E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

Mos, na iku Nora!/ O bobo ç'na gjeti, na la Grida

8 Nëntor 2022, 13:09, Editorial CNA

Grida Duma nëpërmjet një fjalimi të gjatë sot tha se ishte larguar nga politika, nga llumi i saj, e të tjera si këto.
Goditjet që kishte marrë nën brez e kishin shqetësuar shumë.

Në fakt, Grida Duma nuk është nga ato që nuk ka dhënë goditje nën brez. Nuk është se iku për të zgjidhur ndonjë hall të madh të politikës që i kishte ngelur në dorë dhe o bobo, çfarë do të ndodhë.

Asgjë.

Erdhi nga hiçi në politikë, rekomanduar nga Henri Çili me suportin e një ish-bankieri, mikut të saj të ngushtë, dhe u mbështet nga Lulzim Basha.

Henri Cili dhe UET, fushatistë të Erjon Veliajt dhe Grida Dumës
16 Prill, 08:53

Foli pro tij, mbështeti çdo humbje dhe çdo dështim të Lulzim Bashës, si ndarje, përçarje dhe luftë brenda PD-së.

Ishte ndarëse, sektare e paaftë totalisht, thjesht dhe vetëm një imazh i një koke që pretendon se është e bukur, por që kurohet shumë estetikisht, duke shpresuar që do të ishte e ardhmja e politikës.

Egoizëm i shfrenuar, i pavlerë, shkoi pas Lulzim Bashës me humbjet dhe dështimet e tij si dhe katastrofat e pafundme.

I plasi një histori skandali erotik me Ervin Salianjin, në parlament e kështu me radhë.

Hijet e Grida Dumës/ Nga borxhet, lidhja me Santon, “dorëzimi” në zyrën e Tahirit te video-skandali erotik
11 Mars, 10:26

Grida Duma ishte thjesht dhe vetëm deputetja që erdhi nga hiçi dhe iku si një hiç, sepse pranoi një rrogë të majme nga "Top Channel", braktisi demokratët, kauzën e tyre politike, të cilët e morën nga rruga dhe e bënë deputete.

Inceneratorët dhe Vjollca Hoxha, një histori që nuk duhet harruar
6 Qershor, 17:31

Prej gati nëntë vitesh në xhepat e Gridës hynë taksat e qytetarëve shqiptarë, demokratëve në veçanti, të cilët e bënë deputete dhe drejtuese politike.

Dhe tani ka shkuar në "Top Channel" për një rrogë të majme, për paratë e "Top Channel"-it, topit të inceneratorëve, të paguar nga taksat e xhepit të shqiptarëve, nga një aferë që u ka dhënë miliona euro ortakërive dhe reklama "Top Channel"-it.

E braktisi PD-në për një qese me para.

Për një kontratë, të cilën rrogën që do ta marrte deri në fund të mandatit të deputetit e merr për dy apo tre muaj.

Asgjë më shumë sesa kaq.

Iku Grida Duma. Nuk u bë nami, në PD kanë ikur burra më të mirë dhe gra më të zonja dhe nuk u bë nami. PD-ja ka vazhduar rrugën e saj.

Qan apo jo Grida, përlotet apo jo Agron Gjekmarkaj, kjo nuk i prish punë askujt.Në fakt, më shumë prishi punë hyrja e saj në PD, sesa largimi i sotëm nga mandati i deputetes së PD-së./CNA.al