web counter
LEXO PA REKLAMA!

SHKARKO APP

App Store
Google Play

Certifikatë sigurie për motrën e vrasësit/ Institucionet përfshihen në skandal, korrupsion apo pazar me krimin?

19 Qershor 2022, 12:05, Denoncim CNA

Certifikatë sigurie për motrën e vrasësit/ Institucionet

Kur vrasësi më pagesë ishte arrestuar dhe po fliste para prokurorëve. Pra, ishte lajmi i parë edhe për median në Shqipëri, motra e tij, një vajzë që punonte në ministrinë e Jashtme, pajiset me certifikatë sigurie nga DSIK.

DSIK i jep motrës së vrasësit me pagesë, çelësin, pra certifikatën për të qenë pjesë e një zyre në ministrinë e Jashtme, e cila është një strukturë posaçërisht për NATO-n dhe për të gjitha informacionet e tjera sekrete që vijnë nga partnerët ndërkombëtarë.

CNA.al dje zbuloi dokumentin, të cilin e shikoni më poshtë.

Certifikatë sigurie për motrën e vrasësit/ Institucionet

Por, si zhvillohen ngjarjet?

Nga ministria e Jashtme pretendohet se nuk janë ata që e kanë punësuar diekt, por është ministrja e Arsimit, ajo që e ka rekomanduar si studente ekselente.

Vajza në fakt Xhuljana Dumani, ka punuar në kabinetin e ministres Olta Xhaçka dhe pa u verifikuar aspak është çuar të punojë në një tjetër strukturë.

Këtu pikërisht fillon problemi, pasi ajo është pajisur në mënyrë skandaloze nga DISK me certifikatë sigurie.

Ligji shqiptar e ndalon katërcipërisht pajisjen e saj me një certifikatë të tillë. DSIK është përfshirë në një skandal, korrupsion, pazar me krimin apo çfarë? Kjo është për t’u zbardhur. Ndoshta duhet të presim që SPAK-u të fillojë hetimet. Apo të përfshijë dhe të hapë një dosje për të gjithë zyrtarët e shtetit, ku duket se me veprimet apo mosveprimet e tyre kanë bërë që motra e një vrasësi të jetë në një nga zyrat “çelës”, në ministrinë e Jashtme.

Ministria e Jashtme që e emëron pa e verifikuar dhe DSIK-ja, që i jep një certifikatë. Ky institucion në mënyrë kriminale i ka dhënë dokumentin një individi që ligji e ndalon në çdo lloj forme dhe mënyre.

Për të marrë certifikatën e NATO-s apo të sigurisë së DSIK-së, kalojnë në një sërë filtrash. Verifikohen deri te njerëzit që ti fut në shtëpi, dhe jo më vëllai.

Pra, Xhuljana Dumani, motra e vrasësit që është rrëfyer para SPAK-ut, mund të punonte kudo në administratën shqiptare. Por, jo në disa shërbime të cilat përmbajnë këtë certifikatë që quhet DISK. Dhe që asaj nuk mund t’i jepet sepse e ndalon ligji.

Certifikatë sigurie për motrën e vrasësit/ Institucionet

DSIK tashmë është përfshirë në skandal. Ka pajisur me certifikatë sigurie, motrën e një vrasësi.

Nga ana tjetër ky institucion nuk mund të bëjë sikur nuk dinte asgjë. Sepse janë me dhjetëra raste gjyqtarësh e prokurorësh që janë shkarkuar nga detyra për shkak të kontakteve të papërshtatshme.

Pra, për shkak të informacioneve që DSIK ka çuar në Vetting. Duke theksuar se kanë pasur këto personazhe takime me njerëz të papërshtatshëm. Dhe janë larguar nga sistemi i drejtësisë, megjithëse mund të kenë qenë zyrtarë të ndershëm të shtetit. Dhe nga ana tjetër standardi i këtij institucioni është dhënie e certifikatës së sigurisë, për motrën e një vrasësi.

CNA.al do të vazhdojë të sjellë të tjera detaje, që thellojnë skandalin ku institucionet shtetërore janë zhytur keqazi në një akt kriminal, i cili shemb një strukturë siç është DSIK-ja. Ku nuk përfshihet vetëm ajo si pikë ndërlidhëse e shumë institucioneve të tjera, që janë pjesë e kësaj problematike të denoncuar nga CNA.al.

Pasi DSIK për të nxjerrë një certifikatë sigurie krijon një komision, ku ka shumë institucione të tjera që janë të përfshira. Prandaj dhe skandali nuk ngelet vetëm te DSIK, dhe nuk ngelet vetëm te një institucion./CNA.al

 





Lajmet e fundit nga