web counter
LEXO PA REKLAMA!

SHKARKO APP

App Store
Google Play

E fundit!

x

Ligji, morali i Ramës dhe i Irfan Hysenbelliut

2 Dhjetor 2022, 14:31, Editorial CNA

Ligji, morali i Ramës dhe i Irfan Hysenbelliut

Opozita shqiptare ka marrë një pozicion në mbështetje të Irfan Hysenbelliut, njeriut që pasi i është hequr leja për një ndërtim të kryer në shkelje të ligjit, i prishet objekti.

Mediat e tij u janë vërsulur gjykatave a thua se të gjithë kanë hallin e Irfanit.

Ekranin e ka kthyer në vegël të bizneseve të tij, por opozita po i shërben 24 orë në deklarata për mediat.

 

Ligji, morali i Ramës dhe i Irfan Hysenbelliut
Sot në Gjykatën Administrative, Durrës

 

Në fakt nuk mund t’i tregojmë rrugën e drejtë opozitës se ajo e di vetë, por të gjithë duhet të kuptojnë një gjë, që shqiptarët nuk kanë hallin e Irfanit dhe hallet e tyre janë shumë më të mëdha se ato të Irfanit dhe hotelit të tij që i ka shërbyer kryeminstrit, ministrave të tij dhe deputetëve, ndërsa tani po prishet për shkak të ligjit, me apo pa argumentet e Irfanit me apo pa argumentet e qeverisë dhe Ramës.

Ajo që duhet theksuar është se opozita po luan në një tezë, Edi Rama nuk njeh as ligj as moral, këtë e tha sot doktori, këtë e ka thënë Iliri e shumë deputetë.

Po e marrim si të mirëqenë qëndrimin e opozitës, e cila në fakt në 24 orët e fundit ka qarë më shumë hallin e Irfanit sesa hallin e shqiptarëve. A thua shqiptarët janë Irfani.

Në fakt, 95% e shqiptarëve nuk kanë as pasuri as nuk kanë ndërtuar pa leje, as nuk kanë televizione, as hotele, as biznese, e të gjithë shumica paguajnë taksa.

Ata që nuk i paguajnë, i bllokohen llogaritë, jo si ato të Irfanit që rrinin të lira edhe pa paguar detyrimet në tatime e dogana.

Por, le ta marrim të mirëqenë atë që thotë opozita që Edi Rama nuk njeh as moral as ligj, po Irfani çfarë njeh? Se disa i përmendëm më lart.

Është ligjore të ndërtosh pa leje, të marrësh apo të devijosh lejen kur e ke në një sipërfaqe të caktuar, ta dyfishosh atë?

A është morale dhe ligjore të rrëmbesh detin, t’i hysh dallgës brenda, t’i hysh rërës brenda, bregut të detit ku lahen njerëzit, të vendosësh betone, mos të kalojnë qytetarët e thjeshtë, sepse aty duhet të rrijë Irfani i izoluar, mos t’i rrinë përpara se i prishin punë.

Ligji, morali i Ramës dhe i Irfan Hysenbelliut

Ligji, morali i Ramës dhe i Irfan Hysenbelliut

A është ligjore dhe morale mos të paguash taksat?

Cili është morali, cila është ligjorja që të bësh evazion fiskal?

Cila është moralja që të ndërtosh kate pa leje në mes të Tiranës dhe më pas t’i legalizosh, cila është ligjorja dhe moralja që t’u vonosh rrogat gazetarëve, cila është moralja që heshtte Irfani kur sulmoheshin mediat e tjera dhe shikonte punën dhe hallet e veta, si të zgjidhte pazaret me Edi Ramën dhe marrëveshjet me qeverinë, si të fitonte sa më shumë nga dashuria me kryeministrin, apo me ndonjë tjetër deputet dhe udhëheqës të Partisë Socialiste?

Cila është moralja dhe ligjorja e Irfanit që heshti për inceneratorët dhe duke firmosur kontrata që nuk do të flasë kundër tyre mori qindra mijëra euro?

Ligji, morali i Ramës dhe i Irfan Hysenbelliut

Cila është moralja dhe ligjorja e Irfanit që nuk flet për aferat korruptive dhe skandalet e qeverisë në 8 vite dhe tani që po i kërkojnë të paguajnë taksa, apo po i tregojnë ligjin për abuzimet e tij, na qenkërka duke u shkelur dhe dhunuar ai dhe fjala e tij e lirë.

Cila është fjala e lirë e Irfanit, cili është morali i Irfanit, cili është ligji i Irfanit?

Fjala e lirë e Irfanit nuk ka ekzistuar, pasi në 8 vite mund të japë qindra kronika që kanë qenë servilizmi ndaj qeverisë apo heshtja për probleme dhe skandale që kanë ndodhur.

Mjafton të shikoni qasjen që ka ndaj Lali Erit 24 orë në “News 24” dhe mediat e tij.

Ligji, morali i Ramës dhe i Irfan Hysenbelliut

Cili është morali që vonon pagat e gazetarëve, cili është morali, që nuk paguan taksat, cili është morali që bërtet dhe ulëret për hallin e tij, ndërsa për të tjerët hesht?

Ky është morali i Irfanit. Ligjin e ka dashur ai të jetë Maliq dhe sot që ligji po i shkon përballë dhe po i thotë këtij Maliqit të vogël se ka shkelur dhe duhet të mbaj përgjegjësi, ai bërtet, në fakt Irfani në të gjithë këtë histori nuk ka as ligj e as moral./CNA.al





Lajmet e fundit nga