web counter
LEXO PA REKLAMA!

SHKARKO APP

App Store
Google Play

Pse nuk arrestohet Stela Gugallja e Mirel Mërtirit në Vjenë?

14 Tetor 2022, 18:13, Editorial REDAKSIONALE

Pse nuk arrestohet Stela Gugallja e Mirel Mërtirit në Vjenë?

Stela Gugallja bashkëjetuesja e Mirel Mërtirit, nëna e fëmijëve të tij, rezulton e shpallur në kërkim ndërkombëtar nga Struktura e Posaçme Antikorrupsion, që në janar të vitit 2022.

Gugallja është shpallur në kërkim në lidhje me hetimet për inceneratorin e Elbasanit, në cilësinë e ortakut të vetëm dhe administratorit të shoqërisë “Albtek Energy” sh.p.k.

Janë bërë 10 muaj nga koha që Gugallja është shpallur në kërkim ndërkombëtar, dhe ende nga SPAK-u që trumbeton se po kryen hetime të mëdha nuk ka asnjë lëvizje.

Është bërë publik tashmë fakti që Stela Gugallja, e kërkuara e SPAK-ut për aferën e inceneratorëve, fshihet në kryeqytetin e Austrisë, në Vjenë.

Por, ajo çfarë është më e çuditshme dhe që mund të quhet skandal, është heshtja e mosreagimi i SPAK-ut, i cili po heton aferën më të madhe korruptive që ka ndodhur në Shqipëri ndonjëherë.

Nga njëra anë flasin për rezultate dhe nga ana tjetër ngrenë dyshime se po e sfumojnë dosjen e korrupsionit me inceneratorët, duke mos bërë asnjë hap për të prangosur të kërkuarit siç është Stela Gugallja.

Pse nuk arrestohet Stela Gugallja e Mirel Mërtirit në Vjenë?

Për më tepër që vendndodhja e saj është publike. Kjo është përgjegjësi e drejtpërdrejtë e kreut të SPAK-ut, Arben Kraja, që mbyll sytë dhe fle para Stela Gugalles.

Deri pak kohë më parë, SPAK-u qartësonte rolin e Stela Gugalles në aferën korruptive të inceneratorëve, ndërsa sot hesht, duke kapërdirë dhe ato të dhëna dhe fakte që kanë dalë nga prokurorrët e SPAK-ut.

Roli i Stela Gugalles, sipas SPAK-ut

Pse nuk arrestohet Stela Gugallja e Mirel Mërtirit në Vjenë?

Sipas SPAK-ut, Stela Gugallja dhe Klodian Zoto, si pronarë të 2 kompanive, kanë përdorur një skemë fiktive të kryerjes së pagesave, të realizuar nëpërmjet dy shoqërive tregtare respektive, për të mbuluar dhe për të fshehur natyrën e vërtetë të origjinës së paligjshme të shumave monetare, natyrën e vërtetë të transferimit dhe të zhvendosjes së tyre, të cilat në të vërtetë përbëjnë “përftim të parregullt”, si rrjedhim edhe produkt të veprës penale të korrupsionit.

Pse nuk arrestohet Stela Gugallja e Mirel Mërtirit në Vjenë?

Lefter Koka, i vetmi i arrestuar aktualisht, sipas SPAK-ut, ka marrë përfitimet e parregullta monetare, në mënyrë të tërthortë, nëpërmjet krijimit të një skeme fiktive për kryerjen e punimeve në shoqërinë koncensionare, duke përdorur disa shoqëri tregtare të tjera të kontrolluara në mënyrë të tërthortë prej tij, të kontrolluara prej personave familjarë të tij, si dhe të kontrolluara prej subjekteve tregtare në zotërim të tij.

Marrja e përfitimeve është realizuar nëpërmjet skemës fiktive të kryerjes së punimeve dhe të kryerjes së pagesave, për të mbuluar dhe për të fshehur natyrën e vërtetë të origjinës së paligjshme të shumave monetare, natyrën e vërtetë të transferimit dhe të zhvendosjes së tyre, të cilat në të vërtetë përbëjnë “përftim të parregullt”, si rrjedhim edhe produkt të veprës penale të korrupsionit./ CNA.al





Lajmet e fundit nga