LEXO PA REKLAMA!

SHKARKO APP

E fundit!

x

Si e “grabiti” Irfan Hysenbelliu konviktin e Gjuhëve të Huaja

18 Gusht 2022, 11:52, Denoncim CNA

Si e “grabiti” Irfan Hysenbelliu konviktin e Gjuhëve të

Një godinë në oborrin e Fakultetit të Histori-Filologjisë, përballë shkollës së Gjuhëve të Huaja.

Një objekt, i cili ka një histori të gjatë ku mund të thuhet totalisht korrupsioni dhe nga një objekt në shërbim të publikut kaloi në duart e një universiteti privat, atij “Luarasi”, pasi këtë të fundit e kishte blerë Irfan Hysenbelliu.

Pra, kishte blerë aksionet e universitetit, jo godinën. Godinën e ka marrë me qira nga shteti.

Ka një histori që fillon diku në vitin 2012, një vit pasi Lulzim Basha bëhet kryetar i Bashkisë së Tiranës. Është ai personi që i ka dhënë Irfanit këtë objekt në fillim. I vuri çelsin më parë, lidhi një kontratë, objekti u shpall i shkatërruar, e kërkuan studentët, e kërkoi rektorati, por s’ e mori askush.

Si e “grabiti” Irfan Hysenbelliu konviktin e Gjuhëve të
Lulzim Basha dhe Irfan Hysenbelliu

Në fakt u lidh një kontratë nga Bashkia Tiranë që e pezulloi qeveria Berisha, të cilën më pas qeveria Rama në vitin 2013 do ta anulonte pasi e quajti korruptive kontratën e dhënë me qira nga Basha.

Vetë qeveria e PD-së e quajti problematike në atë kohë kontratën, kur filloi procedura e dhënies me qira pasi një grup nga antikorrupsioni i kryeministrisë në atë kohë me kryeministër Berishën, gjeti shkelje proceduariale, pikërisht në Bashkinë e Tiranës, e cila administronte objektin.

Me ardhjen e Rilindjes në pushtet, objekti iu hoq Bashkisë së Tiranës e iu kalua Ministrisë së Mirëqenies Sociale e pastaj të Arsimit, u shpall qendra Albanologjike, por të gjitha këto janë thjesht dhe vetëm histori.

Si e “grabiti” Irfan Hysenbelliu konviktin e Gjuhëve të
Konvikti i gjuhëve të huaja

Janë kronikë e ngjarjeve të kohës, janë thjesht nje retrospektivë sepse sot ajo pronë publike në mes të Tiranës me një vlerë disa miliona euro është kthyer në godinën e një universiteti privat.

Dikush thotë se ajo ishte një godinë që po rrënohej, patjetër mund të ishte një objekt i lënë pas dore, por shteti e merr dhe investon. Mjafton t’ia jepte universitetit publik. Si mund të ndodhë që çdo universitet privat shkon edhe merr godinat e studentëve?

Në Shqipëri janë disa dhjetëra universitete private, atëherë mund të merrnin të gjitha nga një godinë në Qytetin Studenti dhe kështu do të ishim në rregull. Universitetet publike dhe konvikteve të ndërtuara për studentët t’u vendosej çelsi, t’i merrnin privatët dhe kjo punë mbaronte.

Së pari objekti ka kaluar nëpërmjet një procedure krejtësisht klienteliste dhe korruptive. Kujtojmë këtu se në atë kohë Irfan Hysenbelliu, i cili është edhe aksioner i Universitetit “Luarasi”, çdo ditë jepte kronika në lidhje me këtë godinë dhe gjendjen e saj.

Si e “grabiti” Irfan Hysenbelliu konviktin e Gjuhëve të

Më pas ia dha Lulzim Basha, qeveria e Berishës e frenoi, vijnë socialistët e kthejnë në qendër albanologjike, hiqet prapë. 

Irfani shkruan, sulmon, televizionin e kthen në marionetë kundër strukturave shtetërore dhe në fund objekti, pronë publike e konvikt i shkollës së Gjuhëve të Huaja përfundon në godinën e një universiteti privat, për të cilin, për t’u shkolluar duhet të paguash qimet e kokës.

Pra, një godinë publike e ndërtuar me taksat e qytetarëve, merret e përdoret nga privati që të fitojë qindra mijëra euro në vit me një universitet.

Dhënia me qira e asaj godine për një universitet privat ka edhe një skandal tjetër nga brenda, një prishje të qartë të konkurrencës.

Përveç faktit se i është rrëmbyer publikut dhe është një kontratë skandaloze me një procedurë krejtësisht korruptive ka edhe një prishje të konkurrencës në treg.

Universitetet private shkojnë dhe ndërtojnë objekte private ose marrin godina, investojnë, paguajnë, kurse Irfan Hysenbelliu e mori godinën gati.

Një rikonstruksion të thjeshtë, një qira qesharake për atë objekt në mes të Tiranës dhe godina është aty në shërbim të bizneseve të tij.

CNA.al në ditët në vijim do të sjellë dokumentet dhe një histori të plotë të këtij skandali, se si ndodhi, se si të gjitha qeveritë duke filluar që me Lulzim Bashën kryetar bashkie, qeverinë e Berishës e më pas Ramën ranë viktimat e presionit dhe shantazhit./CNA.al

Lajmet e fundit nga