Në Tiranë nuk ka incenerator/ Vërtetohen denoncimet e CNA.al

11 Shkurt 2022, 13:16, Denoncim CNA

CNA.al ka denoncuar nëpërmjet disa shkrimeve, me dokumente zyrtare aferën e inceneratorit të Tiranës. Një kontratë koncesionare, 128 milionë euro e firmosur në vitin 2017, por ende nuk ka një incenerator.

Është thjeshtë dhe vetëm një landfill, i cili iu kushton taksapaguesve shqiptarë gati 10 milionë dollarë në vit, dhe dhjetëra milionë dollarë të tjera, të cilat vijnë nga pagesat që ajo merr nga bizneset private, nga gërmimet dhe ndërtimet e pallateve apo hedhjen e mbetjeve inerte.

Pra, gati 5 vite pas firmosjes së kontratës, janë paguar rreth 40 milionë dollarë nga Qeveria dhe Bashkia e Tiranës, por incenerim të mbetjeve nuk ka.

Denoncimet e CNA.al janë vërtetuar sot edhe nga anëtarët e Komisionit Hetimor Parlamentar për Inceneratorët.

Një grup deputetësh, të kryesuar nga kryetarja e këtij komisioni, Jorida Tabaku ishin sot në Sharrë, ku deputetja e PD theksoi se në Tiranë nuk kryhet incenerim mbetjesh.

?Sot arritëm në konkluzionin, që këtu nuk kryhet incenerim, mund të ketë bojatisje, akacie, kodra me pemë, por procedura për të cilën kjo procedurë është kryer , djali drejtuesi teknik me shumë xhentilesë na shpjegon që kryhet një proces për menaxhimin embetjeve që është profesional, por kjo kontratë koncesionare sot për ne nuk po zbatohet, ajo që ndodhi në Fier që nuk ka incenerator, nuk ka as në Tiranë, ka landfill, po jo proces incenerimi?-tha Tabaku.

Nga ana tjetër, është vetë drejtori teknik, i cili pranon se nuk ka ende incenerator, pasi sipas tij është në fazë ndërtimi.

?Faza ndërtimore është 6 vjet, dhe ka nisur punimet nëntor 2020?-tha drejtori Teknik.

Po ashtu Tabaku hodhi akuza edhe ndaj kryetarit të Bashkisë së Tiranës, Erion Veliaj, ndërsa theksoi se ka shtyrë marrjen e lejes për inceneratorin e Tiranës, por pagesat kryhen.

?Veliaj ka shtyrë marrjen e lejes për inceneratoritn e Tiranës, ndërkohë që ju paguheni. Jemi në shkelje të kushteve të kësaj kontrate, përvec faktit që është një afere korruptive.?-tha Tabaku.

Drejtori Teknik: Është në fazë ndërtimi dhe është brenda afateve të ndërtimit.

Ina Zhupa: E keni marrë lejën në 2019, ku jeni me punimet, sa është data sot, Jemi në 2020. Kush është procesi që kryeni?

Drejtori Teknik: Është i raportuar në të gjitha institucionet shtetërore, shkarkohen mjetet, bëhet diferencimi i mbetjeve, karton, plastik, metale, ndodh pas shpinës tuaj.

Jorida Tabaku: Nga cilat Bashki vijnë mbetjet?

Drejtori Teknik: Tiranë Durrës dhe Kavajës.

Jorida Tabaku: Sa ton bëni në ditë?

Drejtori Teknik: Është variable, nuk ka një shifër fikse.

Jorida Tabaku: Kur duhet të përfundojnë punimet?

Drejtori Teknik: Faza ndërtimore është 6 vjet, dhe ka nisur punimet nëntor 2020.

Jorida Tabaku: Tarifa është e integruar duke përfshirë edhe incenerimin dhe shitjen e energjisë, po merrni një tarifë që nuk ndodh, po ju jeni duke u paguar.

Drejtori Teknik: A biem dakord që jemi në fazë ndërtimore?

Jorida Tabaku: Veliaj ka shtyrë marrjen e lejes për inceneratoritn e Tiranës, ndërkohë që ju paguheni. Jemi në shkelje të kushteve të kësaj kontrate, përvec faktit që është një afere korruptive./CNA.al

Avokatët e krimit/ Mbrojtësit e hajdutëve të taksapaguesve

51 fakte dhe dokumente për aferën e inceneratorëve

FOTO-FAKT/ Koncensioni 128 milionë euro vetëm një kapanon

AFERA 128 milionë euro/ 13 shkelje ligjore në njoftimin e Kontratës