web counter
LEXO PA REKLAMA!

SHKARKO APP

App Store
Google Play

“Këta që dalin me çanta Hermes”/ Artur Zheji: Ky vullneti bie erë biznes

17 Qershor 2022, 15:28, Aktualitet CNA
“Këta që dalin me çanta Hermes”/ Artur Zheji: Ky
Analisti Artur Zheji

Propozimet për ndryshime në ligjin për bujqësinë,  të cilat nuk u miratuan dje nga mazhoranca, janë komentuar nga analisti Artur Zheji.

Në emisionin “Pikat mbi I”, Zheji tha se është çështje biznesi dhe se mungon vullneti nga mazhoranca.

“Ky vullneti bie erë biznes. Askush nuk fiton dot nga një bujk i vogël. Çfarë do i marrësh, 50 kg grurë, 2 shishe verë e uthull molle, po këta që dalin me çanta Hermes duan marrëdhënie më elitare. Kush e siguron këtë, e sigurojnë tregtarët e mëdhenj”, tha Zheji.

Sipas tij, njerëzit i janë kthyer një koncepti të ri në të gjitha vendet e Europës.

“Por çfarë ndodh në Shqipëri. Në Shqipëri një kokëçarje. Të kesh 5 lekë për të mbjellë ke nevojë të dish kostot e tjera për të marrë atë kapitalin që harxhove për të arritur te prodhimi dhe pastaj për të fituar.

Ky mekanizëm ngec sepse dihet që nuk është biznes fitimprurës bujqësia. Në gjithë Europën ka ngërç, por vendet e zhvilluar kanë xhelozi.

Vaj jonë i ullirit, nuk është aspak më i keq se vajrat mbi mesatare italiane, por ata e marketojnë. Apo djathi. Të mos flasim për produktet tona bujqësore, gjithmonë i afrohen shijes bio, më shumë se sa ato gjërat si plastmas në vende të tjera. Situata është dramatike këtu. Mënyra se si e trajton kjo qeveri, duket sikur puna e bujkut është një punë skllavi, nuk i intereson askujt nëse ai pas mbjelljes do marrë ndonjë lek mbrapsht apo nuk do marrë. Demoralizim i madh që ata kanë për të vazhduar këtë punë dhe një shtysë që kanë për t’u larguar nga Shqipëria”, është shprehur Zheji./CNA.al





Lajmet e fundit nga