Connect with Us

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Denoncim

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Publikuar

-

/
Thellohet skandali me inceneratorin e Fierit/ Faktet, “këmbanë alarmi” për SPAK

*Pjesa e parë 

Në një investigim të plotë të kryer nga stafi i CNA.al, ne kemi mundur të zbërthejmë skemën, sesi qeveria shqiptare ka dhënë 50 milion euro për dy inceneratorë, atë në Elbasan dhe në Fier. Ku në një mënyrë të qartë, duke investiguar dokumentat, duke siguruar dhe materiale ekskluzive, kemi treguar se janë të njëjtët persona që fshihen pas inceneratorëve. Të cilët janë shtetasi Klodian Zoto, shtetasi Mirel Mërtiri dhe bashkëjetuesja e këtij të fundit Stela Gugallja. Këta katër persona janë njerëzit kryesorë të cilët kanë marë dy ofertat e pakërkuara për inceneratorin e Elbasanit dhe të Fierit, për të cilat qeveria shqiptare duhet të paguajë të paktën 50 milion euro.(Lexo këtu)

Këto dy inceneratorë, njëri prej të cilëve ka filluar punë, janë një skemë e shumë akuzuar edhe nga opozita si një kat korruptiv, i favorizuar për lidhje klienteliste të ministrave të qeverisë Rama, por që shkojnë deri tek kryebashkiaku i Tiranës, Erion Veliaj.

Sot po sjellim pjesën e parë të investigimit të bërë nga stafi ynë në lidhje me incenratorin e Tiranës. Një koncesion 128 milion euro, për 30 vite. Një investim i cili përfshin landfillin e Sharrës, ku do të ndërtohet edhe një incinerator për të prodhuar energji dhe gjithashtu do të bëhet edhe trajtimi i mbetjeve urbane dhe mbetjeve të tjera.

CNA.al ka mundur të sigurojë sërish dokumenta autentike, të cilat tregojnë qartë se kush është e vërteta e inceneratorëve, përtej asaj që na është thënë në media, ajo është krejt ndryshe dhe mjafton të shikosh dokumentat.

Sipas të dhënave që reklamohen nga qeveria shqiptare dhe po të dëgjojmë këtë intervistë të dhënë nga kryebashkiaku i Tiranës, Erion Veliaj, të cilën mund ta lexoni këtu, thuhet se është një kompani e madhe holandeze që do të punësojë njerëz, e të tjera si ato gënjeshtrat publike që bën çdo ditë Veliaj.

Në fakt kjo nuk është aspak e vërtetë. CNA.al ka mundur të zbulojë se kompania e cila pretendohet se është një kompani hollandeze, Integreted Energy BV, është thjeshtë dhe vetëm një kompani e krijuar nga të njëjtët persona, të përfshirë në ndërtimin e inceneratorëve në Fier dhe Elbasan.

Pra, sërish del në skenë Klodian Zoto, italiani i cili firmos kontratat e ndërtimit të inceneratorëve me çelësa në dorë, Ernesto Granelli, dhe disa zyra të tjera të cilat janë kryesisht administratorë të aksioneve apo të përfaqësimit të individëve të cilët nuk duan të shfaqen me emra.

CNA.al gjithashtu ka mundur të sigurojë se kompania mëmë është një kompani e regjistruar në dhomën e tregtisë të Hollandës, e cila quhet Rezidence Koorporate Servise.

Kjo kompani ka edhe rreth  me 32 grupe kompanish, të regjsitruara në dhomën e tregtisë, ku ajo është e regjistruar kanë të njejtën adresë Delflandlaan 1 Queens Tower.

Gjithashtu në qoftë se do të shohim në Dhomën e Tregtisë, dalin edhe kompanitë që kjo përfaqëson, në nivelin e dytë dhe në nivelin e tretë, ku shfaqet një kompani e cila quhet Almares Management BV bashkëfirmëtare me kompaninë e Klodian Zotos në Hollandë.

Duke kërkuar në fillim me emrin e kompanisë Integreted Energy BV, ne gjetëm disa të dhëna të plota. Kjo kompani e ka regjistrimin e parë në datën 19.08.2016, sipas këtij dokumenti.

Në qoftë se do ta shikojmë me kujdes, drejtorët janë tre emra. Klodian Zoto, i inceneratorit të Fierit, Ernesto Granelli, italiani i cili firmos kontratat me çelësa në dorë për ndërtimin e inceneratorit të Fierit dhe Elbasanit me Klodian Zoton dhe ka ortakëri me Stela Gugallen ku në kompania administron Mirel Mërtiri, vlerat e insceneratoreve jepen 15 milion euro.

