web counter
LEXO PA REKLAMA!

SHKARKO APP

App Store
Google Play

E fundit!

x

Me borxhe, hetime dhe akuza/ Irfan Hysenbelliu, gati të nxjerrë televizionin e ri

26 Nëntor 2022, 15:41, Aktualitet CNA
Me borxhe, hetime dhe akuza/ Irfan Hysenbelliu, gati të nxjerrë
Foto ilustruese, Irfan Hysenbelliu

Kohët e fundit një nga emrat që u lakua shumë në media ishte ai i Irfan Hysenbelliut, pronarit të “Fokus Grupit”, gazetës “Panorama”, “News 24”, "Gazetës Shqiptare" e të tjerë.

Gjithçka u bë shumë mediatike pas një aksioni të IKMT-së, për prishjen e disa ndërtimeve, e një pishine që kishte bllokuar plazhin në Golem të Kavajës.

Me borxhe, hetime dhe akuza/ Irfan Hysenbelliu, gati të nxjerrë
Foto ilustruese

Por jo vetëm kjo. Disa kontrolle nga tatimet në lidhje me evazionin fiskal, me birra “Korçën” dhe birra “Tiranën”, krijuan një atmosferë përplasjesh midis qeverisë dhe Hysenbelliut.

Qeveria pretendonte se po zbatonte thjesht dhe vetëm ligjin, që nga pagesat e taksave, tatimeve, detyrimet në shtet të vetëdeklaruara si dhe ndërtimet pa leje dhe nga ana tjetër pronari i mediave, Irfan Hysenbelliu, i cili pretendonte që kjo vinte pas fjalës së lirë të Irfanit. Në fakt këtu kishte mjaft dyshime sepse fjala e lirë e Irfanit nuk ka qenë e tillë.

Ai ka qenë një ushtar i bindur i qeverisë gjatë qeverisë se Edi Ramës, por së fundi tentoi të përdorte këtë për të shpëtuar nga zbatimi i ligjit, të cilin e quajti një sulm politik të qeverisë ndaj fjalës së lirë.

Burime i thanë CNA.al se, Irfan Hysenbelliu tashmë do të nxjerrë sinjalin e “Panorama Tv”, e cila pritet të shfaqet  brenda mesit të muajit dhjetor.

Ky televizion është kalimi i gazetës në një ekran, një punë e filluar muaj më parë dhe e zgjatur thuajse tepër.

Drejtori i këtij televizioni dhe tashmë prej disa kohësh i parë dhe si drejtor i “Panoramës”, është gazetari miliarder Alfred Peza, i cili u kap me 1 miliard lekë pasuri dhe me aksione në një bankë të nivelit të dytë, edhe pse gjithë jetën kishte punuar gazetar.

Me borxhe, hetime dhe akuza/ Irfan Hysenbelliu, gati të nxjerrë
Foto ilustruese

 

Pas disa muajve punë, tani gjithçka duket e mbyllur. “Panorama Tv” do të ketë edhe një emër tjetër të njohur. Ai do të jetë Arjan Çani, i cili ka mbyllur një kontratë me Irfan Hysenbelliun, por gjithashtu mendohet se në këtë televizion kryeredaktor do të jetë Andi Tela, i cili aktualisht është duke drejtuar ende "Abc News", televizion i cili tashmë ka rënë në duart, sipas raportimeve mediatike, e “Devolli Group”, pra Shkëlqim Devollit, por në fakt pagesat rezultojnë se janë bërë nga njerëz të tjerë, nga një biznesmen i madh në Tiranë dhe vëllai i një politikani shumë të rëndësishëm.

Televizioni pritet të shfaqet së shpejti. Prej disa kohësh ai ka nxjerrë sinjalin në frekuencat dixhitale, por pa pasur prodhim.

Ditët e fundit CNA.al ka mësuar se vajtja e Andi Telës, bashkimi me gazetarin oligark ,Alferd Peza dhe Arjan Çanin, sjell edhe shpejtimin e ngritjes së siparit të “Panorama  Tv” , një tjetër media nga Irfani, e cila pritet të ketë suksesin që ka pasur dhe ai, por do t’i mungojnë ndoshta reklamat e inceneratorëve që Irfani mori nga xhepat e takspaguesve shqiptarë për të heshtur për shumë kohë apo edhe për të mbështetur me spote aferën korruptive të shekullit./ CNA.al

 





Lajmet e fundit nga