LEXO PA REKLAMA!

SHKARKO APP

App Store
Google Play

Çuçi thirrje shoferëve: Kujdes! 10 makina inteligjente i shtohen rrugores, janë të paloguara

17 Qershor 2022, 16:56, Aktualitet CNA
Çuçi thirrje shoferëve: Kujdes! 10 makina inteligjente i
Ministri i Brendshëm, Bledi Çuçi

Ministri i Brendshëm, Bledi Çuçi ka bërë një thirrje për shoferët, teksa ka prezantuar 10 makinat e reja inteligjente, të cilat i janë bashkuar flotës së Policisë Rrugore.

Çuçi deklaroi se  të gjithë drejtuesit e mjeteve duhet të kenë kujdes, pasi makinat do të jenë pa paloguara.

Ai theksoi se ata kanë aftësinë të masin shpejtësinë e lëvizjes së mjetit edhe kur ato janë vetë në lëvizje, madje në një largësi relativisht të madhe.

“U bëj thirrje të gjithë përdoruesve të automjeteve. Kujdes! Siç e shikoni këto makina janë të paloguara dhe do të mbeten të paloguara. Do t’i nxjerrim ta paloguara, janë me ngjyra të ndryshme dhe do t’i lyejmë edhe me ngjyra të tjera, në mënyrë që mos të identifikohen.

Këto makina të gjurmojnë targën, të bëjnë profilin e makinës, siç është regjistruar në drejtorinë e shërbimit rrugor. Identifikojnë shpejtësinë edhe në ecje, në një largësi relativisht të madhe, ka pajisje GPS që identifikon se ku ndodhet mjeti që ka bërë shkeljen. I gjithë ky informacion shkon automatikisht në gjobë”, u shpreh ministri./ B.A. – CNA.al

Çuçi thirrje shoferëve: Kujdes! 10 makina inteligjente i
Makinat e reja inteligjente

Lajmet e fundit nga