Një leksion nga “Festa e Birrës” dhe një falënderim për Irfan Hysenbelliun

22 Gusht 2022, 13:38, Opinione Elvi FUNDO

Një leksion nga “Festa e Birrës” dhe një

Foto ilustruese

Në Korçë për 5 netë, gjatë gjithë javës së shkuar u zhvillua "Festa e Birrës".

"Festa e Birrës" në Korçë, një event që zhvillohet prej 16 vitesh, por këtë herë duket se ishte më spektakolari dhe më madhëshori se kurrë më parë.

Këtë e tregojnë disa fakte:

Së pari, të gjitha hotelet kanë qenë plot e përplot. As me mik nuk gjej dot një dhomë të vetme për të fjetur në fundjavën e kalur në Korçë nga e premtja në vazhdim.

Së dyti, jo vetëm të "Festa e Birrës", por në të gjitha lokalet te "Pazari i Ri", te zona e restoranteve në Boboshticë, te restorantet në qytet e në shumë zona të tjera përreth, përfshirë këtu deri në Prespë, Voskopojë apo Pogradec, të gjitha lokalet e shërbimit kanë qenë plot e përplot. Pra, një efekt jo vetëm në qytet, por dhe në zonat përreth.

Një leksion nga “Festa e Birrës” dhe një

Për t'u kuptuar se sa i madh ishte 'lumi' që u derdh me njerëz në qytet, tregonte se netëve të festës nëpër qytet nuk gjeje dot vendparkim.

Mjafton të pyesësh baret, restorantet, hoteleritë, pikat e karburanteve dhe këdo tjetër, ka qenë një javë spektakolare turizmi dhe shërbimesh në Korçë dhe këtë pa asnjë diskutim që e bëri "Festa e Birrës" dhe të gjithë thonë, se ka qenë java me më shumë shërbim dhe me më shumë të ardhura gjatë gjithë këtij viti, por dhe ndoshta nga më historiket e ndodhura në vitet e fundit.

Një leksion nga “Festa e Birrës” dhe një

Që "Festa e Birrës" ishte më e madhe se kurrë më parë kjo s’ka asnjë diskutim.

E tregojnë shifrat e njerëzve që kanë hyrë nga pika doganore e Kapshticës dhe daljet e ditës së sotme, pas mbarimit të "Festës së Birrës", pra largimi dhe kthimi i emigrantëve në vendet e tyre.

Një leksion

Për ata që e njihnin si "Festa e Birra Korçës", e mësuan këtë herë përfundimisht se është një Festë Birre në Korçë, dhe jo një brand, janë shumë brande edhe ndërkombëtare erdhën dhe zbukuruan "Festën e Birrës" në Korçë. Ku për herë të parë mungoi arroganca e një kompanie që bënte komandantin e personalizonte festën e të gjithëve.

Ata që donin të shijonin birrën e qytetit, shkuan te Panda apo te lokale të tjera dhe kjo ndodhi për shkak të një kapriçoje apo inati personal të Irfan Hysenbelliut, i cili urdhëroi që birra "Korça" të mos merrte pjesë në "Festën e Birrës", megjithëse më parë kishte prenotuar stendat e tij. E për karshillëk, shkoi dhe tentoi të na bënte "festë birre" në Librazhd.

Nuk është keq të bësh festë birre dhe në Librazhd se nuk ka ndonjë gjë të keqe, por kurrsesi Korça nuk mund të pranonte që "Festa e Birrës" të dështonte se kishte qejf Irfani. Dhe përkundrazi, dha një përgjigje spektakolare, vërshuan më shumë njerëz se kurrë, jo vetëm korçarë, por dhe turistë, qytetarë nga e gjithë Shqipëria dhe emigrantë të ardhur nga vendet fqinje.

Ky është një leksion që dha Korça, sepse kur dikush tenton ta prishë atë festë që ka një traditë 16-vjeçare, qytetarët reagojnë, shkon apo nuk shkon një kompani birre.

"Festa e Birrës" tashmë ka një emër, është "Festa e Birrës në Korçë". Dikush që abuzoi kaq gjatë duke thënë se ishte festa e birrçs Korça tashmë e ka humbur bastin me të vërtetën, pasi tentoi të ndërtonte një gënjeshtër.

Faleminderit IRFAN!

Por vetë me dorën e vet, Irfan Hysenbelliu duke mos marrë pjesë në "Festën e Birrës", i riktheu dinjitetin në emër, siç i takonte, "Festa e Birrës në Korçë", jo atë që ndodhte gjithmonë, uzurpimin dhe grabitjen e emrit, ku nuk përmendeshin kompanitë e tjera, që ofronin të njëjtin shërbim, por ndoshta qenë dhe në një garë cilësie.

Pra, këtu është rasti, për ta falënderuar Irfan Hysenbelliun që nuk mori pjesë në "Festën e Birrës" në Korçë, sepse të paktën të gjithë e mësuan që është "Festa e Birrës në Korçë", organizuar nga bashkia e këtij qyteti, jo nga një individ, jo nga një kompani e vetme private, por është një event madhështor, i një institucioni, i një qyteti që do të zhvillohet edhe kur nuk i pëlqen Irfanit, edhe kur nuk i pëlqen ndonjë kompanie tjetër birre që të mos marrë pjesë.

Një leksion nga “Festa e Birrës” dhe një

FESTA NUK NDALET

I pëlqen apo nuk i pëlqen, për politikë apo për kapriço personale të dikujt, "Festa e Birrës" në Korçë do të zhvillohet sepse është festa e qytetarëve dhe bëhet për t'i shërbyer turizmit në qytet, vlerave që përfaqëson Korça, për t'i shërbyer biznesit dhe ekonomisë së qytetit.

Nuk bëhet as që të mbushë xhepat njëri apo t'i zbrasë tjetri. As se ka qef njëri të marrë pjesë apo një tjetër që nuk ka qejf të marrë pjesë.

Një leksion nga “Festa e Birrës” dhe një

"Festa e Birrës" na dha një leksion qytetarie, tregoi se si të jepet përgjigjja kur tenton t'i shkatërrosh festën një qyteti.

"Festa e Birrës" në Korçë gjithashtu tashmë e ka emrin më të pastër, më të plotë, më të vërtetë dhe më qytetar se kurrë. Nuk është e një individi, nuk është e një brandi, por është festa e qytetarëve./CNA.al