Ekskluzive-SPAK bastisi shtëpinë e Klodian Zotos/ Sekuestrohen kompjutera dhe materiale të tjera

11 Shkurt 2022, 09:55, Aktualitet CNA

Ditën që Lefter Koka është thirrur në drejtorinë e Policisë së Tiranës dhe më pas është arrestuar me urdhër të SPAK, ky institucion ka kryer një tjetër operacion.

Operacioni ka qënë për ndalimin e shtetasve Klodian Zoto dhe Stela Gugallja. Dy personat të cilët janë çelësi i aferës korruptive të inceneratorit të Elbasanit, por më tej edhe në Fier dhe në Tiranë.

SPAK nëpërmjet forcave operacionale ka shkuar dhe ka bërë kontroll tek shtëpia e Klodian Zotos, ku burime zyrtare i thanë CNA.al se janë sekuestruar materiale, me të cilat pretendohet se mund të sigurohen të dhëna mjaft të rëndësishme për hetimin.

Sipas të njëjtave burime në shtëpinë e Klodian Zotos janë mundur të sigurohen kompjutera dhe pajisje të tjera, në të cilat prokurorët e SPAK shpresojnë të nxjerrin komunikime apo materiale të cilat Klodian Zoto mund t?i ketë përdorur, duke shkruar të dhëna, duke lënë gjurmë komunikimi, e-mail e të tjera si këto që kanë të bëjnë me zyrtarë të lartë apo dhe zinxhirin e kompanive të tij, të cilat janë përfshirë në aferën e inceneratorëve.

SPAK po vazhdon intensivisht hetimet, por e çuditshme është fakti se prokurorët Dritan Prençi dhe Vladimir Mara, të cilët po hetojnë inceneratorin e Fierit dhe Tiranës ende nuk kanë ecur me urdhër-arreste, për të çuar në pranga persona të tjerë përgjegjës, përfshirë këtu zyrtarë të lartë që kanë qënë anëtarë të komisioneve, ministra, ish-ministra apo deputetë, të cilët janë të gjithë pjesë e një grupi që Klodian Zoto ka përdorur për të kaluar me proçedura të dyshimta dhe kapërcime ligjore gjithçka ka dashur, për të marrë në fund firmat e koncesioneve, të cilat kapin një vlerë prej 178 milionë euro të paktën dhe me një vlerë që dyshohet se mund të shkojë mbi 430 milionë euro.

Të tre inceneratorët janë pjesë e një afere korruptive ku pas prangave tashmë qëndron Lefter Koka, ish-ministri i Mjedisit, i cili u kap nga prokurorët e SPAK duke i zbuluar gjithashtu edhe disa kompani, të cilat kishin marrë pagesa nga kompanitë e inceneratorëve.

Pra, pagesa fiktive dhe prej tyre kishin shkuar në xhepin e ish-ministrit të Mjedisit.

SPAK ka në dorë disa dosje të mëdha me materiale, të cilat nuk janë thjeshtë dhe vetëm procedura ligjore por edhe investime dhe pagesa të bëra nga kompanitë e inceneratorëve, të cilat edhe sot e kësaj dite vazhdojnë e glabërojnë qindra milionë lekë nga paratë e taksapaguesve shqiptarë./CNA.al

Afera e inceneratorëve, shpjeguar me dy fjalë

?Fluturojnë? inceneratorët/ Qindra mijëra dollarë për agjenci turistike

51 fakte dhe dokumente për aferën e inceneratorëve

FOTO-FAKT/ Koncensioni 128 milionë euro vetëm një kapanon

Nuk kanë fund skandalet me inceneratorët/ Miliona për Stela Gugallën dhe Klodian Zoton

Afera korruptive e inceneratorëve/ Fundo nxjerr dokumentat, sa ka përfituar kompania e Klodian Zotos

Konfirmohet abuzimi i aferës së shekullit/ Inceneratori i Fierit i papërfunduar prej dy vitesh