LEXO PA REKLAMA!

SHKARKO APP

App Store
Google Play

E pabesueshme me "Wizz Air"/ Niset për Nicë: Ndalojmë njëherë andej nga Bolonja!

17 Gusht 2022, 10:49, Denoncim CNA

E pabesueshme me "Wizz Air"/ Niset për Nicë: Ndalojmë

Duket qesharake në kufijtë e të pabesueshmes, por një kompani ajrore si "Wizz Air" mund ta bëjë edhe këtë.

Dhe ka ndodhur pikërisht dje në Rinas.

Linja e fluturimit, e cila shkonte në Nicë të Francës, si gjithmonë apo në shumicën e rasteve edhe për shkak të sezonit turistik të fluturimeve low cost, ku përfshihet edhe "Wizz Air", kishte vonesa.

Avioni do të nisej me rreth një orë e gjysmë vonesë.

Kur ishte plot, piloti njoftoi, “megjithëse jemi pak me vonesë dhe jemi për në Nicë për shkak të një problemi teknik do të ndalojmë pak në Bergamo”.

Nga fotoja që ka siguruar CNA.al avioni duket që është plot, ndërkohë qesharakja është se për shkak të një problemi teknik duhet të ndalonin në Bolonja.

E pabesueshme me "Wizz Air"/ Niset për Nicë: Ndalojmë

A mund të ngrihet avioni në fluturim me një problem teknik lind pyetja?

E dyta çfarë do të bëjë në Bolonja?

Do të zbriste disa pasagjerë që i kishte marrë nga Rinasi për në Bolonja dhe pastaj që atje do të nisej për në Nicë?

Ku janë parë e dëgjuar çudira të tilla?

Që nisemi në një drejtim dhe hajde se po dalim shëtitje po rrimë, pak kohë, po bëjmë një zbritje në një destinacion tjetër.

Kjo ka ndodhur dje me "Wizz Air", që është përballur me një reagim të ashpër të pasagjerëve.

Disa prej tyre kanë zbritur nuk kanë pranuar që të vazhdojnë fluturimin me këtë kompani, e cila herë pas here prodhon lajme deri në kufijtë e të pabesueshmes, siç ka qenë ai i djeshmi për t’u nisur në një destinacion, por për shkak të një defekti teknik, do të ulej diku tjetër.

Dhe gjithçka ka ndodhur pa u ngritur në fluturim, sepse që një avion të bëjë një ulje emergjence, pasi ka një problematikë të caktuar kjo ka ndodhur shpesh.

Por, duke qenë në pistë pa u ngritur në fluturim të deklarosh që ke defekt e do të ulesh diku tjetër dhe kjo në fakt është thuajse në kufijtë e të pabesueshmes dhe e paprodhuar si lajm më parë nga "Wizz Air"./CNA.al

Lajmet e fundit nga