LEXO PA REKLAMA!

SHKARKO APP

E fundit!

x

Tërmeti i 26 nëntorit të 2019/ Mesazhi i ambasadores së BE-së dhe premtimi për shqiptarët

26 Nëntor 2022, 09:20, Aktualitet CNA
Tërmeti i 26 nëntorit të 2019/ Mesazhi i ambasadores së
Ambasadorja e BE-së, Christiane Hohmann

Ambasadorja e BE-së, Christiane Hohmann, ka kujtuar sot tërmetin tragjik të 26 nëntorit të vitit 2019, ku humbën jetën 51 persona.

Hohmann përmes një mesazhi në rrjetet sociale, thotë se sot pas tri vitesh kemi një numër shkollash dhe kopshtesh të rindërtuara dhe vende historike të restauruara me ndihmën e BE-së.

Ambasadorja e BE-së thekson se do të vazhdojnë me programet e tyre kryesore “BE për kulturën” dhe “BE për shkollat”.

Mesazhin e saj e përmbyll me një premtim se BE do të vazhdojë të mbështesë Shqipërinë që të ndërtojë të ardhmen e saj në BE.

Në vitin 2019 Shqipëria u godit nga një tërmet shkatërrimtar.

Ky ishte fillimi i një përpjekjeje të paprecedentë rindërtimi edhe nga ana e Bashkimit Evropian.

Sot tre vjet më vonë shohim një numër shkollash dhe kopshtesh që janë rindërtuar, shohim vende historike që janë restauruar dhe po restaurohen tani.

Me moton tonë: “Të rindërtojmë më mirë”, tani kemi shkolla që përmbushin standartet evropiane dhe vende historike që janë rindërtuar me gjithë shkëlqimin e tyre për tu gëzuar brezat e ardhshëm.

Në do të vazhdojmë programet tona kryesore: “BE për kulturën” dhe BE për shkollat që të vazhdojmë rindërtimin. Tani dua të falenderoj edhe popullin shqiptar për rezistencën dhe forcën për ndërtimin e Shqipërisë pas tërmetit shkatërrimtar.

Jam këtu për tu bërë edhe një premtim. Bashkimi Evropian është këtu për të vazhduar t’iu mbështesë por edhe për t’iu ndihmuar të ndërtoni të ardhmen tuaj në Bashkimin Evropian”, shprehet ambasadorja Christiane Hohmann./ CNA.al

Lajmet e fundit nga