Policia prangos qytetarin për 15 m3 dru/ Bën sehir për shkatërrimin e simbolit të Korçës

25 Maj 2022, 12:55, Denoncim CNA
Policia prangos qytetarin për 15 m3 dru/ Bën sehir për

Policia vijon të bëjë operacione të ?bujshme?. Prangoset qytetarë të cilët janë kapur me plot 15 m3 dru.

Policia e Pogradecit ka bërë edhe njoftim për mediat ku bën të ditur se është kapur i ?rrezikshmi? që kishte prerë plot 15 m3 dru.

?Shërbimet e Policisë kanë kapur në fshatin Dardhas, Pogradec, shtetasin E. M., duke transportuar me mjetin kamion tip ?Ifa?, 15 m3 lëndë drusore, pa leje.?-njofton policia.

Por, çfarë ndodh?

Ndërkohë që qytetarët e thjeshtë prangosen e çohen në burg për plot 15 m3 dru, policia duket se bën sehir përballë ?të fortëve?.

Në Korçë, në atë që quhet simboli i këtij qyteti, po zhvishet i gjithë parku Belvedere, ditën për diell, dhe askush nuk reagon.

Kujtojmë këtu se për çështjen në fjalë ka pasur denoncime të forta nga gazetari Elvi Fundo.

Ky i fundit, ndërsa ka publikuar edhe disa foto të ?masakrës? që po ndodh në Korçë, thekson se një person, për ca para më shumë, po shkatërron të famshmen pikë simbolike në Korçë, atë që quhet Belvedere.

Ai e cilëson këtë si një masakër urbane, për të cilën askush nuk flet./CNA.al

Foto-Denoncimet e forta të gazetarit/ Po shkatërrohet simboli i Korçës

Lajmet e fundit nga