Video-Krim mjedisor në Shijak/ Si po helmohen banorët

17 Qershor 2022, 12:38, Denoncim CNA
Video-Krim mjedisor në Shijak/ Si po helmohen banorët
Djegia e mbetjeve, gjatë natës

Kreu i PAA-së, Agron Duka ka denoncuar një krim mjedisor që sipas tij ka ndodhur në Shijak.

Në një deklaratë për mediat, Duka bëri të ditur se prej disa ditësh banorët e qytetit të Shijakut dhe jo vetëm, janë duke jetuar mes smogut të krijuar nga djegia e mbeturinave urbane.

“Të hetohet krimi mjedisor që u bëhet banorëve të Shijakut!

Prej disa ditësh banorët e qytetit të Shijakut dhe jo vetëm, janë duke jetuar mes smogut të krijuar nga djegia e mbeturinave urbane.

Është rikthyer e njëjta skemë, kur mbetjet digjen natën, për të mos u parë nga qytetarët.

Pamjet tregojnë renë e tymit që pushton hapësirën, duke u shndërruar në një rrezik serioz për shëndetin e qytetarëve.

Vetë banorët kanë filmuar dhe denoncojnë këtë gjendje.

Si deputet i asaj zone, unë bashkohem me shqetësimin e tyre dhe kërkoj marrjen e masave për ti dhënë fund menjëhrë, kësaj praktike “menaxhimi” të mbetjeve.

Djegia e mbetjeve në hapësira publike është tashmë një krim mjedisor, ndaj dhe unë nxis organet ligjzbatuese të hetojnë për këto raste.”-deklaroi Agron Duka./CNA.al

 

Lajmet e fundit nga