web counter
LEXO PA REKLAMA!

SHKARKO APP

App Store
Google Play

E fundit!

x

Mbi një intervistë shterpë të Arben Krajës

26 Nëntor 2022, 12:44, Aktualitet CNA
Mbi një intervistë shterpë të Arben Krajës
Foto-montazh, kreu i SPAK, Arben Kraja

Kreu i Prokurorisë Speciale pra SPAK-ut, institucionit që i ka aq shumë të mëdha pritshmëritë nga shqiptarët, dha një intervistë të tij ndryshe nga të tjerat në televizionin "Euronews". Një kanal televiz me një brand europian që në fakt në intervistën me Krajën lë shumë për të dëshiruar përtej çdo kritike apo qëndrimi të fortë që mund të ketë çdo gazetar për këtë intervistë.

Së pari dukej një intervistë me marrëveshje e parapërgatitur. Fatkeqësisht kolegia në studio nuk dinte çfarë thoshte.

Dikush mund ta kundërshtojë, por pyetjet dukeshin qartazi me tendencë, të tilla ishin përgjigjet që botoheshin në web siç është rasti i pyetjes për shtëpinë e vjedhur në Lalëz, të cilën Kraja e mohoi, por sërish në lajmin e publikuar mbahej teza e vjedhjes së shtëpisë së Krajës.

Mbi një intervistë shterpë të Arben Krajës
Arben Kraja, kreu i SPAK

Shumë media e kanë publikuar këtë lajm, gjithsesi tendenca dukej e qartë. Fokusimi ishte atje ku nuk duhej. Dhe qëndrimi ndaj Krajës për të marrë të mirat që i duhen publikut ishte mjaft i dobët. Nuk pati asnjë pyetje për inceneratorët, për një aferë 500 milionë euro, të paktën 480 milionë janë kontrata, 430 milionë është kontrata e përpunimit të mbetjeve në Sharrë dhe 50 milionë euro janë dy inceneratorët e Fierit dhe Elbasanit, prej të cilëve asnjëri nuk funksionon deri në këto momente.

Afera e shekullit quhet, një ish-ministër i arrestuar, një sekretar i përgjithshëm i arrestuar, dhe sot kazanët e djegësve, kazanët e inceneratorëve kanë dalë dhe kanë sulmuar Arben Krajën, me fjalët e tij pikërisht për këtë intervistë të dhënë një ditë më parë. Asnjë pyetje ndaj Krajës, cilat janë portalet që shantazhojnë prokurorin dhe pse nuk janë denoncuar? Sepse kjo është një vepër penale dhe kur nuk denoncon Arben Kraja dhe kur nuk denoncojnë vetë prokurorët, kush do të denoncojë, qytetarët e thjeshtë apo bizneset që u vihen gjoba 24 orë? Cilët janë gazetarët?

Ata që reaguan strukturat gjyqësore disa ditë më parë dhe nga Prokuroria nuk ka asnjë hetim, ata që vendosin gjoba dhe shantazhojnë prokurorë kush janë me emra? Pse nuk kanë filluar ndaj tyre çështje penale? Përse?

Mbi një intervistë shterpë të Arben Krajës
Arben Kraja në "Euronews"

Gazetarja ndoshta nuk ishte në ditën e saj më të mirë, por të flasësh me kreun e SPAK-ut dhe të bësh një çorbë të tillë me pyetje që atij nuk i ishin bërë kurrë.

Nuk pyetet për inceneratorët dhe nuk vendoset me shpatulla pas muri pse nuk ka çuar në drejtësi pikërisht "kazanët e djegësve", të cilët sipas Krajës shantazhojnë Prokurorët do të thotë që nuk ke bërë një intervistë thjesht dhe vetëm, ke bërë një shërbim të dirigjuar.

Dirigjenti është dikush tjetër që nga njëra anë merr fjalët sipas porosive, sipas pyetjeve të gatuara në një ekran, përgjigjet t'i tjerrin protalet e paguara nga inceneratorët për të bërë avokatinë e aferës së shekullit. Kur kjo ndodh në një brand europian vaj hallit ç’ndodh te të tjerët./ CNA.al

 





Lajmet e fundit nga