Pra, ajo që na është thënë nga politika, nga Veliaj dhe propaganda qeveritare se është një kompani hollandeze me eksperiencë të madhe që do të hapë shumë vende punë dhe se do të bëjë mrekulli në Tiranë, nuk është gjë tjetër por thjeshtë dhe vetëm një kompani e regjistruar një vit më përpara sesa të merrej koncesioni për landfillin e Tiranës dhe inceneratorin atje. U rregjistrua në 2016 në 2017, qveria Rama 1 i dha konçesionin 128 mlionë euro, ku është eksperianca këtu?

Ajo që deklarojnë kryebashkiaku Veliaj apo kryeministri Rama, dhe qëndrimet e mbajtura në publik për 128 milion euro koncesion për një kompani hollandeze, janë thjeshtë dhe vetëm gënjeshtra.

Prokuroria tashmë ka në dorë “asin” nën mëngë që i mungonte. Pra, faktin ku thoshte se kompania hollandeze ishte një guackë off shore dhe emra nuk dilnin asgjëkundi, pra emrat nuk diheshin. Tani emrat i kanë mjafton të shkojnë në dhomën e tregëtisë ose në adresat e mësiperme. Por kjo jo për shumë kohë pasi sërish mund të fshihen nën kompani dhe emra të tjerë.

Në fakt Integreted Energy BV, është një kompani me drejtor Ernesto Granellin, Klodian Zoton dhe Thomas Walter Hansman,  në vitin 2016. Ç’ka tregon se është regjistruar thjeshtë dhe vetëm në Hollandë, për të humbur gjurmët. Ashtu siç thamë më lart, kompania Integreted Energy BV, është pjesë e skemës të kompanisë Rezidencë Koorporate Servis, ku me skema të ndryshme, me dhjetëra kompani përfshihen duke fshehur emrat e aksionerëve, por dalin vetëm drejtues përfaqësues.

CNA.al ka mundur të zbulojë se janë me dhjetëra kompani, të cilat kanë të njëjtën adresë, të njëjtët përfaqësues, ndodhen në të njëjtën zyrë, në të njëjtën godinë në Amsterdam. Këtu janë edhe kompanitë e Klodian Zotos, të cilit diku i del emri dhe më pas fillon e zhduket, apo kompanitë e tij fillojnë e ndryshojnë emrat dhe hyjnë të gjitha në ciklin e fshehtë. Dhe nuk ështëe vështirë në fakt në qoftë se një prokuror dhe institucionet do ta merrnin seriozisht dhe do të investigonin, pasi gjurmët janë.  “Dialli fshihet në detaje”.

Le të shkojmë më tej. Kemi mundur të zbulojmë se në vitin 2017, për herë të parë, në fillim të këtij viti, kompania ka paguar kapitalin, të cilin e ka çuar në vlerën 50 mijë euro. Dhe këtu fillon momenti i Shqipërisë.

Është një kompani që ka qënë në proçes atëherë me zyrtarë të qeverisë shqiptare, e cila ka mundur më tej të marrë një koncesion 128 milion euro, nga qeveria shqiptare.

Në qoftë se do të shohim dokumentat, kontrata midis Ministrisë së Mjedisit dhe kompanisë për ndërtimin e inceneratorit dhe rehabilitimin e vendepozitimeve ekzistuese në Tiranë dhe prodhimin e energjisë elektrike, është firmosur në datën 31 gusht 2017. Dhe i është dhënë shoqërisë Integreted Energy BV SPV e cila ka aksionerë 100% kompaninë Integreted Energy BV, sipas ekstraktit të QKR-së, që iu e shikoni më poshtë. Kompania u themelua në Tiranë në datën 30 gusht, u rregjistrua QKR, 31 gusht dhe po atë ditë firmosi kontratën.

Gjithashtu në kontratë bie në sy se ajo është firmosur nga zoti Lefter Koka, pak ditë para se ai të linte detyrën si Ministër i Mjedisit, si përfaqësues i LSI-së. Kontrata është firmosur nga ministri Lefter Koka dhe nga koncesionari Integreted Energy BV SPV, nga përfaqësuesi i saj Giuseppe Ciaffaglione.

Por kush është Giuseppe Ciaffaglione

Në rast se do të shohim të dhënat e Integreted Energy BV në Hollandë, del se pas vitit 2017, kur është paguar kapitali në fillim të vitit, deri në dhjetor nuk ka pasur asnjë lëvizje të regjistruar, por pasi është marrë koncesioni, disa muaj më pas kanë filluar dhe lëvizjet. Një nga drejtorët është tërhequr. Pastaj është tërhequr nga drejtor edhe shtetasi italian, i cili garanton inceneratorët me çelësa në dorë Ernesto Granelli, aksioneri i kompanisë Energy Recuperator dhe më pas bashkëortak me Stela Gugallën, me kompaninë ER One Albania, tek inceneratori i Elbasanit. Gjithashtu më vonë në 18.01.2018, ka një tjetër ndryshim. Pra, rreth 6 muaj pasi qeveria shqiptare ka firmosur me Integreted Energy BV SPV kontratën koncesionare kanë filluar disa lëvizje.

