web counter
LEXO PA REKLAMA!

SHKARKO APP

App Store
Google Play

E fundit!

x

Vjollca Hoxha vijon ortakërinë me inceneratorët/ Si përfitoi miliona euro nga afera korruptive

13 Dhjetor 2022, 13:31, Editorial CNA

Vjollca Hoxha vijon ortakërinë me inceneratorët/ Si përfitoi

Inceneratorët, afera më e madhe korruptive në këto 30 vite, që po vijon të hetohet nga Struktura e Posaçme Antikorrupsion i kanë zgjatimet edhe në media.

Deri më tani kemi në qeli, një ish-ministër, një ish-sekretar të përgjithshëm, biznesmenë e administratorë të biznesit të plehrave dhe në kërkim pronarët, “kokat” e inceneratorëve.

Por paratë e korrupsionit të  inceneratorëve të dërguar në media, nuk janë hetuar ende nga SPAK-u.

Janë pikërisht mediat si "Top Channel", që kanë trumbetuar se sa të mirë janë inceneratorët dhe sot kur njerëzit e kësaj afere, siç thotë SPAK-u janë në kërkim, ato bëjnë mbrojtësin e tyre.

"Top Channel" dhe Vjollca janë ortakë me inceneratorët, kjo e faktuar me dokumente.

Vjollca Hoxha vijon ortakërinë me inceneratorët/ Si përfitoi

Kujtojmë se në vitin 2019, CNA.al ka raportuar se si Vjollca Hoxha u bë ortake me Mirel Mërtirin dhe Klodian Zoton dhe Eva Blushin, nëpërmjet kompanisë "Em Capital Group", e cila ishte krijuar në Bullgari.

Sa ka përfituar Vjollca Hoxha nga inceneratorët

Me anë të "Em Capital Group", njerëzit e inceneratorëve blenë 51 për qind të aksioneve të brendit "Lori Cafesë", "Valtelina Café".

Vjollca Hoxha vijon ortakërinë me inceneratorët/ Si përfitoi

Vjollca Hoxha vijon ortakërinë me inceneratorët/ Si përfitoi

Vjollca Hoxha bëri ortakëri me Mirel Mërtirin dhe Klodian Zoton e  inceneratorëve duke u dhënë 51 për qind të aksioneve të kompanisë dhe duke mbajtur vetë 49 për qind.

Pas tri vitesh, me 14.07.2022, kur inceneratorët kishin bërë festë në "Top Channel", propagandë pas propagande me kronika, njerëzit e inceneratorëve, ndërkohë që drejtësia i kërkonte, ata i rikthejnë aksionet që i kishin blerë Vjollca Hoxhës.

Vjollca Hoxha vijon ortakërinë me inceneratorët/ Si përfitoi

Siç raportohet në Qendrën Kombëtare të Biznesit, aksionet e "Valtelina Café", pra brendit të "Lori Cafesë" i janë rikthyer 100 për qind Vjollca Hoxhës.

Vjollca Hoxha vijon ortakërinë me inceneratorët/ Si përfitoi

Hoxha sipas një kontrate ka marrë rreth 1.5 milionë euro me transfertë bankare më pas 6 këste të tjera.

Situata është e tillë dhe mjaft e qartë. Krijohet një kompani në Bullgari që blen më shumë se gjysmën e aksioneve, përdor televizionin për inceneratorët dhe më pas gjithçka ua rikthen pronarëve pa paguar asnjë kosto.

Vjollca Hoxha ende ortake me inceneratorët

Përveç "EM Capital" e krijuar në Bullgari, "Valtelina Cafesë", “KUDOPAY” është një tjetër kompani që vërteton e ortakërinë të Vjollca Hoxhës me inceneratorët.

CNA.al ka bërë një vëzhgim të dokumenteve nga faqja zyrtare e Qendrës Kombëtare të Biznesit, ku vërtetohet qartë ortakëria e Vjollca Hoxhës me inceneratorët.

Vjollca Hoxha vijon ortakërinë me inceneratorët/ Si përfitoi

"KUDOPAY" është regjistruar në QKB me 12,04.2021 dhe ortakët në këtë kompani  janë Stela Gugallja e inceneratorit 22 milionë euro në Elbasan, nënë e fëmijëve të Mirel Mërtirit, të cilët janë në kërkim, Vjollca Hoxha, pronare e "Top Channel" dhe Adriano Kadriu.

Vjollca Hoxha vijon ortakërinë me inceneratorët/ Si përfitoi

Kujtojmë se Stela Gugallja, Mirel Mërtiri dhe Klodian Zoto janë bashkëpronarë në tri koncesionet e inceneratorëve në Elbasan 22 milionë euro, në Fier 28 milionë euro dhe Tiranë 128 milionë euro.

Pra, Vjollca Hoxha është ortake me Stela Gugallen e inceneratorëve, e cila është në kërkim nga SPAK-u.

Tani "Top Channel" është hedhur në mbrojtje të inceneratorëve gjoja se ka hallin e Arben Ahmetajt, por e gjitha ishte një shantazh ndaj prokurorëve të SPAK-ut që t'i hiqnin nga çështja, për të ndryshuar dhe zbutur akuzat me të tjerë.

Në fakt prokurorët e SPAK-ut, duhet të nisin hetimet për mediat që janë paguar nga paratë e inceneratorëve nën mbulesën e reklamave, duke bërë propagandë të shfrenuar për aferën korruptive.

Nga njëra anë abuzohej me taksat e shqiptarëve, pra vidheshin shqiptarët, nga ana tjetër "Top Channel" dhe Vjollca Hoxha thonin sa të mirë ishin inceneratorët./CNA.al





Lajmet e fundit nga