E fundit!

x

“Të vendosin kufje”/ Punishtja e gurit vijon punën në mes të lagjes edhe pas vendimit të bashkisë dhe gjykatës

17 Maj 2022, 19:01, Denoncim CNA
“Të vendosin kufje”/ Punishtja e gurit vijon punën në

Banorët e lagjes ?Postbllok? në Kuçovë vijojnë të jetojnë mes pluhurit dhe zhurmave, megjithëse pushteti lokal dhe gjykata i ka dhënë të drejtë.

?Në këtë lagje jemi disa familje dhe pranë banesave tona është një punishte guri. Bën zhurmë të madhe. Pret gurë të mëdhenj. Bën pluhur dhe institucionet nuk marrin masa. Është bërë e pamundur të jetosh nga zhurma që zgjat deri në 12 orë. Jemi ankuar kudo, te Bashkia Kuçovë që na thotë se është bërë biznes i vogël.

IKMT e pezulloi disa muaj, ndërsa AKM-ja na përgjigjet se janë në ristrukturim dhe nuk marrin dot masa? pohuan banorët, ndërsa thanë se nga zhurma e pluhuri ?është me keq se Covid-i?. Në atë kohë, kamera e “Fiks Fare” xhiroi edhe punishten, e cila lëshonte një zhurmë të madhe, si pasojë e disa sharrave. Pronari i pikës tha se nuk kishin leje mjedisore, ndërsa pyetjes se përse ka një zhurmë të madhe thanë se ?banorët të vendosin kufje?. Pushteti lokal kishte bërë disa inspektime, por deri në shkurt 2021 s?kishin marrë asnjë masë.

Ndërkohë, 15 muaj më pas, banorët kërkojnë sërish ndihmën e ?Fiks Fare? për shkak të së njëjtës problematikë. Gazetarët udhëtuan sërish në lagjen ?Postbllok?, ku konstatuan të njëjtat problematika; zhurmë dhe pluhur. ?Falënderojmë ‘Fiksin’ për denoncimin e parë. Pas kronikës së 16 shkurtit të vitit 2021, institucionet u vunë në lëvizje. Bashkia e Kuçovës mbylli aktivitetin. Por, firma e kundërshtoi këtë vendim në Gjykatën Administrative të Shkallës së Parë në Vlorë. Pa dalë një vendim përfundimtar, gjyqtari Ken Dhima, që u shkarkua më pas nga Vetingu, mori një vendim paraprak, duke kundërshtuar vendimin e Bashkisë dhe lejoi punën në këtë punishte. Ata filluan punën dhe ne jetojmë me zhurma. Në vendimin e ndërmjetëm, gjyqtari Ken Dhima shkroi se masa e sigurisë, që firma të vijojë punën, të jetë deri në një vendim të formës së prerë? thonë banorët.

Sipas tyre, gjyqi vijoi në Gjykatën Administrative të Vlorës, e cila vendosi që të rrëzojë firmën, pra të lërë në fuqi vendimin e Bashkisë së Kuçovës për të mbyllur punishten. ?Gjyqtari i dytë ndejti 3 muaj për të zbardhur vendimin. Dhe këta vijonin punën. U zbardh vendimi para ca ditësh dhe ç?të lexojmë. Ata na kishin dhënë të drejtë, por s?kishte urdhër ekzekutimi. Pra, ne të marrim vetëm letrat dhe firma të bëjë punimet. Të gjithë na japin të drejtë, po ne jetojmë mes zhurmave dhe pluhurit?, pohojnë banorët. Sipas tyre, përfaqësuesit e Bashkisë së Kuçovës nuk kanë kërkuar në gjyqin e themelit që të pezullohet aktiviteti? pohojnë ata. Një tjetër thotë se ?është njësoj sikur të lirosh vrasësin derisa të shpallet vendimi?. ?Kur do të na vijë radha në Apel?! Atje ka 20 mijë çështje. Ne s?duam letra, duam fakte që të mbyllet. I bëj thirrje ministres së Mjedisit dhe Kryeministrit Edi Rama që të marrin masa. A do të jetonin ata me një gurore pranë??, përfundon një banore.

Gazetarët e “Fiks Fare” telefonojnë juristin e Bashkisë së Kuçovës për ta pyetur për procedurat e mbajtura. Në telefon, juristi thotë se janë dy vendime, i ndërmjetmi që ka të shkruar se ?puna do të vijojë deri në vendim të formës së prerë dhe themeli që i ka dhënë të drejtë banorëve, bashkisë?. Gazetarët e pyesin nëse vendimi i ndërmjetëm është apeluar apo jo nga bashkia. Ai thotë se jo, pasi ?erdhi në limitet e afateve?.

Por, juristi i Bashkisë së Kuçovës telefonon sërish grupin e ?Fiks Fare?, pasi ?kishte gjetur apelimin që kishte bërë Bashkia Kuçovë?. ?Pasi më telefonuat ju, unë kisha dyshime dhe hapa dosjen. Pashë që Bashkia Kuçovë e ka apeluar vendimin e ndërmjetëm dhe prej 1 viti s?është shqyrtuar në Gjykatën Administrative?. Ndërkohë, gazetarët e pyesin se përse nuk kërkoi në gjykatë një tjetër masë pezullimi për punishten, ndërsa ai tha se ?nuk e lejonte vendimi i ndërmjetëm?.

Pra, institucionet vetëm sa kanë letrat, madje disa prej këtyre letrave i harrojnë në sirtare. Gjatë këtij viti, Bashkia e Kuçovës nuk kishte bërë asnjë kërkesë në Apelin Administrativ për përshpejtimin e masës së sigurisë. Dhe, kjo neglizhencë, ka sjellë që banorët e lagjes ?Postbllok? të vijojnë të jetojnë mes pluhurit dhe zhurmave./tch

Lajmet e fundit nga