LEXO EDHE:  Hipokrizia e qeverisë me luftën kundër evazionit 

Sipas të dhënave kompania Almares Menagment BV merr përfaqësi dhe përfaqësohet me një drejtor.  Pra, edhe ajo futet në skemë, dhe tashmë janë dy drejtorë që firmosin njëri i Integreted Energy BV dhe tjetri i Almares Menagment BV, të dyja në një adresë, një zyrë, me të njejtën kompani mëmë. Tek Almares Menagment BV ka të tjera detaje që do i sjellim në shkrimet në vijim.

Po ashtu, drejtori i Integrated Energy BV që është kompania mëmë, është administrator tek kompania Integrated Energy BV SPV në Tiranë, por nuk ka asnjë të drejtë të kryejë administrimin e biznesit të ndërmarjes, as veprimtatri financiare, bankare, ligjore dhe të tjera të performancës së shoqërisë. Ai që firmos për kompaninë nga Hollanda si “DREJTUES”, në Tiranë është hiç, ka punë vetëm teknike.

Por, çfarë është Almares Menagment BV?

Kjo është pjesë e skemës së kompanisë mëmë që përmendem më sipër, dhe ka sërish të njëjtën adresë, të njëjtën zyrë, në të njëjtën godinë me Integreted Energy BV, kompaninë e Klodian Zotos, Ernesto Granellit dhe disa shtetasve të tjerë, të cilët në fakt duket se të huajt janë drejtorë përfaqësues si lojë të kompanive, brenda koorporatës së madhe, e cila ndërton skema e kompani pa fund për t’i fshehur e për ti lëvizur emrat e tyre derisa të mos duken më.

Pasi ka marrë Almares Menagment BV pozicionin e saj dhe drejtorin. Pra, kjo kompani do të ketë një drejtor brenda kompanisë Integreted Energy BV, është tërhequr në 20 mars të 2018, Klodian Zoto nga drejtor dhe drejtor është vendosur Giuseppe Ciaffaglione.

Giuseppe Ciaffaglione, italiani që ka firmosur dhe kontratën e Ministrisë së Mjedisit me kompaninë Integreted Energy BV SPV në Shqipëri, është administrator i kompanisë së Klodian Zotos.

Pra, italiani që vendoset në drejtimin e kompanisë është administrator që ka Klodian Zoto në Tiranë.

Por, çfarë shohim më tej?

Më tej gjithçka është e qetë dhe të vetmet ndryshime janë rreth vitit 2019, ku ka pasur raportime të tjera ndryshimesh në Hollandë. Janë të paktën rreth 20 lidhje dhe ndryshime të raportuara për kompaninë Integreted Energy BV, ku fillimisht siç e thamë shfaqet Klodian Zoto dhe Ernesto Granelli dhe më pas një kompani hollandeze, e cila mesa duket është dhe guacka, ku zhduken gjurmët e gjithçkaje ka ndodhur.

Kompanitë kanë të njëjtën adresë Delflandlaan 1 Queens Tower në Amsterdam dhe janë të regjistruara në Dhomën e Tregtisë në Hollandë, ku dhe Klodian Zoto, Ernesto Granelli dhe të gjithë skenaristët e ndërtimit të inceneratorit të Tiranës janë përpjekur të fshehin gjurmët.

Një detaj tjetër që bie në sy është fakti se duket qartë nga skema e përdorur, se janë kompani të cilat nuk kanë para. Nuk kanë gjendje të investuar, apo për investime madhore. Janë kompani të krijuara në guacka jashtë, vijnë në Shqipëri me një tufë dokumenta dhe kërkojnë qindra milionë euro për të realizuar një projekt.

Kështu çdo qytetar shqiptar mund të përgatisë një tufë me letra, të bëjë disa kontrata dhe të firmosë koncesione, por askush nuk i jep. Ç’ka ngre dyshimet e fortas se këtu ka një skemë të plotë korruptive të përfshirë zyrtarë të lartë të shtetit shqiptar, që nga qeveria, ministra, e deri tek kryebashkiaku i Tiranës, Erion Veliaj. Sepse çdo njeri mund të bëjë disa letra, të shkojë të krijojë një kompani, procedura e të cilave nuk kushton shumë dhe më pas të vijë të marrë një koncesion 30-vjeçar, kur në fakt Integreted Energy BV ka filluar vetëm me projektin në Shqipëri dhe më pas ka shkuar në dy vende afrikane, por kjo do ti përkasë një tjetër shkrimi.

