LEXO PA REKLAMA!

SHKARKO APP

E fundit!

x

Pagesat e Rilindjes për deputetin e Lulzim Bashës

15 Gusht 2022, 14:31, Denoncim CNA

Pagesat e Rilindjes për deputetin e Lulzim Bashës

Lefter Gështenja, deputeti i Lulzim Bashës me kompaninë “Civil Cons”, të themeluar para katër vitesh, ka marrë 35 tendera, nga institucione shtetërore me vlerë mbi 1 miliard lekë.

Aktualisht “Civil Cons” rezulton në duar të personave të tretë, pasi fillimisht Gështenja dhe ortaku i tij ua dhuruan bashkëshorteve dhe më pas e shiten, dyshimet janë në mënyrë fiktive, te persona të tretë për 100 000 lekë të vjetër.

Një ditë më parë, CNA.al publikoi tenderat që Gështenja ka marrë nga Fondi Shqiptar i Zhvillimit, ndërsa sot do të sjellë të tjerë tendera që deputeti i Bashës ka marrë nga Rilindja.

“Civil Cons”, në periudha të ndryshme kohore ka marrë 7 tendera nga pushteti vendor.  

Pagesat e Rilindjes për deputetin e Lulzim Bashës

Një tender, nga Bashkia e Poliçanit, dy tendera nga Bashkia e Kamzës, dy tendera nga Bashkia e Durrësit dhe dy tendera nga Bashkia e Vlorës.

Jo pak miliona Gështenja ka marrë nëpërmjet tre tenderave nga spitali i Traumës.

Pagesat e Rilindjes për deputetin e Lulzim Bashës

Pra, Rilindja i ka dhënë miliona euro, Lefter Gështenjës nëpërmjet pushtetit vendor dhe jo vetëm.

Nëpërmjet bashkive të cilat Lulzim Basha ia dhuroi kryeministrit Edi Rama në vitin 2019, pasi kishte djegur mandatet.

Lefter Gështenja ka marrë tendera nga institucione të ndryshme që në total kapin vlerën e mbi 1 miliard lekëve.

Pasi ka marrë disa prej këtyre pagesave, dyshohet se Gështenja e ka shitur fiktivisht “Civil Cons” me qëllim që të fshihte gjurmët pasi Basha do ta bënte deputet.

Gështenja-Kostenja u bë deputet, kompaninë “Civil Cons”, nuk e deklaron në pasurinë fillestare, ndërsa deklaron trashëgiminë, vitet kur e ka fituar, apartamentet, vitet kur i ka blerë, po kështu llogaritë bankare dhe makinat.

As në deklaratën e bashkëshortes, Sadete Gështenja, nuk figuron “Civil Cons” që ia kishte dhuruar bashkëshorti, pasi kishte marrë dhjetëra tendera nga Rilindja.

CNA.al do të sjellë ditët në vijim edhe tendera të marrë nga institucione të tjera si Ministri apo Drejtori ku vetë zoti Gështenja ka punuar më herët./CNA.al

Lajmet e fundit nga