web counter
LEXO PA REKLAMA!

SHKARKO APP

App Store
Google Play

‘Mbarset mali, pjell një mi’/ Policia organizon ‘superoperacionin’ e dështuar në Berat

17 Qershor 2022, 18:35, Aktualitet CNA

Policia e Beratit, me mbështetje edhe të Forcave të Ndërhyrjes së Shpejtë në Fier, kanë organizuar një operacion që uk ka nxjerrë asnjë rezultat.

Blutë bëjnë me dije se kanë organizuar kontrolle masive me 103 efektivë policie, me qëllim që të godasin veprimtarinë kriminale në fushën e kultivimit të bimëve narkotike.

Por ndonëse vetë institucionet që merren me rendin e qeveria kanë pranuar se në vendin tonë kultivohet drogë dhe kemi parë që shtetet fqinje po kapin lëndë narkotike me prejardhje nga Shqipëria, policia e Beratit pranon se të gjithë kontrollet e sotme kanë dështuar.

Policia njofton se ata nuk kanë konstatuar asnjë rast të kultivimit të bimëve narkotike.

“Kontroll masiv në të gjithë territorin e DVP Berat, për parandalimin, evidentimin dhe goditjen e kultivimit të bimëve narkotike.

103 efektivë policie, me mbështetje edhe të FNSH Fier, gjatë paradites së sotme, kanë ushtruar kontroll masiv në territor, me qëllim goditjen e veprimtarisë kriminale në fushën e kultivimit të bimëve narkotike.

20 grupet e kontrollit të ngritura në të gjithë Qarkun, kanë ushtruar kontrolle në ambiente të hapura, sera, tunele, banesa të braktisura, magazina të ndryshme etj.

Gjatë kontrolleve të territorit dhe ambienteve, deri tani nuk është konstatuar ndonjë rast i kultivimit të bimëve narkotike.

Kontrolli i territorit do të vijojë edhe në ditët e ardhshme në të gjithë qarkun Berat në përmbushje të prioritetit kryesor, parandalimit të kultivimit të bimëve narkotike”, thuhet në njoftimin e policisë.

Kështu blutë janë munduar të tregojnë punën e tyre që në fakt nuk ka sjellë asnjë rezultat. Pavarësisht se policia ka tentuar të propagandojë e të shesë si sukses një punë të dështuar, e vërteta është se ajo që shqiptarët po shohin është një frut pa kokrra./ B.A. – CNA.al





Lajmet e fundit nga