CNA.al do të sjellë më tej dokumenta të tjera ekskluzive, vendime të bordit, kontrata, skema, vendime qeverie dhe gjithçka tjetër ka ndodhur që nga fillimi me lindjen e Integreted Energy BV në Hollandë, më pas me kompani shqiptare Integreted Energy BV SPV, futjen e kompanisë së re Almares Menagment në skenë, zhdukjen e gjurmës, lëvizjes dhe rikthimin në skenë të shumë emrave, të cilët nuk janë të panjohur, por janë thjeshtë dhe vetëm skenaristë dhe aktorë që kanë mundur të sigurjnë 128 milion euro. Pra rreth 4.3 milion euro në vit, nga taksat e shqiptarëve për një komopani e cila nuk ka eksperiencën që thuhet, por është themeluar pak kohë përpara se të firmoste koncesionin dhe Integreted Energy BV është thjeshtë një maskë, që ka përdorur Klodian Zoto dhe shtetasi Italian Ernesto Granelli për të firmosur koncesionin e radhës me qeverinë shqiptare. Pa folur për mungesën e një gare ndërkombëtare transparente dhe në kushte të barabarta ligjore.

Nga dokumentet e siguruara rezulton se Klodian Zoto, Mirel Mërtiri, Ernesto Granelli dhe Stela Gugallja, të përfshirë në një skemë kanë mundur të sigurojnë nëpërmjet tre incenereatorëve, 178 milion euro nga buxheti i shtetit shqiptar, për ndërtimin e inceneratorëve.

Prej shumë kohësh kanë mundur të marrin dhe të tërheqin nga buxheti i shtetit milliona e miliona  euro. Këto do t’i tregojmë në dokumenta të tjera ekskluzive.

Mjafton të ndjekësh paratë sesi ato qarkullojnë, ku shkojnë, si derdhën dhe cilët janë personat që mbushin xhepat nga taksat e shqiptarëve dhe në emër të inceneratorëve dhe koncesioneve korruptive, pa folur për gjurmët dhe emrat e dokumentave./ CNA.al

  • Kjo është vëtëm pjesa e parë e një investigimi të plotë të kryer nga CNA.al, në lidhje me koncesionin 128 milion euro të inceneratorit të Tiranës. Duke qënë se janë shumë materiale, shumë dokumente, shumë fakte, gjithë investigimi do të publikohet në disa shkrime, pasi materialet janë shumë të gjata dhe dokumentet janë të shumta.
  • Do zbulojmë me detaje politikanët e përfshirë, kompanitë shqiptare dhe ortakëritë e mediave. Gjithçka që askush mos mundet më të ndalë hetimin dhe zbardhjen e plotë të nje dosjeje që akuzon piramidën shtetërore. 

 

(Vijon)

Skandali/ Qeveria 50 milion euro kompanive pa asnjë lek

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Ekskluzive dokumentet/ Klodi i inceneratoreve dhe Ben Blushi, blejnë “Lori Kafe”

Zbulohen fijet/ Si u përdor Top Channel për të mbrojtur aferën 330 mln euro të plehrave

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

Sulme dhe shantazhe ndaj drejtësisë/ Mediat e Vjollca Hoxhës, “peng” të historive rozë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

E përditshmja online “Shqip”, gazeta në pronësi të Vjollca Hoxhës, prej shumë kohësh është vënë në shërbim të një shantazhi, presioni të hapur dhe kërcënimi ndaj organeve të drejtësisë, por edhe ndaj biznesit.

Mjafton të kërkosh në gazetën “Shqip” dhe gjen shkrime pa fund për “Morava Resort”, apo Montrelux, që janë e njëjta vendndodhje. Pra, një hotel luksoz, i stilit me pesë yje, në Moravë të Korçës.

Historia

E gjithë historia nis me bashkëpunimin e dy biznesmenëve ku Arben Reli dhe Sefedin Bajraktari janë personat që përfshihen në një investim.

Por, gjithçka ka ndryshuar rrugës.

Fillimisht objekti është blerë nga shtetasi Sefedin Bajraktari. Më pas një pjesë i është shitur Zotit Arben Reli, i cili ka filluar dhe investimin për vite të tëra, ku janë hedhur disa miliona euro nga ky biznesmen dhe një objekt në rreth 1 mijë metër katëror, është çuar në gati 9 mijë metër katëror. Ndërtime me leje të marrë në nga Këshilli i Qarkut, ku ka firmosur për gjithçka edhe vetë Sefedin Bajraktari. Por, investimi është bërë nga Arben Reli.

Më pas një debat mes palëve. Zoti Reli i njeh Sefedin Bajraktarit gjysmën e objektit që ka qënë dhe ka administruar pjesën tjetër.

Por, Zoti Bajraktari nuk e pranon këtë pjesë. Ai edhe pse nuk ka hedhur asnjë lekë në të gjithë diferencën prej rreth 8 mijë metër katëror ndërtim dhe investim kërkon gjysmën e objektit.

