web counter
LEXO PA REKLAMA!

SHKARKO APP

App Store
Google Play

Ngacmimet në vendet e punës/ Grida Duma flet për dhunë dhe përdhunime

3 Shkurt 2022, 13:22, Politikë CNA

Deputetja e Partisë Demokratike, Grida Duma ka apeluar deputetët që të miratojnë konventën për abuzimin dhe ngacmimet në vendin e punës.

Konventa është prezantuar sot në Kuvend nga Ministrja e Shëndetësisë dhe Çështjeve Sociale, Ogerta Manastirliu.

Duma ka argumentuar se realiteti është shumë ndryshe nga fasada që paraqitet dhe në këtë pikë ka përmenduar rastin e përdhunimit të një të miture.

?Shifrat në botë për ngacmimin në vendin e punës në botë janë të mëdha. Mendoni sa të pavërtetë jemi ne, ku në Shqipërinë tonë përdhunohet një 14-vjeçare. Këto janë dy realitete. Mendoni pastaj për atë që duhet të realizohet kjo konventë?, ka thënë Duma.

Sipas saj, psikologët, ekspertët njohin një të vërtetë të madhe, pasi  dhuna më e madhe që pëson njeriu nuk është fizike, por psikologjike.

?E kanë mbajtur këtë popull 40 vite me kompleksin e fajit dhe vazhdojnë sot elitat politike ata që kanë pasur më shumë pushte qofshin nga PD apo PS dhe gënjejnë si pika e ujit duke e çmendur këtë popull. Në të vërtetë që shqiptarët kanë 31 vite që vazhdojnë me tranzicion. Kanë ngritur një infrastrukturë mediatike secili me oligarkët e vet që mbrohen.

Nëse opozita do të dëgjohet pak dhe themi që kjo konventë të kalojë për të qenë aty, mund të ishim po këtu dhe të flisnim për atë dhunë që nuk adresohet as me financa dhe as me buxhet.

Nuk arrijmë dot të bëjmë opozitë sepse nuk e dimë nga cila palë dhunohemi më shumë. Kjo lloj gënjeshtër së pari nuk çliron mendjen dhe mendësinë për zhvillim. Faktet sot janë që edhe elitat e këtij vendi, që është vështirë ti quash kështu, të adresosh faktet dhe të mos lësh Shqipërinë në tranzicion së paku i takon elitave të tejngopura që financojnë që të gënjehet rëndë. Kjo konventë duhet miratuar por realiteti nga fasada është shumë larg?,  u shpreh Duma./E.S-CNA.al





Lajmet e fundit nga