LEXO PA REKLAMA!

SHKARKO APP

Katër faktet që lidhin Mirel Mërtirin me inceneratorët

15 Qershor 2022, 14:42, Denoncim CNA
Katër faktet që lidhin Mirel Mërtirin me inceneratorët
Foto ilustruese

I quajtur si “truri” i inceneratorëve në Shqipëri, Mirel Mërtiri duket se qëndron në hijen e koncesioneve të mbetjeve.

Mërtiri është i lidhur ngushtë me firmëtarët zyrtarë të dy prej kontratave. Së pari, Stela Gugallja, pronarja e inceneratorit të Elbasanit e shpallur në kërkim nga SPAK-u është bashkëjetuesja dhe nëna e fëmijëve të Mirel Mërtirit. Ndërsa Klodian Zoto, edhe ky i shpallur në kërkim, jurist dhe bashkëpunëtor i hershëm.

Bëhet fjalë për tre inceneraratorë, në Fier, në Elbasan dhe në Tiranë, ku fituese e këtij koncesioni është kompania “Integrated Energy” B.V, e cila tentoi të “shitej” si një sukses holandez.

Faktet që “kryqëzojnë” Mirel Mërtirin

Mirel Mërtiri, është personi që mediat e kanë denoncuar nga Zimbabve, tek inceneratorët në Shqipëri.

Nga kompanitë e bashkëjetueses së tij, të cilat me një million lekë të vjetra në llogari mundën të fitonin koncesione 22 milionë euro, deri tek zinxhiri i kompanive të tjera me Klodian Zoton tek inceneratori i Fierit dhe ai i Tiranës.

Katër faktet që lidhin Mirel Mërtirin me inceneratorët

Por, tashmë dalin në dritë fakte të reja, që lidhin drejtpërdrejt Mirel Mërtirin me inceneratorët.

Së pari, doli që Mirel Mërtiri ka qenë drejtor kompanisë “Integrated Technology Services”. Kjo e fundit kompania që ka marrë koncesionin e inceneratorit të Tiranës.

Gjithashtu, emri i Mirel Mërtirit dilte si administrator edhe në kompaninë ER One Albania, ku bashkëjetuesja e tij Stela Gugallja është ortake me Energy Recuperator, e cila ka si ortakë dy shtetas italianë, Ernesto Granelli dhe Mario Granelli.

Katër faktet që lidhin Mirel Mërtirin me inceneratorët

Por, deri këtu emri i Mirel Mërtirit del vetëm teknikisht.

Fakti i tretë, është dokumenti i publikuar nga CNA.al dy ditë më parë, ku Mirel Mërtiri del si negociator i Geogenix, në Zimbabve.

Katër faktet që lidhin Mirel Mërtirin me inceneratorët

Pra, Shqipëria tashmë “shitet” si histori suksesi, dhe personat që kanë marrë koncesionet e inceneratorëve, po tentojnë të shtrijnë “tentakulat” e tyre deri në Afrikë, por jo vetëm.

Ndërkohë, CNA.al publikoi sot një tjetër dokument, ku në vitin 2019 pak kohë para se në të fillonim publikimin e një dosje të plotë në lidhje me inceneratorët në Shqipëri, Mirel Mërtiri shfaqet drejtpërdrejt me firmën e tij, në Irak, si përfaqësues i kompanisë Integrated Energy B.V.

Katër faktet që lidhin Mirel Mërtirin me inceneratorët

Katër faktet që lidhin Mirel Mërtirin me inceneratorët

Pra, sipas këtij dokumenti Mirel Mërtiri nuk është thjeshtë bashkëpunëtor, por firmos si përfaqësues i kompanisë që ka marrë koncesionin e inceneratorit të Tiranës, ku vetëm kontrata fillestare është 128 milionë euro. Por, që në shifra reale, sipas përllogaritjeve të ekspertëve, mund të kapë shifra deri në 600 milionë euro.

Dhe ndërkohë, ai që është quajtur edhe si “truri” i inceneratorëve sot është i lirë./CNA.al

 

Lajmet e fundit nga