LEXO PA REKLAMA!

SHKARKO APP

Dokumentet/ Inceneratorët llogari bankare në Zvicër

20 Qershor 2022, 14:59, Denoncim CNA

Dokumentet/ Inceneratorët llogari bankare në Zvicër

CNA.al ka publikuar një dosje të plotë investigative në lidhje me koncesionin e inceneratorëve, duke treguar se si ajo që pretendohej për Tiranën, se koncesioni i është dhënë një kompanie holandeze, dalin të njëjtët persona, të cilët “fshihen” pas një rrjeti kompanish në Holandë, të cilat kanë të njëjtën adresë.

Pra, një rrjet kompanish përfaqësuese që drejtojnë dhe firmosin në bashkëpunim me Integrated Energy B.V. që më pas u bë Geogenix B.V.

Por, ndërkohë të tjera fakte dhe detaje vijojnë të dalin në dritë.

CNA.al sjell sot një document ekskluziv që tregon se kompanitë që kanë marrë koncesionin e inceneratorëve në Shqipëri, kanë transferuar para në llogari bankare në Zvicër.

Sipas dokumentit më poshtë, në 28 janar të vitit 2019, është firmosur një dokument, një deklaratë noteriale e firmosur nga dy drejtorët e kompanisë, një shtetas gjerman, Marc Richard Lappat si dhe shtetasi italian Giuseppe Ciaffaglione, ku kompania Integrated Energy B.V, autorizon hapjen e llogarive bankare dhe transferime parash në Zvicër.

Dhe autorizimi është bërë ndaj një prej bashkëpunëtorëve të Klodian Zotos dhe bashkëjetuesit të Stela Gugalles. Të dy këta të fundit, të shpallur në kërkim nga drejtësia.

Në dokumentin e siguruar nga CNA.al ndër të tjera thuhet se autorizohet “për të hapur një llogari bankare me BANCA ARNER S.A, me vendndodhje në Piazza Manzoni 8, 8900, Lugano, Zvicër në emër të Kompanisë;

Dhe t'i japë një prokurë z. Mirel Mertiri për të hapur dhe mbajtur llogarinë në bankën e sipërpërmendur sipas kushteve të përcaktuara në prokurën në fjalë.”

Dokumentet/ Inceneratorët llogari bankare në Zvicër

Dokumentet/ Inceneratorët llogari bankare në Zvicër

Dokumentet/ Inceneratorët llogari bankare në Zvicër

Pra, një kompani pa asnjë aktivitet, vjen në Shqipëri, “shitet” si një sukses holandez dhe merr një koncesion ku vetëm kontrata fillestare është 128 milionë euro, ndërkohë që në shifra reale pritet që taksapaguesve shqiptarë tiu kushtojë deri në 600 milionë euro.

Dhe kjo kompani e cila ka marrë miliona euro nga Qeveria shqiptare, nga taksapaguesit shqiptarë, shkon e hap llogari bankare në Zvicër.

SPAK është përballë provave, që tregojnë qartë se ku kanë përfunduar paratë e taksapaguesve shqiptarë.

SPAK nuk ka pse t’i kërkojë paratë në bankat e Shqipërisë, por të Europës. Gjithmonë nëse nuk janë zhdukur, edhe aty./CNA.al

 

Lajmet e fundit nga