Debate mes biznesmenësh, siç ndodh në Shqipëri sepse sherri bëhet edhe mes vëllezërish, jo më mes dy ortakëve.

Por në këtë rast jo çdo gjë kalon nga drejtësia, nga gjykatat, por çdo gjë kalon nga gazeta Shqip dhe Top Channel.

Së pari, përdoret emisioni “Fiks Fare”, i cili krijon një skenar. Një skenar i cili në finale del një mashtrim publik, sepse pretendohet për një ndërtim pa leje apo për prerje pemësh të cilat ishin bërë vite më parë dhe në fakt për disa ballkone të dhomave pretendohej se mungonte leja.

A thua halli i madh i ndërtimit në majë të malit në Korçë, po shqetësohej Fiks Fare me një denoncim i cili përfundoi dhe në prokurori, duke gjetur dhe një ekspert, i cili theksonte se ishin faksifikuar disa firma.

Pra, po i jepej drejtim dhe vetë prokurorisë për të hetuar.

Arben Reli shpallej në kërkim. Policia ndërhyn. Çështja zgjidhet me gjykatë dhe hapen hetimet.

Gazeta Shqip vazhdon sulmet në mënyrë të përsëritur.

Pse i digjej “barku” Top Channel dhe gazetës Shqip, për Montrelux? Për konfliktin mes dy biznesmenëve?

Kushdo mund të thotë se është investim i madh, se njëra palë paguan mediat, pala tjetër nuk ka media, e të tjera si këto.

Por, kjo nuk ka rëndësi. Thelbi janë historitë rozë.

Shpresim Bajraktari

Vjollca Hoxha dhe Lori Hoxha, vajza e saj, kanë pasur histori lidhjesh me fëmijët e Sefedin Bajraktarit. Me Vis dhe Shpresim Bajraktari, disa prej tyre shumë të raportuara nga gazetat e showbizz-it.

Pra, media Top Channel dhe gazeta Shqip, u vunë në shërbim të historive rozë, të cilat dihen mjaft mirë publikisht.

Përdoret një televizion, përdoret një gazetë online, thjeshtë dhe vetëm për të shantazhuar drejtësinë. Për të ushrtruar presion mbi një biznesmen. Për të pranuar çka kërkon pala tjetër.

Në fakt këto i zgjidh drejtësia. Nuk i zgjidh as Top Channel, as Fiks Fare, as gazeta Shqip me sulmet e saj të pandalura sa së fundi po flet edhe për qindra mijëra euro të paguara brenda sistemit të drejtësisë, por nuk jep asnjë fakt.

Ndoshta këto duhet të shkojë dhe t’i çojë para drejtësisë, apo do të duhet të jenë vetën gazetarët që të përfundojnë atje për të vërtetën.

Gazeta Shqip drejtohet nga Endrit Habilaj, i paguar nga njerëzit e korrupsionit të inceneratorëve, për të cilin ka përfunduar një ministër në burg, është njeriu që sulmon.

Gjatë kohës që ishte Ben Blushi drejtor i Top Channel filloi gjithçka dhe vazhdon edhe sot që ai është larguar.



Për Morava Resort, apo Montreluks, ku në fakt ka edhe një vepër tjetër penale, përtej shantazhit publik që bëhet dhe presionit ndaj drejtësisë apo biznesmenit, është fakti se është hapur një kompani me certifikata pronësie të vjetra, në emër të dikujt tjetër, në të njëjtën adresë. Këto hapen e mbyllen në mënyrë të shpeshtë por prokuroria hesht.

LEXO EDHE:  Ministrat në panik/ Cili do të jetë kurbani i radhës i Ramës?

LEXO EDHE:  Nga Anduena Llabani/ Kush po mbron krimin zgjedhor? 

Prokuroria e Korçës mesa duket përpiqet të mbajë anën e njërës palë duke qënë pjesë e presionit të ushtruar nga Top Channel dhe gazeta Shqip.

Në fakt çështja ka shkuar në gjykatë. Ajo që tha Fiks Fare, sipas drejtësisë nuk ekzistonte. Edhe pse ishte marrë një ekspert privat nga Fiksi tashmë drejtësia merr pesë të tillë. Tre thonë se firma është e Sefedin Bajraktarit, dy të shtetit thonë mund të jetë dhe e tij.

Askush nga ekspertët nuk thonë që nuk është firma e Sefedin Bajraktarit në lidhje me çështjen dhe pretendimin se ishin falsifikuar firmat për investimet e bëra në Montrelux.

Nga ana tjetër ka edhe një detaj shumë domethënës. Pasi humbet gjyqi dhe Fiksi del zbuluar bashkë me shantazhet, pra del zbuluar se ka një kallëzim të rremë, ka një vepër penale, është mashtruar publiku. Sefedin Bajraktari ka kryer vepër penale.

