web counter
LEXO PA REKLAMA!

SHKARKO APP

App Store
Google Play

E fundit!

x

Misioni i Salianjit

17 Qershor 2022, 10:20, Politikë CNA
Misioni i Salianjit
Lulzim Basha, Ervin Salianji

I qartë, tashmë e dukshme, e zbuluar për gjithëkënd, se misioni i Salianjit dhe disa deputetëve të tjerë, të futur në elitën e Partisë Demokratike me ardhjen e Lulzim Bashës ka qënë thjeshtë dhe vetëm një ndarje e PD-së, apo mbajtje e thelave të tortës, për një grup individësh të investuar nga liberalët e Henri Çilit.

Nuk është vetëm Salianji, por janë një grup që kanë qënë të qartë në çdo hap, që nga ardhja e tyre në Partinë Demokratike. Të marrin ç’të munden e në rast se nuk do jenë në elitën e kësaj partie kur ajo të vijë në pushtet apo në qoftë se opozita zgjat, të kenë fraksionin apo partinë e tyre.

Misioni i Salianjit

Këtë Salianji dje e konfirmoi. Atë që CNA.al e ka shkruar kohë më parë. Që misioni i grupit të Henri Çilit në PD ka qënë ndarja e Partisë Demokratike, apo kalimi i saj në një parti liberale.

Gjithçka duket tepër e konfiguruar.

Pas kaq vitesh, Salianji e pranon publikisht që ka një ndarje. Skema duket e qartë.

Salianji luan për postin e tij, për karrigen e tij. Patjetër, bashkë me Grida Dumën dhe ndonjë tjetër që e mban rreth. Por, ndarja ka qënë e padiskutueshme, për ata që marrin vesh nga politika, që ditën e parë që Lulzim Basha shkoi në krye të Partisë Demokratike.

Të gjitha veprimet e tij sollën disa ndarje. Largimin e elitës së partisë, senatorëve të saj, partitë e reja që diku dështuan, por votat që ato morën nuk ishin të pakta. Nëse do të mblidheshin në të gjithë vendin do të prodhonin 2-3 mandate deputetësh.

Këtë po kërkon edhe Salianji të bëjë sot. E në rast se PD do ndahet, dhe Basha do të krijojë një parti të re, Liberale, Salianji do të kërkojë që të shkojë ku do t’i jepet pazari më i madh.

Por, me një ndryshim. Palët të ndara nuk do të munden në zgjedhje të rrëzojnë Edi Ramën. Kështu që një koalicion me lista të hapura do të bënte që Salianjit dhe një grup individësh të tjerë të gjenin hapësira për të kandiduar, nga parti të tjera. Në një parti e re, Liberale, e dalë nga brenda PD-së, nga çunakët e Lulzim Bashës, apo kudo tjetër që mund të gjendej një shteg që më pas me mendimin se kanë dhjetëra mijëra vota në qarqet ku janë deputetë, të mund të ngelen sërish në elitën e politikës.

Misioni duket deri diku drejt fundit. Pasi ai nuk është kompletuar. Ngelet vetëm të shpallet partia e re.

Kjo do të vijë pas vendimit të gjykatës. Sepse aktualisht kemi një PD, ku anëtarësia do Berishën dhe grupin e tij. Ndërkohë që grupi i Bashës me Gaz Bardhin, Enkelejd Alibeajn dhe ndonjë tjetër po qëndrojnë për të marrë vulën. E më pas të ngelin në parti me logon, ndoshta edhe të vetëm.

Misioni i Salianjit

Por, kjo do të dojë dhe pak kohë, sepse është edhe kontributi që jep kryeministri Rama në këtë histori.

Por, të qëndrojmë tek misioni i Salianjit. Misioni i atyre që hynë në PD për ta rrënuar dhe për t’i marrë çka dontë mundeshin. Pasi ata kurrë nuk do besonin se Partia Demokratike mund të fitonte, se do të ishte një forcë e madhe politike qeverisëse.

Por, me bindjen se Rama është i pathyeshëm, gjithçka e kanë bërë me një mission të qartë të marrin thelën e tyre, pjesën e tyre të Opozitës, dhe të ngelin në lojë, thjeshtë dhe vetëm personalisht. Se çfarë ndodh me demokratët, për ta nuk ka më asnjë rëndësi.

Por, sot në fakt në Shqipëri ka më shumë opozitarë sesa politikanë të llojit Salianji, me misione të përcaktuara, që mirë apo keq duhet thënë se iu ka ecur apo i kanë ndërtuar mbi kurrizin e demokratëve, të cilët iu kanë besuar jo pak në këto 8-9 vite./CNA.al

 





Lajmet e fundit nga