LEXO PA REKLAMA!

SHKARKO APP

Motra e Dumanit me certifikatë sigurie të Nato-s/ Ylli Dylgjeri: Olta Xhaçka të japë dorëheqjen

18 Qershor 2022, 19:09, Aktualitet CNA

Motra e Dumanit me certifikatë sigurie të Nato-s/ Ylli Dylgjeri: Olta

Analisti Ylli Dylgjeri ka kërkuar dorëheqjen e ministres së Jashtme, Olta Xhaçka, pas skandalit që denoncoi sot CNA.al për motrën e vrasësit me pagesë Nuredin Dumani.

Me anë të një statusi në rrjetet sociale, Dylgjeri thotë se punësimi i Xhuljana Dumanit në Ministrinë e Jashtme dhe pajisja e saj me certifikatë sigurie nga DSIK, është skandal mbi skandalet.

Gazetari kërkon që Xhaçka të largohet me përçmim nga detyra.

“Olta Xhacka të japë dorëheqjen e menjëhershme!

Si mund të mbahet akoma Ministre për Europën dhe Punët e Jashtme Olta Xhacka?

Ky është Skandal mbi skandale!

Lajmi i fundit per emrimin dhe pajisjen edhe me "Certifikaten e Sigurimit te Personelit" ne Institucionin me te larte per Europen dhe punet e Jashtme te Xhuljana Agim Dumanin i kalon parashikimet e gjithkujt per seriozitetin e ketij shteti te korruptuar e inkriminuar.

Sot Olta Xhacka duhet largohet me percmim nga detyra. Turp!”, shkruan Dylgjeri.

Ndërkohë, kujtojmë se CNA.al ka zbuluar se Xhuljana Agim Dumani, motra e Nuredin Agim Dumanit ka qenë pjesë e kabinetit të Olta Xhaçkës, punësuar nga ministja gjatë kohës që ka qenë e deleguar e PS në Dibër.

Rreth një muaj pasi Dumani ka nisur rrëfimin për dhjetëra vrasje mafioze, Xhuljana Dumanin e kanë lëvizur nga pozicioni i saj në Ministrinë e Jashtme, duke e cuar në një nga drejtoritë që mban informacionet sekrete që i shkojnë ministrisë nga partnerët ndërkombëtarë dhe e kanë pajisur me certifikatë sigurie të Nato-s./ B.A. – CNA.al

Lajmet e fundit nga