Për këtë duhet të ketë hetim nga drejtësia. Por, drejtësia hesht, sepse është gjatë gjithë kohës nën presionin e gazetës Shqip apo Top Channel, gazetares në Korçë apo ndodnjë drejtor emisioni.

Historitë rozë të Vjollca Hoxhës apo Lori Hoxhës, të cilat janë bërë palë për të grabitur pronën e një investitori, duke shantazhuar drejtësinë, duke shantazhuar edhe institucionet e tjera shtetërore me anë të mediave që kanë në pronësi.

Në mënyrë kriminale Artan Lame ka ndërhyrë duke bërë regjistrime të pronësisë pa pasur vendime të gjykatave vetëm nga presioni mediatik dhe pazaret, tha një prej familjarëve të z. Reli për CNA.al. Ndërkohë, që investimi është bërë nga dikush tjetër, dhe pala që pretendon nuk ka asnjë investim. Ka pjesën e saj, atë që i takon por Lame ja 9-t fishon. SPAKU fle mbi dosjen e Lames

Por kërkohet më shumë, oreksi vjen duke ngrënë.

Po të kesh lidhje me gazetën Shqip, me Vjollca Hoxhën dhe me Lorin, gjithçka ecën përpara. Të sulmojnë mediat e tyre për të zgjidhur hallet personale të historive rozë.

E gjithë kjo histori përfundoi me një gjyq të humbur. Me disa padi në prokurori.

Të tjera kallëzime pritet të shkojnë. Palët po debatojnë. Palët po konfliktohen brenda sistemit të drejtësisë, e cila po shantazhohet nga njëra palë. Prokurorë që nuk veprojnë sepse kanë frikë, megjithëse kanë përpara dosje mashtrimi, dosje kallëzimesh të rreme. Gjithë kohës, duke qënë nën presion, janë të trembur dhe bëjnë një hap pas.

CNA.al ditë pas dite do të zbardhë me detaje gjithçka ka ndodhur në këtë process të bërë nga gazeta Shqip dhe Top Channel. Do të zbardhë sesi ranë pre shqiptarët të një sulmi publik të bërë nga “Fiks Fare”, më pas nga gazeta Shqip.

Si është mashtruar opinioni, sepse drejtësia ka thënë fjalën e saj. Kanë dalë fakte, kanë dalë prova të reja dhe pse nga ana tjetër, struktura të caktuara, si Prokuroria e Korçës heshtin dhe nuk veprojnë për të zbardhur të vërtetën por fshihen pas gishtit.

Shantazhi mediatik ndoshta i dha disa efekte dhe po frenon drejtësinë të veprojë, por nuk mund ta ndalë atë. Nuk mund të fshihet dhe grabitet prona e dikujt sepse një palë që nuk ka investuar kërkon të marrë atë që ka investuar dikush tjetër. Dhe në këtë rast turpësisht përdoret media, thuajse në mënyrë kriminale.

Faktet janë para drejtësisë. Faktet janë në prokurori. Faktet janë nëpër institucione, janë nëpër dokumente dhe nuk mund ta ndalë të vërtetën as Artan Lame me krimin e tij. As gazeta Shqip dhe Top Channel në shërbim të historive rozë, as telefonat e gazetarëve ndaj prokurorëve, dhe askush tjetër.

Faktet janë fakte. E vërteta është një dhe vetëm një. Nuk ka dy të vërteta.

Por, turpësisht me një media kombëtare, një media e paguar nga paratë e korrupsionit të inceneratorëve, përtej faktit që ka marrë këto para po kërkon të jetë palë edhe në një konflikt pronësie, ku dikush ka “armë” median dhe dikush tjetër po mbron investimin e bërë prej gati një dekade./CNA.al

Kush dhe pse po i vë gjobë biznesmenit Arben Reli?!

Vëzhgimi/ Zbulohen “armiqtë” e Vjollca Hoxhës dhe Ben Blushit

Çfarë halli ka Vjollca Hoxha në majë të Moravës?!

LEXO TE PLOTE

Denoncim

Nëna me fëmijët në Gjermani/ Gjykata shqiptare i jep kujdestarinë të atit

Publikuar

-

Nga

Ana Gjokola nga Berlini solli shqetësimin e saj në redaksinë e Stop” në lidhje me një proces divorci të bërë në Tiranë, sipas të cilit 3 fëmijët i janë dhënë babait. Ky i fundit ka mbi 5 vjet, që nuk ka asnjë komunikim fëmijët.

Ana tregon, se në vitin 2015 u shpërngulën familjarisht në Gjermani, por për shkak të dhunës psikologjike dhe verbale u nda me bashkëshortin.

