E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Pas ngjarjes së Gramshit me rusët/ Kiko shpall veten "non grata"

21 Gusht 2022, 11:46, Opinione Lutfi Dervishi

Pas ngjarjes së Gramshit me rusët/ Kiko shpall veten "non

I trembur sa asnjë herë tjetër pas ngjarjes në Gramsh me 3 spiunë rusë që kërkonin të fotografonin uzinën e prodhimit të fishekëve, Kiko vendosi të shpallë veten "non grata" në disa zona të Shqipërisë.

Kurrë nuk do të shkel në Gramsh, në Poliçan dhe as te Bunkart1.

(Në Bunk’Art 1 është ekspozuar plani i bunkerizimit të Shqipërisë). Këtë vendim Kiko e mori pas një reflektimi të thellë për ngjarjen e Gramshit. Çfarë sekreti ka në uzinën që nuk punon prej 20 vjetësh në Gramsh?

Çfarë misteri përmban “Objekti 85” i ushtrisë?

OSHE i ka prerë dritat këtij objekti se nuk ka paguar energji. Bashkia e Gramshit ka dhënë 30 kontrata përdorimi për objeket aty, 27 banimi dhe 3 biznese.

Objekti 85 që rrezikon të kthehet në përplasje të madhe mes Rusisë dhe Shqipërisë. “Përplasja për 4 nëndeteset në bazën e Pashalimanit në vitin 1961 është si teatër kukullash para kësaj të Objektit 85”.

Çfarë sekretesh ka këtu, kur hapësirën ajrore nga Shkumbini e poshtë e ruan aviacioni grek dhe nga Shkumbini e lart e ruan aviacioni italian?!

Hapësirën detare e ruan Guardia di Finanza. Çfarë sekretesh ka kur me "Open Ballkan", ku serbët dhe rusët me pasaporta serbe do të vijën pa kontroll dhe pa u regjistruar fare?

E megjithatë konkludoi majmuni Kiko, politika nuk është për mua. Sa të marrin përgjigje këto pyetje, në prapanicë zbuluarit e hamë të parët.

Për siguri Kiko ç’instaloi aplikacionin "Google Earth" se me anë të tij sheh edhe oborret e shtëpive të njerëzve dhe jo më objektet e mëdha si “objekti 85”.

Kur mësoi se si provë policia ka sekuestruar fotot e objekteve të vjetra të rusëve, Kiko mbylli llogarinë e hapur në "Instagram" dhe nisi fshirjen e fotove që kishte koleksionuar nga Shqipëria.

Lista e fotove të fshira.
1. Superfosfati i Laçit.
2. Azotiku i Fierit.
3. Kombinati Metalurgjik çeliku i Partisë.
4. Fabrika e Gozhde - Bullonave Kavajë.
5. Fabrika e Sapunit - Rrogozhinë.
6. Fabrika e Plastmasit - Lushnjë.
7. Fabrika e Sodës- Vlorë.
8. Trikotazhi - Berat.
9. Fabrika e Komposto- Reçelit- Peshkopi.
10. Kantina e Rakisë - Klos
11. Fabrika Qilimave- Krujë.
12. Fabrika Sixhadeve- Kukës
13. Fabrika e çadrave- Gjirokastër
14.Fabrika e telave - Shkodër
15. Uzina Radio- TV- Durrës.
16.Rafineria e naftës- Ballsh.
17. Shkolla e Qenve të policisë- Tiranë.
18. Shkola e Partisë- Tiranë.
19. Shkolla e vagabondave- Tiranë.
20.Uzina e mjeteve të precizionit të lartë- Korçë.
21. Nëndetëses 105- Pashaliman.
22. Shtëpia me gjethe- Tiranë.
23.Benzi i shokut Enver- Kinostudio
24. Parrullën Enver mbi Shpirag.
25.Muzeu ateist- Shkodër
26. Presidencën - ndërtuar nga rusët për ambasadë sovjetike.
27. Ministria Punëve të Jashtme- ndërtuar nga kinezët për specialistët kinezë.
28. Institutin e misrit dhe orizit, - Shkodër.
29.Tunelet e Gjergj Lucës- Labinot
30.Sarajet e Zogut- Burgajet, Mat.
31. Kasollja e Galigatit.

Pasi fshiu fotot e vjetra, majmuni Kiko u ndie i kënaqur dhe fërkoi barku, ritual që e bënte sa herë kafshonte bana-king. Por befas nisi të kruante kokën. Po sikur të më akuzojnë se kam fotografuar edhe investimet strategjike në Shqipëri?

P.sh. foto të projektit Yacht and Marina-Durrës?

I frymëzuar nga filmat e Kinostudios ku militantët hanin traktet për të mos u kompromentuar tek armiku, Kiko mori vendimin heroik dhe vetëmohues që të gëlltiste kartën e memories së aparatit për të zhdukur çdo gjurmë dhe mundësi rikuperimi laboratorik.