Miliona euro për inceneratorin që nuk ekziston/ Kur do "zgjohet" SPAK, për Tiranën?

14 Prill 2022, 08:43, Denoncim CNA

Miliona euro për inceneratorin që nuk ekziston/ Kur do

Afera e inceneratorëve, e nisur në vitin 2014, pra me ardhjen e Rilindjes në pushtet, është ndër më skandalozet e këtyre 30 viteve demokraci.

Bëhet fjalë për një aferë e cila fillon me një kontratë koncesionare 22 milionë euro në Elbasan, më pas shkon në Fier me një kontratë 28 milionë euro dhe “shton oreksin” në Tiranë, me një kontratë fillestare 128 milionë euro.

Në lidhje me inceneratorët, është zhvilluar një hetim edhe nga SPAK. Të paktën për inceneratorin e Fierit dhe Elbasanit, janë vënë në pranga zyrtarë të lartë, mes të cilëve edhe ish-ministri i Mjedisit në qeverinë “Rama 1”, Lefter Koka, dhe ish-sekretari i përgjithshëm i kësaj ministrie, Lefter Koka.

Por, për Tiranën, që është dhe më i madhi, ku vetëm kontrata koncesionare është 128 milionë euro, kur do “zgjohet” SPAK?

Në Tiranë, duket se zullumi është më i madh. Një kontratë fillestare 128 milionë euro. Por, që është të paktën sipas përllogaritjeve të ekspertëve vetëm në Tiranë, tek landfilli dhe inceneratori i munguar, 600 milionë euro.

Pa folur për kostot e tjera dhe investimi rreth 50 milionë euro në Fier dhe Elbasan, mirëmbajtjen e tyre apo faktin që ato nuk punojnë sot, të cilat shifrat i çojnë të “çmendura”. Thuajse me miliarda.

Nga ana tjetër ka edhe një detaj.

Në kontratën koncesionare, thuhet se kompania kompania Integrated Energy BV SPV do të paguhet 29 euro për ton mbetje për incenerim.

Pra, e theksojmë do paguhet 29 euro për ton, për INCENERIM.

Aktualisht në Tiranë nuk ka një incenerator. Por kemi vetëm një landfill. Ashtu siç ka qënë. Ka një ndryshim. Janë kapsuluar mbetjet e vjetra dhe është rrethuar territori.

Nga ana tjetër, prej vitit 2018, pra gati katër vite, Qeveria shqiptare dhe Bashkia e Tiranës, i kanë paguar rregullisht koncesionarit Integrated Energy BV SPV, tarifën e plotë 29 euro/ton, sikurse është parashikuar në kontratë.

Kontrata e thotë qartë kjo tarifë është për INCENERIM. Por, a ka incenerim, pa incenerator?

Ndërkohë, ka edhe një tjetër detaj. Sipas të dhënave zyrtare të kompanisë, kur ka vetëm landfillim, kostoja është 12.5 euro toni. Kjo është zyrtarisht e publikuar nga vetë kompania, tek studimi i fizibilitetit, dorëzuar tek Qeveria shqiptare.

Por, ama kjo e fundit i ka paguar koncdesionarit shumën 29 euro për ton, pa pasur incenerator.

Çka do të thotë se ka një diferencë prej 16.5 euro.

Pra, janë paguar në vit 16.5 euro më shumë, për ton, për landfillin e Sharrës. Për kompaninë Integrated Energy BV SPV, ku nuk ka incenerator.

Për të mos folur këtu për milionat e të ardhurave që i vinë kësaj kompanie, nga bizneset në Tiranë. Dherat nga firmat e ndërtimit apo mbetjet nga subjekte të ndryshme private të kryeqytetit, të cilat në katër vite i kanë paguar rreth 20 milionë dollarë koncesionarit.(Lexo këtu)

Tani, me shifrat që ne i përmendëm më lart, duke i saktësuar edhe sipas vetë vlerave të deklaruara nga firma, kuptohet qartë sesa do iu kushtojë taksapaguesve shqiptarë kjo aferë.

Është detyrë e drejtësisë, detyrë e SPAK të hetojë deri në fund këtë aferë dhe të gjenden ku kanë shkuar paratë e taksapaguesve shqiptarë.

Afera e inceneratorëve nuk fillon dhe as nuk mbaron, as tek Lefter Koka dhe as tek Alqi Bllako.

SPAK duhet të “zgjohet” edhe për Tiranën./CNA.al

Detajet që “fundosin” Qeverinë/ 23 miliardë lekë për inceneratorin që nuk ekziston

Sa na kushtojnë vërtetë inceneratorët

Rama pranon aferën e inceneratorëve: Ma futen për shalësh

Dokumentet ekskluzive/ Shifrat marramendëse, zbulohen pagesat për inceneratorin e Tiranës

INCENERATORI I TIRANËS nga skandali në skandal/ Si u zhytën institucionet shtetërore në një aferë korruptive

51 fakte dhe dokumente për aferën e inceneratorëve