Tre muaj pasi burri doli nga shtëpia, Shërbimi Social merr fëmijët për 23 muaj. Ana thotë, se ka bërë 3 herë gjyqe në Berlin, për të fituar kujdestarinë e fëmijëve. Ish-bashkëshortin e kthen policia në Shqipëri dhe rastësisht më vonë, zonja merr vesh, që ishte divorcuar dhe fëmijët i kishin kaluar të atit nga gjykata shqiptare.

“Unë jam Ana Gjokola, jetoj në Berlin dhe kam 3 fëmijë. Në 2015 ne vijmë familjarisht për një jetë më të mirë në Gjermani. Ama dhuna psikologjike dhe dhuna verbale nuk na la, që të jetonim bashkë. Ndahemi. Në Janar ai doli nga shtëpia, në Prill fëmijët i merr Shërbimi Social për 23 muaj. Kam bërë 3 herë gjyqe në Berlin, për të fituar kujdestarinë e fëmijëve. Në Shkurt 2017 atë e ka dëbuar policia për Shqipëri. Në Dhjetor të 2017 unë i kam marrë fëmijët dhe kam rregulluar dhe letrat. Jam me letra gjermane dhe fëmijët i kam në shkollë, kanë një jetë normale. Unë aksidentalisht marr vesh, që unë isha ndarë dhe fëmijët i kanë kaluar babait. Pa asnjë lloj kontakti, pa e ditur për fëmijët, sesi janë, qysh janë, tek janë, ku janë. Ai ka thënë –“I ka braktis mami dhe ka ik me dikë tjetër.” Unë nuk i kam braktis fëmijët e mi për asnjë moment. Gjykata Shqiptare ia ka dhënë atij”, tha denoncuesja.

LEXO EDHE:  Hipokrizia e qeverisë me luftën kundër evazionit 

LEXO EDHE:  FOTO LAJM/ “Drejtimi i duhur”, ky do të jetë posteri dhe slogani i fushatës së Erion Veliaj

“Stop” shkoi në fshatin Allgjatë të Vaqarrit, për të takuar ish-bashkëshortin Lulëzim Feza. Por atje gjetën vëllain e tij.

Gazetarja: Si jeni? Unë jam Domenika, gazetare e Stop-it. Do kisha dëshirë të takohesha me Lulëzimin!

Vëllai: S’është këtu!

Gazetarja: Çfarë pune bën?

Vëllai: Punëtor i thjeshtë!

Gazetarja: Ndërtim? Ku?

Vëllai: Po, po!



Gazetarja: Punon në Tiranë!

Vëllai: Po!

Gazetarja: Vetëm Luli punon këtu, te shtëpia?

Vëllai: Po, Luli!

Gazetarja: Sa persona jeni në familje?

Vëllai: Gjithsej jemi 7!

Gazetarja: 7 persona! Vetëm Luli punon!

Vëllai: Vetëm Luli!

Vetë Lulëzim Feza pranon se punon punëtor dhe me pagën e tij jetojnë 7 veta, por nuk ka ndërmend të heqë dorë nga fëmijët.

Kontakti im me fëmijët i fundit ka qenë përpara se të largohesha nga Gjermania.Unë kisha ditën e fëmijëve dhe më erdhi policia në darkë. Më thanë që do të kthehesh për Shqipëri. Po unë erdha këtu, kapa një avokat. Kam bërë shumë seanca gjyqi, e kam fituar. Gjyqtar kam pas Martin Dedën dhe gjyqin e kam fituar.  Psikologia nuk ka folur me fëmijët sepse nuk ka pasur asnjë lloj rekomandimi. Unë marr një rrogë 500 mijë lekë, mbaj 7 persona. Mbahet familja, si nuk mbahet familja”, tha ai./tvklan.al

LEXO TE PLOTE

Denoncim

“Tani i lava duart…”, furrat e bukës pa kushte higjiene

Publikuar

-

Nga

Në kohën e përhapjes masive të Covid-19, “Stop” ka bërë një vëzhgim me kamera të fshehtë në furrat e bukës.

Ajo që bie në sy, është niveli i higjienës.

Në shumicën e furrave të bukës, tregtueset nuk përdorin doreza, duke e prekur me dorë një produkt të tillë si buka, që as lahet e as mund të dezinfektohet.

Furra 1

Qytetari: Jo, jo sa gramshe?

Shitësja: 450!

Qytetari: 450 gramshe. Ok! Bëj atë! Kështu dorezë nuk ke ti? Që të mos t’i kapësh bukët me dorë!

Shitësja: Tani i lava duart.

Qytetari: Nuk të them, që s’i lave, s’i ke të pastra, po është ajo.., mendimi. E kupton?

Shitësja: Faleminderit!

Furra 2

Qytetari: Atë rrethoren e fundit atje!

