetarët e Mirel Mërtirit njeriut që nga Viena dirigjoi sulme kriminale ndaj SPAK, sulme ndaj gazetarëve, pagoi gazetarë kriminelë të cilët duhet të jenë pjesë e hetimit.

Emri i Endrit Habilajt është hiç në lidhje me grupin e strukturuar kriminal të gazetarëve që bashkëpunuan me inceneratorët.

Ai mund të ketë qenë një nga njerëzit kryesorë në krah të Mërtirit por në 5 kompani të regjistruara në emër të tij në ortakëri dhe me drejtruesen kryesore të marketingut të Top Channel, Endrit Habilaj paratë i kalonte te godina e "Top Channel" , te "Gazeta Shqip" te "Top News", te Vjollca Hoxha, te Lori Hoxha.

Grupi i strukturuar kriminal i inceneratorëve ka patur një media ortake zyrtare e cila është "Top Channel", ka patur një bashkëpunëtore të ngushtë e cila quhet Vjollca Hoxha dhe më pas ortakëria ka vazhduar dhe me Lori Hoxhën.

Nuk mjafton Endrit Habilaj/ E vërteta e inceneratorëve duhet të
Vjollca Hoxha dhe Lori Hoxha

Goditja e bërë sot ndaj Endrit Habilaj është asgjë, është një gërvishtje. Ai ka marrë paratë për llogari të Vjollca Hoxhës. Mund të ketë futur ndonjë shukë në xhepin e majtë apo të djathtë por në finale milionat e eurove shkuan te Top Channel, Vjollca Hoxha, Lori Hoxha, te televizioni kombëtar që një kanal informativ si “Top News” e ktheu në marionetën kryesore kundër SPAK, që një emision javor e ktheu në sulmuesin kryesor të prokurorëve të SPAK-ut.

Televizioni u kthye zyrtarisht në mbrojtësin kryesor të aferës së inceneratorëve.

Sot ka frikë të përmendë emrat e njerëzve, sot ka frikë të thotë që një drejtor i saj është me arrest me burg, sot ka frikë të thotë që Vjollca Hoxha është thirrur disa herë në SPAK. Sot ka frikë të pranojë edhe Lori dhe Grida Duma “GD”-ja e famshme se Top Channel është ortaku i inceneratorëve, se Top Channel ka marrë paratë dhe është përgjegjësi kryesor për zgjatjen e asaj afere. (LEXO KETU)

Nuk mjafton Endrit Habilaj/ E vërteta e inceneratorëve duhet të
Endrit Habilaj

Ka frikë të thotë se Erion Veliaj është pronari faktik i inceneratorit të Tiranës prej 5 vitesh nuk lëvizte gishtin dhe nuk bënte asnjë veprim që inceneratori të ndërtohej por përkundrazi i lëshonte drejtorët e tij të firmosnin marrëveshje që Mirel Mërtiri të fitonte dhjetëra miliona euro.

E vërteta e inceneratorit të Tiranës nuk është Endrit Habilaj.

Ai mund të ketë dirgjiuar sulme meditaike, të ketë qenë krahu i djathtë i Mirel Mërtirit për skemat dhe skenarët se si do të luhej pas këshillave që jepnin avokatët, gazetarët kriminelë apo bandat mediatike por është asgjë në krahasim me atë që ka bërë Vjollca Hoxha dhe Lori Hoxha. Truri i inceneratorëve Mirel Mërtiri ortake kishte Vjollca Hoxhën. Ajo ka marrë milionat e eurove dhe SPAK nëse nuk do të shkojë tek Vjollca Hoxha nuk ka shkuar asgjëkundi.

Njeriu kryesor që zgjeroi aferën dhe la Tiranën pa incenerator është Erion Veliaj dhe në rast se SPAK nuk do të shkojë atje thjesht kemi një gërvishtje. Ende nuk jemi te e vërteta. Nuk mjafton Endrit Habilaj, as një grusht njerëzish. E vërteta e inceneratorëve shkon te Top Channel e vërteta e inceneratorëve shkon te kryetari i Bashkisë së Tiranës./ CNA





Lajmet e fundit nga