LEXO PA REKLAMA!

SHKARKO APP

Konfirmohet shkelja e noteres së Ben Blushit/ Ministria e Drejtësisë përfshihet në skandal

11 Maj 2022, 08:12, Denoncim CNA
Konfirmohet shkelja e noteres së Ben Blushit/ Ministria e

Në gusht të vitit 2020, CNA.al raportoi se si noterja Violeta Sulkaj kishte falsifikuar një kontratë noteriale.

Një konttratë mes dy shtetasve, Andon Dhima dhe Vangjel Zguri, lidhur me blerësen N. Blushi. Kjo e fundit vajza e ish-deputetit socialist, Ben Blushi.

Bëhet fjalë për një ambient shërbimi në qytetin e Korçës, ku nga ana tjetër CNA.al duke bërë një vlerësim të tregut me ekspertë, atëherë raportoi se vlera e pronës ishte rreth 500 milionë lekë. Ndërkohë që ajo ishte firmosur për vetëm 30 mijë euro.(Lexo këtu)

Pra, N. Blushi, vajza e ish-deputetit socialist Ben Blushi, kishte marrë një ambient biznesi dhuratë nga prindërit e saj.

Por, kontrata ishte firmosur në muajin maj të vitit 2015. Ndërkohë që ajo ndodhej në Angli. Kjo e vërtetuar edhe sipas sistemit TIMS. Dhe kontrata e hartuar nga noterja ishte e falsifikuar. Pra, nuk ishte firma e Natalisë. (Lexo këtu)

Por, nga ana tjetër, Ministria e Drejtësisë, e cila duhet të bënte verifikimet duket se ka tentuar qartazi ta shfajësojë shtetasen Violeta Sulkaj, e cila është dhe noterja që ka kryer falsifikimin.

Ministria e Drejtësisë nëpërmjet një procesi të dyshimtë ka bërë që mos ketë asnjë masë disiplinore, por të shpëtohej Violeta Sulkaj nga një procedim i mundshëm që mund t?i ndodhte për shkak të faktit se kishte firmosur një kontratë dhe e kishte bërë ligjore atë në momentin kur një nga personat nuk kishte qenë prezent në zyrën noteriale.

Një fakt i tillë është konfirmuar tashmë për CNA.al nga vetë Ministria e Drejtësisë.

Në një shkresë zyrtare, drejtuar CNA.al, Ministria e Drejtësisë pranon se ndaj noteres nuk është marrë asnjë masë, për shkak se kanë kaluar pesë vite nga firmosja e kontratës noteriale në fjalë.

?Shkelje disiplinore janë dhe veprimet ose mosveprimet që përbëjnë vepra penale, pavaresisht faktit nëse vepra penale është shlyer, ndjekja penale nuk eshte filluar ose nuk mund të vazhdojë, noteri është rehabilituar ose ka përfituar nga falja apo amnistia, me kushtin që nuk kanë kaluar me shumë se 5 vjet nga momenti i shkeljes’. Në rastin konkret, kontratat për të cilat ka pretendime se janë falsifikuar janë akte të cilat janë hartuar në Maj 2015, ndërkohë që rasti është referuar në media në Gusht të vitit 2020, pra ka kaluar afali pesë vjeçar i parashikuar nga ligji për noterinë, brenda të cilit Ministri i Drejtësisë mund të nisë hetimin disiplinor…”. Gjithashtu, në paragrafin e fundit të kësaj shkrese, ju kemi informuar në lidhje me programimin e kryerjes së inspektimit të Përgjithshëm pranë noteres Violeta Sulkaj, brenda vitit 2020.

Në këto kushte, për arsye të pandemisë së Covid-19, nuk është bërë i mundur realizimi i këtij inspektimi brenda vitit 2020, por në fillim të vitit 2021, ku Ministri i Drejtësisë ka vendosur me Urdhrin nr.3, datë 05.01.2021 “Për kryerjen e inspektimit të përgjithshëm pranë noterit Violeta Sulkaj“.-thuhet ndër të tjera, në përgjigjen e ardhur nga Ministria e Drejtësisë.

Pra, vetë Ministria e Drejtësisë konfirmon se inspektimi është mbyllur dhe nuk ka pasur asnjë masë ndaj zonjës notere e cila ka firmosur një kontratë të falsifikuar. E përsërisim, zonjusha Natali Blushi nuk ndodhej në Shqipëri në momentin e firmosjes së kontratës, kurse sipas kontratës noteriale ka qenë në zyrën e saj.

Por, sipas Ministrisë së Drejtësisë, një noter/e mund të bëjë një faksifikim, dhe nëse kalojnë 5 vite vazhdon e qetë punën, pa i hyrë gjëmb në këmbë.

Dhe për më tepër nuk është hetuar se kush është personi që vërtetë qëndron pas këtij falsifikimi. Violeta Sulkaj apo Eva Blushi? Këtë do të duhej ta zgjidhnin institucionet e Drejtësisë.

Kujtojmë këtu se Eva Blushi, bashkëshortja e Ben Blushit ka dhënë dorëheqjen e saj si notere.

Një akti i cili është bërë pas denoncimeve të shumta në media, por kjo nuk e shpëton nga skandali noteren tjetër Violeta Sulkaj, e cila është edhe hartuesja e kontratave të shitjes me firmën e falsifikuar të N. Blushit në maj të vitit 2015./CNA.al

Skandali/ Ministria e Drejtësisë shfajëson noteren falsifikatore të Ben Blushit

Ekskluzive-Skandali me falsifikimin/ Zbulohet kallëzimi i plotë për noteren Violeta Sulkaj dhe vajzën e Ben Blushit

Dorëheqja e Eva Blushit nuk shfajëson noteren Violeta Sulkaj, kapur në falsifikim

Ekskluzive-Zbulohen dokumentet/ Si Ben Blushi bleu për 30 mijë euro, pronën 500 milionëshe

Skandali-/ Ben Blushi bëri vajzën pronare duke i falsifikuar firmën (fakte dhe dokumente)

Policia konfirmon denoncimin e CNA.al/ Çfarë ndodhi në lokalin e Ben Blushit natën e Krishtlindjes

Lajmet e fundit nga