LEXO PA REKLAMA!

SHKARKO APP

E fundit!

x

30 milionë euro për pronarët e inceneratorëve/ PD kërkon llogari për kontratën korruptive

17 Gusht 2022, 11:42, Denoncim CNA

30 milionë euro për pronarët e inceneratorëve/ PD

Partia Demokratike ka vijuar me pyetjet e përditshme për inceneratorët.

Deputeti Luan Baçi në një dalje për mediat ka thënë se për megaaferën e shekullit, Ministria e Mjedisit firmosi kontratë 30 milionë euro për pronarët në kërkim të inceneratorit të Fierit, pa VKM dhe pa e botuar në Fletoren Zyrtare. 

Deklaratë e deputetit të Partisë Demokratike, Luan Baçi

30 milionë euro për pronarët e inceneratorëve/ PD

Një kontratë koncensionare është lidhur mes ministrisë së Mjedisit dhe kompanisë Integrated “Technology Waste Management” që në tetor 2016. Vlera e kontratës është 30 milionë euro.

Partia Demokratike, opozita dhe aktorë të ndryshëm të shoqërisë civile e kanë denoncuar pa ndërprerje atë koncension që u kthye në megaaferë. Thuajse 6 vjet më vonë ende ka shumë pyetje, por asnjë dilemë. Pronarët e inceneratorëve janë në kërkim, ndërkohë që produktet e veprës penale nuk bllokohen.

 Përgjigjet duhen kërkuar te mëkati apo korrupsioni fillestar. Që në firmosjen e kontratës mes ministrisë së Mjedisit dhe kompanisë së Klodian Zotos ka shumë gjëra që “mbajnë erë”. Kompanitë e djegies së mbetjeve, që u krijuan për ta zhdukur erën e keqe nga qytetet, bënë të kundërtën, e shtuan atë. Duke shtuar, bashkë me erën, edhe kostot të cilat llogariten në kufijtë e 500 milionë eurove.

 Sot, si çdo ditë, kemi këto pyetje të thjeshta për SPAK-un:

1.Pse nuk ka një VKM për 30 milionë eurot e inceneratorit të Fierit, apo ka nje te tille dhe mbahet i fshehur?

2.Pse kjo kontratë 30 milionë euroshe nuk është botuar fare në Fletoren Zyrtare?

3.Kush kishte tagrin që të injoronte vendimin e Fierit dhe ta ndërtonte krejt tjetërkund nga 10 vendosjet e vlerësuara nga Bashkia e Fierit?

 4.Para 3 vitesh KLSH njoftoi se ishin marrë 88% te fondit për inceneratorin e Fierit por nuk ishin investuar as 12%! Ku shkuan ato para?

 5.Pse nuk ndërpritet kontrata dhe të dërgohet për ndjekje penale? 

Këto janë pyetjet dhe secili i formulon vetë përgjigjet. Por, deveja nuk futet në thes. Thesi nuk bëhet dot llogari në offshore dhe, sado të vonojë koha, një ditë vjedhësit që e varin xhaketën te firma e Edi Ramës dhe sejmenëve të tij do të japin llogari./CNA.al

Lajmet e fundit nga