web counter
LEXO PA REKLAMA!

SHKARKO APP

App Store
Google Play

Harta e re gjyqësore? Dhoma e Avokatisë: KLGJ injoroi propozimet tona. Thirrje qeverisë, bojkot pa afat nëse nuk dëgjohemi

17 Qershor 2022, 18:51, Aktualitet CNA
Harta e re gjyqësore? Dhoma e Avokatisë: KLGJ injoroi propozimet tona.
Foto ilustruese

Pas katër ditë bojkoti  të të gjitha seancave gjyqësore, Komiteti Drejtues i Dhomës së Avokatisë të Shqipërisë, ka anlizuar situatën duke dalë në përfundimin se ky ishte  fillimi i një procesi për përmbushjen e kërkesave lidhur me ushtrimin e profesionit të avokatit në Republikën e Shqipërisë.

Përmes një reagimi, Dhoma e Avokatisë thekson se KLGJ injoroi propozimet e tyre për një hartë të re, ndërsa bëri thirrje që qeveria të pranojë propozimet e tyre.

Dhoma e Avokatëve paralajmëroi bojkot pa afat nëse nuk plotësohen sygjerimet e saj.

"Vlerësojmë, që Dhoma e Avokatisë e Shqipërisë ka bërë prezent që në fillesat e hartimit të projektit të Hartës Gjyqësore problematiken e zbatimit në praktikë të një projekti të tillë. Me keqardhje u konstatua injorimi haptazi dhe mos marrja në konsideratë nga ana e KLGJ të propozimeve tona, në vendimin e saj të datës 10.06.2022.

Ne i qëndrojmë vlerësimit tonë, që kjo hartë giyqësore është në shkelje të plotë të së drejtës së individit për aksesin në drejtësi, mungesës së eficencës në realizimin e të drejtës së mbrojtjes si dhe rëndimin e situatës ekonomike – sociale të individit.

Dhoma e Avokatisë e Shqipërisë i kërkon Këshillit të Ministrave, si organi vendimmarrës për miratimin e hartës giyqësore, të marrë në konsideratë vërejtjet dhe propozimet e bëra prezent nga ana jonë gatë gjithë këtij procesi.

Mosmarrja në konsideratë e vërejtjeve dhe propozimeve të Dhomës së Avokatisë të Shqipërisë në procesin e vendimmarrjes nga ana e qeverise do të jetë objekt vlerësimi i qëndrimit të dhomës së avokatisë, duke përshkallëzuar qëndrimin tonë në të ardhmen drejt një bojkoti total dhe pa afat."-shprehet Dhoma e avokatisë./CNA.al





Lajmet e fundit nga