E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Foto fakt- Festa e Birrës përballë Shtëpisë së birrës/ Ku u zhvillua festa e vërtetë

24 Gusht 2022, 13:08, Aktualitet CNA

Foto fakt- Festa e Birrës përballë Shtëpisë së

Një javë më parë ditën e mërkurë startoi Festa e Birrës në Korçë.

Pesë netë të paharrueshme që i dhuruan mijëra qytetarëve pjesëmarrës, magji dhe emocion. Mijëra turistë vendas e të huaj zgjodhën të shkonin në Korçë për të shijuar “Festën e Birrës” e cila ishte më madhështorja në këto 16 vite.

Festa e Birrës pavarësisht se ishte në vende të ndyshme në çdo orar ishte plot me qytetarë që zgjidhnin të shijonin birra nga më të ndryshmet.

Foto fakt- Festa e Birrës përballë Shtëpisë së

Sot sërish Ifran Hysenbelliu ka vazhduar propagandën e tij negative kundër Festës së Birrës në Korçë, pas përfundimit të saj.

Një event historik ku CNA.al tregoi me foto dhe me video së gënjeshtrat e Irfanit të bëra dje në televizionin e tij News 24 , më pas në Ballkanweb e sot te gazeta Panorama thjesht dhe vetëm tregonin sa intaçor ishte njeriu i cili nuk po mbante dot ngarkesën pasi dështoi të sabotonte këtë festë.

Foto fakt- Festa e Birrës përballë Shtëpisë së

Renditi disa gënjeshtra, tha se festa kishte dështuar, nuk kishte shkëlqim pa birra Korçën. Pasi i sollëm argumente se birra Korça ishte atje, ishte te Panda na tha se festa e Birrës nuk kishte pjesëmarrje, ja treguam me foto me video. Festa e Birrës në Korçë nuk është birra Korça se nuk ka qejf Ifrani të shkojë. Tha se Bashkia kishte thirrur këngëtarë grekë e serbë dhe nuk kishte ftuar birra Korçën.

Në fakt birra Korça ishte ftuar, por Irfani e kishte anulluar 48 orë më parë.

Në Festën e Birrës nuk kishte vetëm këngëtarë grekë, ishte një simbol si këngëtari Kostandinos Argiros, por ishin me dhjetëra të tjerë. Nuk e dimë të jetë serbe apo greke Aurela Gaçe, apo të mos jetë korçare Anxhela Peristeri apo Eugent Bushpepaj e shumë të tjerë të cilët ndezën për pesë netë Festën e Birrës në Korçë.

Foto fakt- Festa e Birrës përballë Shtëpisë së

Sot gazeta Panorama ka nxjerrë disa foto duke thënë se ishin tavolinat bosh tek Festa e Birrës në qendër të qytetit. Në fakt Festa e Birrës nuk u bë asnjë ditë në qendër të qytetit të Korçës. Ajo ishte tek terminali, tek Pazari dhe kudo në ambientet e tjera të qytetit, përfshirë këtu edhe vetë fabrikën e birra Korçës, atë që e quajnë “Shtëpia e birrës” dhe është përpjekur të tregojë se shtëpia e birrës ka qenë plot dhe ka qenë një festë e vërtetë.

Sot një javë më pas nga dita e parë e Festës, “Shtëpia e birrës” ose siç njihet ndryshe “Panda e madhe”, duhet të ishte plote e përplot, por rezultoi e kundërta pasi nuk ka këmbë njeriu.

Meqenëse kishte reaguar media e Irfan Hysenbelliut ne sot, rreth orës 13:20 koha e drekës ku mund të pihet një birrë e ftohtë dërguam fotografin e CNA.al tek shtëpia e birrës pra tek Panda siç i thonë korçarët, për tju treguar shqiptarëve dhe korçarëve të vërtetën a ka apo s’ka njerëz tek kjo shtëpia e birrës së Irfanit dhe si është e vërteta a vazhdon ndonjë Festë Birre ditë pas dite atje apo s’ka këmbë njeriu.

Fotot e bëra sot në mesditë tregojnë që ambienti është bosh. Ndoshta njerëzit shkojnë mbasdite, shkojnë në darkë sepse tani është nxehtë duhet më shumë freski. Me këto nuk duam të tregojmë se birra Korça nuk bën, nuk pihet dhe nuk ka klientelë. Kurrësesi nuk mund ta themi këtë sepse është birra e qytetit, është brandi i qytetit nuk është brandi i Irfanit.

Por, mund të gjesh një moment me ca tavolina bosh para se të fillojë festa ashtusikundërf mund të shkosh në orën 13:00 që mund të jetë një orar i përshtatshëm dhe të mos gjesh njeri lart tek Panda.

Foto fakt- Festa e Birrës përballë Shtëpisë së

Kjo është e vërteta e Irfan Hysenbelliut, megallomanit mediatik që personalizoi Festën e Birrës në Korçë, që dështoi ta shkatërronte atë dhe tani po sulmon Festën e Birrës pasi ajo ka përfunduar.

Këtë mund ta bëjë vetëm Irfan Hysenbelliu dhe ata që mban nga pas, të cilët, mirë do të ishte ta këshillonin dhe ta frenonin paksa sepse ashtu siç kemi raportuar në shkrimet e tjera po duket si personazhi i Nuri Beut tek filmi “Koncert në vitin 1936” .

Por, thonë që Nuri Beu ka qenë një goxha burrë i nderuar edhe pse është përdorur si personazh. I tillë duket sot Irfan, paska një real në vitin 2022./CNA.al