Shitësja: Kjo?

Qytetari: Sa është ajo?

Shitësja: Gjashtë!

Qytetari: 600 lekë?

Shitësja: Po!

Qytetari: Po ajo, që është si franxhollë?

Shitësja: 600 edhe ajo!

Qytetari: Jo atë! Kap atë tjetrën! Atë! Përdor ndonjë palë doreza, se kur i kap kështu me atë dorën nga ky Covidi e kështu, e kemi çikë problem!

Shitësja: Ke shumë të drejtë!

Qytetari: Ia kalofshi mirë! Mirupafshim!

Furra 3

Qytetari: Ajo, sa është?

Shitësja: 600-nd!

Qytetari: Po kjo me susam?

Shitësja: Kjo 400-nd, kjo 600-nd, këto 400-nd!

Qytetari: 400-nd?

Furra 4

Shitësja: 400-ndshe të voglat, 1 mijëshe, 700-nd e bardha.

Qytetari: Do më bësh një kështu? Vetëm të lutem vër ato dorezat se, kape kështu me dorezë, ngaqë është kjo punë e kovidit edhe…!

Shitësja: Cilën do?

Qytetari: Këtë këtu! Këtë këtu!

Shitësja: Një si kjo do?

Qytetari: Po, do na falësh, po…

Shitësja: Asnjë gjë mo, ashtu e do, ashtu e bëjmë.

Qytetari: Ngaqë kemi hequr çikë kështu.

Shitësja: Këtë do?



Qytetari: Po, atë! Urdhëro?

Shitësja: Vetëm kësaj gjëje, që s’i ruhesh dot. Buka kalon nga një dorë në një dorë, e kështu nuk ta them për ashtu hë…

Qytetari: Po ngaqë ju shkëmbeni dhe lekë…

Shitësja: Te sharra andej, po këtej, unë po të kem prekur, po të kem lënë, e kam te vetja njëherë, pastaj te të…

LEXO EDHE:  Nga Anduena Llabani/ Kush po mbron krimin zgjedhor? 

LEXO EDHE:  Ministrat në panik/ Cili do të jetë kurbani i radhës i Ramës?

Qytetari: E marr vesh.

Shitësja: Po sa të vijë tek ty ajo, e kemi ngrënë ne të parat, po s’ke me ngrënë gjë hë për hë! Urdhëro! Mos ma merr për të keq, që ta thashë!

Qytetari: Jo, jo!

Shitësja: Absolutisht nuk është, çdo njeri ka ato të vetat. Gjashtë!

Furra 5

Shitësja: Mjafton 1/4-rtën?

Klienti: Po, ashtu!

Shitësja: I bie më pak fare, po më pak fare, unë s’mund ta lë këtë!

Qytetarja: Dua dy simite nga ato të voglat, të lutem!  Ohh pa doreza hë…, kovidi vuu hë…, është e frikshme, lërë të lutem, se s’ka gjë po e marr tani!

Shitësja: Jo më jo marrim tjetër ne, 200-nd. Mbaje kusurin!

Furra 6

Shitësja: E do të prerë, apo të paprerë?

Qytetarja: Të prerë! Bo, bo, pa doreza hë…, s’i përdorni fare?

Shitësja: Jo!

Qytetarja: Fare?

Shitësja: Po ne i lajmë duart, hamë dhe ne. Për Zotin para kokës time, nuk vë njeri.

Qytetarja: Aman, se i kam frikë, se Covidi sheshit.

Qytetarja: A s’ju thonë gjë këta pronarët?

Shitësja: Do shkojnë do i blejnë vetë ato, se s’do i blejmë ne. (Dorezat)

Qytetarja: Hë..!

Shitësja: S’na thonë gjë pronarët, do na i blinin vetë them, s’do i blejmë ne. (Dorezat)

Furra 7

Qytetarja: Sa kushton të lutem?

Shitësja: 400-nd!

Qytetarja: Ndonjë dorezë, ndonjë gjë, nuk përdoret hë..?

Shitësja: Jo, po lekët s’i kapim me dorë, me dorë përdorim bukën e bankës.

Qytetarja: Djalit?

Shitësja: Djalit ia dhashë pa ashtu.

Qytetarja: Ja dhe pa doreza.

Shitësja: Po. Po e ke problem xhanëm, unë s’mërzitem.

Qytetarja: Po thjesht, ngaqë kemi frikë edhe…

Shitësja: Po frikë, po nuk merret buka, se bukën e kemi 300 gradë aty dhe s’merr, vjen nga shumë gjëra të tjera.

Qytetarja: Kur preken lekët.

Shitësja: Jo, është e vërtetë ajo, unë i laj duart dhe i mbaj shumë të pastra, shërbej bukën, pastaj vij./tvklan.al

LEXO TE PLOTE