LEXO PA REKLAMA!

SHKARKO APP

Veliaj ironizon Dumën dhe Vasilin / “Vijnë për zgjedhje dhe shesin mend në Tiranë”

17 Qershor 2022, 11:35, Politikë CNA
Veliaj ironizon Dumën dhe Vasilin / “Vijnë për zgjedhje dhe
Erion Veliaj

Erion Veliaj nga Kavaja ka hedhur thumba ndaj  dy deputetëve të opozitës, Grida Duma dhe Petrit Vasilin.

Gjatë një takimi mpër përzgjedhjen e drejtuesve të rinj në Bashkinë e Kavajës, Veliaj, ka thënë se PS është forca që sjell ndryshimin në vend, ndërkohë që janë tre mandate në pushtet.

“Shikojeni pak Etjen Xhafaj, deputeti juaj i mrekullueshëm, një çun fantastik që unë e kam njohur që në rini, edhe që është bërë sot avokati më i mirë i Kavajës. Ka treguar që edhe kur mbarojnë zgjedhjet është këtu. Edhe kur mbarojmë fushatën është këtu, edhe kur mbaron numërimi është këtu. Cili është këtu? Petrit Vasili? Grida Duma?

Shumica prej tyre vijnë dhe thonë - “Ky është bastioni ynë, të kapim çfarë të kapim”, dhe me skalpin që i marrin Kavajës, të shesin mend në Tiranë”, është shprehur Veliaj.

Ky i fundit më tej është ndalur tek zhvillimet në kampet opozitare, pa hequr dorë nga thumbat.

“Ka njeri interes tek LSI ? Është burri, vjen gruaja, ikën gruaja, vjen burri. S’ka asnjëri interes, është një biznes privat se PD e sigurt që s’ka njerëz. Në një moment që një njeri kthehet tre herë, do të thotë që lista e talenteve është aq e dobët, saqë ata e quanin rithemelim rikthimin pas 30 vitesh të atij që e themeloi. Pavarësisht se si do shkojë debati dhe platforma e gjithsecilit, asnjëri prej tyre nuk do shkojë të djegë selinë e partisë sonë, asnjëri prej tyre nuk do marrë një vare, që të shkatërrojë selinë e partisë sonë”, deklaroi Veliaj.

Katër kandidatët e përzgjedhur për fazën finale, Klodian Shehi, Shpend Barameta, Neritan Bajaziti dheMarinela Alia paraqitën para Asamblesë së Zgjeruar të Bashkisë Kavajë platformat e tyre të kandidimit./CNA.al

10:20 Politikë

Misioni i Salianjit

I qartë, tashmë e dukshme, e zbuluar për gjithëkënd, s...

Lajmet e fundit nga