web counter
LEXO PA REKLAMA!

SHKARKO APP

App Store
Google Play

E fundit!

x

Morën 3 kredi në kohë COVID-i/ Inceneratorët, Brisida Shehaj denoncon fakte të reja

16 Gusht 2022, 12:34, Denoncim CNA

Morën 3 kredi në kohë COVID-i/ Inceneratorët, Brisida Shehaj

Koordinatorja Kombëtare e Luftës kundër Korrupsionit në Partinë e Lirisë, Shehaj, në një konferencë për shtyp ka deklaruar se kompanitë e përfshira tek inceneratorët kanë marrë 3 kredi me pretekstin për pagat e punonjësve në kohë COVID-i.

Me tej ajo ka nënvizuar disa nga abuzimet me inceneratorët.

“Bëhet fjalë për 3 komponentë, kredimarrja e para. Nisim me kredinë e parë. Në 15 nëntor të 2016-ës, kompania pasi ka firmosur kontratën merr kredi në vlerën 2.2 mld dollarë. Ajo që e bën edhe më të rëndë faktin, është se dorëzani për këtë kredi, dorëzani është dhe kompania 'Albtec'. Është e qartë se si këto kompani janë palë të lidhura dhe në këto kontrata vazhdon njësoj. Barra bie te shqiptarët. Kontratë kredie tjetër. Në vitin 2020 ku kanë marrë kredi duke u bazuar te VKM për COVID-in, për pagat e punonjësve. Në shtator 2020 kompania vendos të përfitojë sërish nga riskedulimi për paratë nga COVID-i. Përfitojnë nga urdhri i kryeministrit dhe i guvernatorit të BSH. Pika tre është miratimi për marrjen e një kredie në shumën 3 mln dollarë me afat 3-vjeçar për rimëkëmbjen e aktivitetit”, tha Shehaj./CNA.al





Lajmet e fundit nga