web counter
LEXO PA REKLAMA!

SHKARKO APP

App Store
Google Play

E fundit!

x

Dyshimet/ Pse SPAK-u po “amniston” Engjëll Agaçin?

31 Maj 2022, 13:33, Denoncim CNA
Dyshimet/ Pse SPAK-u po “amniston” Engjëll Agaçin?
Sekretari i Përgjithshëm i Kryeministrisë, Engjëll Agaçi

Nënkryetarja e LSI-së në Tiranë, Brisida Shehaj, në një prononcim për CNA.al ka vijuar të denoncojë koncesionin e inceneratorëve.

Brisida Shehaj theksoi se SPAK-u nuk ka ndërmarrë ende asnjë veprim për Sekretarin e Përgjithshëm të Kryeministrisë, Engjëll Agaçi.

Sipas Shehajt, Agaçi ka qenë në dijeni të shkeljeve për procedurat e inceneratorit të Elbasanit.

“Sot ende nuk kemi asnjë veprim të ndermarrë nga SPAK-u për Engjëll Agaçin, i cili ishte vënë në dijeni nga drejtuesi i APP-së që Ministria e Mjedisit po kryente shkelje ligjore për procedurat e Elbasanit.

Sot ende nuk kemi asnjë veprim për kryebashkiakun e Tiranës, i cili ka firmosur një angazhim financiar pa marrë miriatimin paraprak të Këshillit Bashkiak apo veprime për Taulant Tushen, i cili sipas procesverbaleve të grupit të punës kundërshton kategorikisht të zbatojë procedurat ligjore edhe pse kjo i kërkohet nga disa anëtarë të grupit të punës.” - tha Shehaj.

Më tej, ajo shtoi se “Ka pa fund fakte të cilat janë në dispozicion të SPAK-ut, që kjo skemë abuzimi të hetohej shumë lehtësisht pasi këta individë në bashkëpunim me institucionet shtetërore janë tallur me fondet publike pasi ata as nuk janë munduar hiç të fshehin këto veprime pasi kanë pasur garanci po nga instancat shtetërore.

Këto veprime të mangëta të SPAK-ut me keqardhje e them se po faktojnë pikërisht këtë gjë.

Sot kemi individë që dënohen me 6 vite për 300 euro korrupsion e ndërkohë kemi zyrtarë të lartë të dënuar 1 vit për 28 milionë euro abuzim.” -tha Shehaj./CNA.al

 





Lajmet e fundit nga