Mediat, “vasale” të pushtetit/ Zbulohet si e “shpërbleu” Veliaj Irfan Hysenbelliun

28 Maj 2022, 10:14, Denoncim CNA
Mediat, “vasale” të pushtetit/ Zbulohet si e
Irfan Hysenbelliu

Pseudodemokracia shqiptare, 30 vite tranzicion kanë prodhuar shumë personazhe, mes të cilëve edhe disa “peshkaqenë” mediatikë, biznesmenë të mbytur në borxhe, që tentojnë të “fshihen” pas mediave.

Një ndër personazhet është edhe Irfan Hysenbelliu, pronar i “Focus Media Group”, i cili përdor mediat e tij për të sulmuar institucionet, kur ato shkojnë të kontrollojnë, të zbardhin dokumentet, taksat, detyrimet që ka paguar në shtet ky individ i cili për të thënë të vërtetën është i mbytur në borxhe, me kredi miliona euro.

Pa folur për paratë që duhet t’u japë kontraktorëve apo nënkontraktorëve të tij.

Ndoshta gjithkush mund të thotë se mediat janë në misionin e tyre, për të zbardhur të vërteta, për të denoncuar, por duket se “dardha e ka bishtin prapa”.

Nëse shikon më vëmendje mediat e Irfan Hysenbelliut, ka një detaj. Sulmohen drejtorë tatimesh, por nuk shkruhet asnjë fjalë e vetme kundër Kryeministrit, për korrupsionin qeveritar, apo as edhe një denoncim i vetëm kundër kryebashkiakut të Tiranës Erion Veliaj.

Përkundrazi, nxirret Veliaj në ekrane sa herë që mbjell një pemë.

Lejet e ndërtimit në këmbim të servilizmit ndaj Veliajt

Dyshimet janë se shkak për “lëpirjet” ndaj kryebashkiakut të Tiranës, janë pikërisht lejet e ndërtimit.

Në dokumentet më poshtë, shikohet kompania “ERJONI”, me NIPT K11919002N, ku ortak i vetëm me 100% të kapitalit është Irfan Hysenbelliu, ka përfituar leje ndërtimi në Tiranë.

Objekt i aktivitetit është “Ndërtim të objekteve të ndryshme civile, turistike, shërbimesh, projektim, mbikqyrje. Përforcime themeli dhe punime nëntokësore. Izolime mbi dhe nëntokësore. Ndërtim sisteme hidraulike dhe elektrike. Dhënia dhe marrja e objekteve të luajtshme ose të paluajtshme me qira. Ushtrimi i aktivitetit në bar - restorant - Pub, Hoteleri - Turizëm. Tregtimi me shumicë dhe pakicë, import-eksport i mallrave dhe materialeve të ndryshme”.

Ndërsa ajo që bie në sy është adresa e ushtrimit të aktivitetit.

Sipas ekstraktit zyrtar, adresat e ushtrimit të aktivitetit janë “Tiranë Golem Fshati Turistik Golem, Kavajë, zonë kadastrale Nr.1791, Numer Pasurie 137/73.

Tiranë, rruga 'Panorama', kati nëndhe, komplekse banimi dhe shërbimesh me 2,6,9 kate (parkim).

Tiranë, rruga 'Kujtim Laro', Njësia Administrative Nr. 3, Tiranë, objekt në ndërtim, sipas Lejes së Ndërtimit Nr. Prot Gj-20938/8 datë 05.03.2021, të lëshuar nga Bashkia Tiranë, rruga 'Qemal Stafa', Njësia Administrative nr.2, godinë në ndërtim banimi dhe shërbimi 1,5,6,8,9 dhe 10 kate me 2 kate parkim nëntoke sipas lejes së ndërtimit nr.prot D-13297/9 të Bashkisë Tiranë.

Mediat, “vasale” të pushtetit/ Zbulohet si e

Tiranë, objekt banimi dhe shërbimi 7 dhe 8 kat me 2 kate parkim nëntokë, Rr. 'Reshit Petrela', Njesia Administrative Nr. 9”.

Pra, pas skandalit të pagesave nga afera e shekullit, ku janë të paktën 300 mijë euro në vit, paguar nga inceneratorët, për mediat e Irfanit dhe familjarëve të tij, qëndron një tjetër skandal.

“Vrasja” e misionit të medias, dhe kthimi i tyre në “vasale” të pushtetit.

Irfani i inceneratorëve "i mbytur" në borxhe, sulmon institucionet për interesa personale, por me Lalin nuk ia mban. Thjesht bëhet vegël e tij, sepse do lejet për ndërtimin e pallateve. Një pallat, një media në shërbim./CNA.al

Lajmet e fundit nga