LEXO PA REKLAMA!

SHKARKO APP

‘Endi Çuçi i arrestuar në Itali’/ Reagon e ëma: Nuk është e vërtetë

17 Qershor 2022, 21:03, Aktualitet CNA
‘Endi Çuçi i arrestuar në Itali’/ Reagon e
Juristja Zhaklina Peto

Juristja Zhaklina Peto ka reaguar për denoncimin e ish-kryeministrit Sali Berisha se djali i saj dhe i ministrit të Brendshëm Bledi Çuçi, Endi Çuçi, ishte arrestuar në Itali si anëtar i mafias që kontrabandonte ilaçe dhe të sëmurë.

Peto ka përgënjeshtruar lajmin, duke i cilësuar këto akuza si të pavërteta dhe të shëmtuara.

Me anë të një statusi në rrjetet sociale, Peto deklaron se ajo dhe djali i saj nuk kanë probleme me drejtësinë italiane, pavarësisht përmendjes që e quan rastësore, në një hetim të drejtësisë italiane.

Juristja tregon se ajo së bashku me Endi Çuçin janë kthyer nga Italia dhe prej shtatorit të vitit 2021, ai po punon për EPO në Mynih të Gjermanisë.

“Me shqetësim shumë të madh dhe tepër e indinjuar dua të përgënjeshtroj të gjitha akuzat e pavërteta dhe të shëmtuara të cilat kanë dalë në media dhe që drejtohen ndaj meje personalisht dhe djalit tim Endi Çuçi.

Që ne fillim dua t’ju sqaroj se as unë dhe as djali im nuk kemi probleme me drejtësinë italiane pavarësisht përmendjes në mënyrë rastësore në një hetim të drejtësisë italiane që s’ka të bëjë fare me ne. Kjo është e cilësuar fare qartë edhe në fashikullin e hetimit të cilin e keni bashkëlidhur dhe po e citoj:
…“Në shqyrtimin e fakteve që lidhet me paragrafin në fjalë, bëjmë me dije që në fillim se elementet që kemi në dispozicion na ndalojnë, aktualisht, që të përcaktojmë ndonjë veprim me rendësi penale, në ngarkim të disa prej personave të përmendur (SOTIRI ROMEO, PETO ZHAKLINA, XHABAFTI SOKOL dhe CUCI ENDI), duke qenë se nga aktet e hetimit nuk figuron asnjë element që t’i lërë vend ngritjes së akuzave në të ardhmen”…

Unë kam qenë në Itali për t’u kujdesur për nënën time të sëmurë gjatë vitit 2021, e cila fatkeqësisht ndërroi jetë në 3 maj 2021 në Itali. Në datën 4 maj 2021 im bir erdhi në Itali dhe së bashku u kthyem në Shqipëri për t’i bërë nënës nderimet e fundit.

Askush nuk ka të drejtë që për qëllime tërësisht politike të na linçojë dhe dënojë publikisht. Unë iu kërkoj vetëm të mos hidhni baltë mbi djalin tim, një i ri i sapodiplomuar që sapo ka filluar të ecë në jetë dhe ndryshe nga çfarë shpifet nga puseta dixhitale, punon prej shtatorit 2021 për EPO në Mynih, Gjermani (The European Patent Office – Zyra Europiane e Markave dhe Patentave). Faleminderit!”, shkruan Peto./ B.A. – CNA.al

‘Endi Çuçi i arrestuar në Itali’/ Reagon e

Lajmet e fundit nga