LEXO PA REKLAMA!

SHKARKO APP

Motra e Dumanit me certifikatë sigurie për Nato-n/ Këlliçi sulmon qeverinë pas skandalit që denoncoi CNA.al

18 Qershor 2022, 16:18, Politikë CNA
Motra e Dumanit me certifikatë sigurie për Nato-n/ Këlliçi
Anëtari i Kryesisë së Partisë Demokratike, Belind Këlliçi

CNA.al ka zbuluar se Xhuljana Agim Dumani, motra e Nuredin Agim Dumanit ka qenë pjesë e kabinetit të Olta Xhaçkës, punësuar nga ministja gjatë kohës që ka qenë e deleguar e PS në Dibër.

Rreth një muaj pasi Nuredin dumani ka nisur rrëfimin para drejtësisë për dhjetëra vrasje mafioze, Xhuljana Dumanin e kanë lëvizur nga pozicioni i saj në Ministrinë e Jashtme dhe e kanë pajisur me certifikatë sigurie të Nato-s.

Për këtë skandal ka reaguar deputeti dhe anëtari i Kryesisë së Partisë Demokratike, Belind Këlliçi, i cili thotë se qeveria jonë ka lidhje gjaku me krimin.

“Skandali i ditës

Motra e vrasësit me pagesë Nuredin Dumani ka akses të certifikuar në informacionin e klasifikuar shtetëror.

Xhuljana Dumani, zyrtare në Drejtorinë e NATO-s në MPJ, është e pajisur me certifikatë sigurie.

Kjo qeveri ka lidhje gjaku me krimin. Kjo qeveri e ka krimin në shtëpi”, shkruan Këlliçi në rrjetet sociale./ B.A. – CNA.al

Lajmet e fundit nga